السلام عليكم مشكلتى انى مش عارفه اسامح نفسى و انسالها انا بحب انسان هو معايا فى مكان بعمل فيه نشاط الاول كان بيحاول يتعرف عليا و فعلا بقينا صحاب و مغتحش معايا موضوع الزواج والارتباط الرسمي الفترة اللى كنا فيها سوا قلتله على قصه قبل منه و ان واحد خدعنى سنتين و ارتبط بيا و سابنى
و اتجوز و قالى اهلى مش راضين بيكى عشان انا منفصله بقالى9 سنين مغيش اطفال انا عندى 29 سنه عامة المهم الولد اللى قبله ده كان بيحاول معايا وقتها تانى و انا شيطانى صورلى انى لو رديت عليه الشخص اللى عرفته ده هيغير و يحبنى المهم عرفت منه انه عايز يرجعلى بس مش جواز صحوبيه على مراته انا رفضت طبعا و صديته بس كان الشخص اللى عرفته ده شافنى و انا بكلمه شات كذا مرة. المشكله لما كنا بنخرج سوا كان بيعزم عليا بشيشه انا مش مدخنه ولا بحب ريحتها بس كنت باخد منه مش عارفه ليه و اقوله مش خايف على شكلى يقولى انتى حرة و لما كنت اروح مايطمنش عليا بس كنت بقول طبعه جامد مع ان كل الناس بتقول عليه طيب و محترم بعدها لاقيت صاحبتى بتقولى ابعدى عنه ده اكيد بيتسلى بيكى لانه حبنى قبل كده و جه اتقدملى على طول و انا رفضته عشان هسكن فى بيت عيله انما انتى تسليه وهو بيكلم بنت غيرك و هيخطبها كلامها خلانى اتقهر و اقطع علاقتى بيه و هو حاول يكلمنى كذا مرة مبقتش ارد عليه و شويه و خطب
بس لسه برضه بيقعد يبصلى و ساعات يكلمنى انا باركتله بس مش حاسه انه مبسوط بس مش هعمل حاجه لانه هو اختار كده بعدها لاقيت صحبتى اتجوزت و الغريب انى بالصدفه عرفت انه مش بيت عيله فحسيت انها كدبت عليا حاولت احكيله اللى حصل من صحبتى بس قعد يضحك و قاللى خلاص اديكى عرفتى شيلينى من دماغك بقى صعبانه عليا نفسى اوى الحمدلله اكيد مش عارفه
انا الناس بتهرب منى عشان وضعى ولا ايه نفسى اسامح نفسى انى اتنازلت مع ده و ده لحد ماحصلى كده ربنا بيسامح بس نفسى يبعتلى حد يصونى بدل مالطشت كده نفسى اخلص من اللقب ده و كمان اهلى مخبين انى منفصلة عشان الناس وكلامهم بقعد اشوف صورهم كل اللى ظلمونى والاقيهم مكونين اسر و حياه و انا كل شويه وقعه اكتر من اللى قبلها بتقهر ياريت بدل التوبيخ كفايه ضيقى ادعولى
مشاكل المطلقات
الناس بتهرب منى عشان مطلقة ولا ايه
اضيف بتاريخ: Wednesday, December 20th, 2017 في 21:51
كلمات مشاكل وحلول: اطفال, الحب, بنت, حب, شاب, صور, مشاكل
مش عشان انك مطلقة خلاص فاشلة في حياتك ومافيش احد عاوزك لا تفكيرك خاطئ جدا الخطا انك تتساهلي مع اي شخص تقابليه او عايز يتعرف عليك دا هو الخطا بعينه اوكي عاوزك ويرغب في الحلال اهلا به يروح لااهلك ويخطبك منهم حسب الاصول غير كدا ماينفعش انك تخرجي معاه او تتكلمي معه تماما السمعة والشرف هو راس المال للمراة اذا فقدتهم ضاع كل شئ واصبحت رخيصة ولاخيرفيها اصبري وادعي ربك بان يرزقك بالزوج الصالح وربنا سوف يكرمك ان شاء الله
أليست المطلقة انسانه مثلنا ومثل باقي البشرية لماذا مجتمعنا دائما ينتظرون إلى المطلقة بنظرة أقل والله أنا عاجز عن تعبير بأتجاهك. اللة يوفقك.
يااختي مش علشان انت مطلقة خلاص تعمل علاقات او صداقات مع الرجال الغرباء عنك لا ده تصرف خاطي ولايجوز وله عواقب وخيمة عليك وعلى شرفكي وسمعتكي وسمعة اهلكي كونك فشلت في زواجك الاول مش معناه انك فاشلة طوال حياتك كل شي قسمة ونصيب يمكن يكون الزوج الاول ماعرفش قيمة الحياة الزوجية ولافيش تفاهم او ارتياح او اهله ضغطو اعليه ان يطلقك وده بيحصل لكثير من البنات المطلوب منك الان تحافظي على سمعتك وسمعة اهلك وكرامتهم ولا تثق في اي شخص مهما كانت الظروف اللي يريد الحلال عارف طريقه يتقدم لااهلك حسب الاصول غير كدا يبقى ماينفعش انك تتكلم معه او تخرج معه او تطمني اليه اكثري من الدعاءلله عزوجل بان يفرج عنك ويكرمك بالزوج الصالح اللي يستاهلك ويقدرك ويصون مشاعرك ويسعدك طوال العمر وربنا رحمته واسعة وسوف يرزقك ان شاءالله