مشاكل الشباب مع البنات

نفسي اخد قرار ابعد ولا نفضل اصحاب

انا عندي 22 سنه اتعرفت على بنت من حوالي سنه تقريبا بس للاسف اكبر مني ب3 شهور كنا مهتمين ببعض اوي اوي كنت بفتح الميل عشانها وهي كمان بس هيا من نوع البنات الخجوله جدا جداولما طلبت منها رقم موبايلها معترضتش حتى لما طلبت منها اقابلها بردو معترضتش بس فجاه بعد ما رجعت من المقابله لقيتها بتقولي انها مش هينفع نتكلم تاني بسالها ليه بتسالني انا بالنسبالك اي؟؟ سكت ومعرفتش ارد واخدنا فتره متكلمناش بس انا مسكتش فضل احاول نرجع نتكلم تاني وفعلا رجعنا بس لغايه الان مقولتش اني بحبها لاني خايف تصدمني وكمان حكايه انها اكبر مني دي تقلق  بس اللي اكتشفته مع الوقت انها كانت بتحبني زي ما انا بحبها لانها مره قالتلي انتا اخر واحد تتكلم عن الشجاعه لما سالتها قصدك اي قالتلي ولا حاجه راحت معيطه اتاريها تقصد اني مقولتلهاش اني بحبها بس كانت حاسه بس مستنيه اقول لان اكيد مينفعش هي اللي تقول طبعا لامع الوقت اتفقنا اننا نفضل اصحاب وبس والكلام مع بعض بقى بارد اوي  بعد ما كنا بنرغي مع بعض بالساعاتودلوقت مش عارف ابعد عنها ولا نفضل كده وبصراحه انا هتعزب في الحالتين…اعمل اي؟؟؟؟

مشاكل وحلول ذات صلة

اضيف بتاريخ: Saturday, December 18th, 2010 في 06:48

كلمات مشاكل وحلول: , , , , , ,

4 رد to “نفسي اخد قرار ابعد ولا نفضل اصحاب”

  1. النبيل شارل
    19/12/2010 at 11:17

    اخي ما أجمل ان تفاجأها وتقول لها من غير مقدمات ومن غير اسباب احبك تأكد انك ستجدها هي ايضا تحبك فأخبرها بحبك كي لا يأتي شخص اخر ويخبرها بحبه فتكون قد فقدها ولن ينفع الندم

  2. مطبلاتي
    19/12/2010 at 08:43

    روح شوفلك شغلانة تأكل منها عيش وبعدين لما تفكر بعد عشر سنين تتجورز يمكن تتزوج من عيالها ,, ما تظلمهاش معاك وتخليها تنتظرك سنوات طويلة لما تكون نفسك وبعدين تقول عاوز واحدة زغنططة!!

  3. كريم أشرف نور
    19/12/2010 at 04:05

    بص نصيحه اخ اولا حب النت تضيع وقت وفراغ عاطفى
    تانى حاجه
    اللى بيحب ميقدرش ميقولش انته مش بتحبها انته متعود عليها فقط واتحداك والسن مش بيفرق

  4. yuyo
    18/12/2010 at 13:26

    بص لازم تصارحها متسيبهاش محتارة كدا وعشان انت كمان ما تحتارش صارحها وشوف رأيها ايه وقول لها على كل ظروفك يعنى مثلا لسه طالب او لسه شاب ف بداية حياتك وقدامك وقت لحد ما تكون نفسك قلها كل دا وشوف هى هتختار ايه هتختار انها تستناك وتفضل معاك ؟ ولا هتختار انها تبعد عنك؟ فف الحالتين هتبقى انت وهى الكسبانين لانكو بطلتو تحتارو وشوفتو مستقبل كل واحد فيكو وهيخطط له ازاى وربنا يوفقك باللى فيه الخير ليك

اترك رداً أو حلاً لهذه المشكلة