بسم الله الرحمن الرحيم
ياجماعة انا بجد خلاص جبت اخري من الموضوع ده وعاوز ارتاح
انا شاب عندي 18 سنة وباحب وباعشق بنت عمي عندها 17 سنة انا اكبر منها ب9 شهور بس !!
المهم .. انا دلوقتي بقالي يجي حوالي 2 سنتين مفيش في تفكيري غيرها وعمري ماحبيت ولا حااحب غيرها لكن هي للاسف ولا حاسة و كمان اتضح لي ان هي بتحب ابن عمي (اكبر مني ب4 سنين تقريبا)
يعني انا باحبها وهي بتحب ابن عمي !! طيب انا اعمل ايه انا مش قادر انساها ودماغي كل يوم حاتنفجر من التفكير
هو ان كان علي عمي بيموت فيا كشخص وبيحبني جدا وقبل كده سألني بنت عمك تلزمك ؟ اتكسفت اقول له بصراحة وقلت له احنا نطول ياباشا
وبعدين قال لي الله يخليك .. بس كده
انما المشكلة فيها هي انا نفسي هي تحبني هي لو عرفت انها بتحبني انا حاتقدم لها واصارحها علي طول لكن المشكلة فيها هي بتحب ابن العمي ومش فاهمة حاجة للاسف ابن عمي ده بتاع كله يعني بتاع بنات ومقضيها اصلا هو عاوز ياخدها لان ابوه عاوزه ياخدها بس !
انما كاحب هو لابيحبها ولا نيلة وهي مش فاهمة
جه يوم وابن عمي ده اتقدم لها من حوالي اسبوعين كده وكله كان موافق ماعدا (عمي) قال له اما تخلص ومينفعش نتكلم دلوقت في الموضوع ده ولكن انا عارف ان عمي رافض وبشدة
انا عارف اني طولت بس يارب تكونوا فهمتوا مشكلتي
لان اانا بجد منهار وقلبي مكسور وده بجد اكبر هم انا قابلته انا باحبها مش حب تسلية وكده لا انا باحبها وعاوز ارتبط بيها ومش متخيل حياتي من غيرها اصلا بس هي مش فاهماني وهي علي فكرة بنتكلم ع الميل ساعات وعيلتنا متقاربة جدا يعني باشوفها دايما في الاجازة وبنتجمع في بيت العائلة
بس مش عارف اصارحها او حتي المح لها بكده ع الاقل
