بحب وحدة بقالي أكتر من 10 سنين وخطبها واحد تاني وانا بعدها خلاص ما بقاليش لازمة بقيت بشوف كل البنات زي بعض ما بقيتش أميز بين بنت والتانية شايفهم كلهم غدارين وحشين وعشان حبيبتي راحت مني أقسمت ما أتجوز ولا أحب تاني انا دلوقت بكره كل البنات اعمل إيه قولولي أنا كنت بحبها من لما كنا أطفال ودلوقت إتخطبت هي لواحد غني وعنده فلوس كتير
اتفق مع 0دموع الحب0 في كل ماقالت لك ده هو الراي الصحيح والصايب اتمنى تستفيد منه وتهتم بنفسك وربنا يكرمك بابنة الحلال اللي تستاهلك وتسعدك
اخي الكريم
عندك كل الحق ان تغضبك وان تشعر بشئ ما تجاه البنات
انما ليست اصابع يدك تشبه بعضها
اخي العزيز لا يجوز لك ان تتعامل مع جميع الناس كانهم هم الذين فعلوا ما فعلت هي لا اعطي نفسك فرصه ووقت
ولا تظلم من لم يفعل شئ في حقق
والدتك سيده اختك سيده خالتك عمتك سيده
وانا علي يقين انهن ليس مثلها
ادعو الله ان يفرج كربك وحزنك وان يعطيك البصيرة والصبر
اختك في الله
وعسى ان تكرهوا شيئا وهو خير لكم وعسى ان تحبوا شئ وهو شر لكم .كل شئ نصيب وان كانت من نصيبك اكيد كان ربنا قسملك بيها .مش هقولك ماتزعلش ولاالكلاام دا لا ازعل وابكى وعيش الحاله لأخرها بس اكيد بعد ماتهدى هتعرف ان دا امر ربنا وهتسلم بيه وربنا هيرزقك ببنت الحلاال اللى تستاهلك واكيد ربنا هيعوضك ومفيش حاجه اسمها كرهت كل البنات انت بس من اثر الصدمه وربنا يقف معاك ويصبرك.صلى وادعى ربنا محدش بياخد نصيب حد اللى ليه قسمه فحاجه بياخدها.
سلم امرك لله وكل شئ نصيب و ارزاق لو كانت مكتوبالك كنت اخدتها لكنها مش رزقك وان شاء الله ربنا هيعوضك واحده احسن منها- – ماحدش يعرف الخير فين لعلك لو تزوجتها كانت بهدلتك و كانت عيشتكم غير سعيده
انا معاك فانه صعب اوى اوى تحب واحده 10 سنين وتتخطب لواحد غيرك طيب ليه متقدمتلهاش؟
مهى كانت قدامك؟
ولا الواحد لازم يحس بالحاجه لما تضيع منه؟
متزعلش من ردى بس هى دى الحياه
حاول تنساها وربنا انعم علينا بنعمه النسيان
اما البنات مالهومش ذنب انك تكرههم لان مش كل البنات زى بعض زى المثل مش كل صوابعك زى بعض
فى المخلصه وفى الخيانه فى فى الصادقه وفى الكاذبه
وانت متوقفش حياتك علشان حب فشل بعد سنين كتير
لا الحياه ماشيه وهتلاقى البنت اللى ترتاحلها وترتاحلك وتحبها وتحس انها فعلا تستاهلك
اسمع كلامى وحاول تنسى ومتعذبش معاك اى بنت او تحاول ترد فيها العذاب اللى جواك لان ده هيتردلك فى يوم من الايام
سواء فى اختك بنتك قريبتك حد عزيز عليك
ومتدخلش فى علاقه حب الا وانت متأكد انك نسيتها خالص علشان متظلمش معاك البنت اللى هتحبك
واوعى تنسى واحده بواحده
انت كده بتظلمها وبتظلم نفسك