مشاكل الضعف الجنسي

بكره زوجي وعايشين كالاغراب وبفكر في الطلاق

بسم الله الرحمن الرحيم
اخواتى انا زوجه ابلغ من العمر 48سنه تزوجت من 27سنه ومعايه ثلاث اولاد جبتهم ورا بعض بعد 10سنين جواز جوزى بدء يضعف جنسيا عارضت عليه يتعالج رفض بشده وقال انه مافيهوش عيب والعيب فيا انا انا اللى مش بعرف اتعامل معى انى ولله الحمد مش وحشه شكلا ولا جسم ولا لسان ولا شقاوه فى بيتى ومعاه عملت اللى مافيش واحده تعمله ولافايده لحد مامات عنده الانتصاب نهائي حسيت انى موت معاه واتحايلة عليه يتعالج قولتلو اننا لسه صغيرين رفض وقررت انه لو ماتعالجش هنام لوحدى فى اوضه وطبعا اختار الاسهل ووفاق انى انام وحدى فى اوضه وبقالى النهارده 18سنه بالنظام ده غير لسانه الطويل وعدم تحمل اى مسؤليه وانا فى البيت ومعى ولادى راجل وست يعنى هوه ولا ليه اى مشاركه غير مصروف البيت وهوه من الشغل للقهوه حتى مش بيعد معايه فى البيت وسليط السان جدا طبعا الكل هايقولى عيشتى معاه ليه هاقولكم انى ماكنش ليه مكان اعيش فيه بولادى لكن الحمد الله ولادى جوزتهم مافيش غير واحد معايه وانا مابقتش قدره اكمل اعمل ايه اطلق وافكر اجدد حياتى ولا اكمل معاه بس انا بقيت بكرهو جدا لانه حرمنى من اجمل متعه فى الدنيا واستغل انى ماليش حد وهاعيش غصب عنى وللعلم انا شكلى اصغر من سنى بكتير والكل بيحسده عليا وبيقولو انى خساره فيه حتى اهله متعاطفين معايه جدا وشيلنها جميله انى اتحملته كل ده اعمل ايه بالله عليكم وللعلم ولادى كلهم فى صفى وموافقين اعمل اى حاجه ترضينى حتى لو اطلقت واتجوزت تانى

مشاكل وحلول ذات صلة

اضيف بتاريخ: Wednesday, September 20th, 2017 في 07:05

كلمات مشاكل وحلول: , ,

5 رد to “بكره زوجي وعايشين كالاغراب وبفكر في الطلاق”

  1. صديق
    15/10/2017 at 14:06

    حاولى تتكلمى معاه بهدوءوحب
    والفتى نظره ليكى باى طريقه وحببيه فى البيت
    وبلاش الطلاق لانه مش حل بالعكس ضرر عليكى لوحدك

  2. العقرب
    21/09/2017 at 02:13

    مافيش اى مبرر ولا دين ولا شريعه بتقول انك تكملى معاه مدام مش هيتغير ( فَإِذَا بَلَغْنَ أَجَلَهُنَّ فَأَمْسِكُوهُنَّ بِمَعْرُوفٍ أَوْ فَارِقُوهُنَّ بِمَعْرُوفٍ ) الدين بيقول كده والطلاق شىء مش وحش اطلاقا ده شىء جميل ربنا اباحه مدام مافيش تفاهم مابين الزوجيين نصيحه اتطلقى منه فى اسرع وقت ومتدفنيش الى باقى من عمرك معاه حتى لو بعد كده متجوزتيش تانى بس متقعديش مع راجل زى عدمه لا صلاح له لان بعد عشر سنين صدقينى هتندمى اخر ندم انك فى اللحظه دى انك مسيبتهوش

  3. اااا
    20/09/2017 at 20:34

    السلام عليكم ورحمة الله وبركاته
    انتي عنديك 48 سنه وتفكر في الجواز
    الجواز ضاع عليكي
    البنات صغيره بدور ع الرجاله عشان يجوزو
    الايام الفاضله من عمرك قضيه
    بوس وحضان مع جوزك
    انتي صابره 18سنه جات علي الفاضل من عمرك

  4. منارة الهدي
    20/09/2017 at 12:32

    علاقة الست بجوزها مش مجرد رغبة في العلاقة الحميمة … “وجعلنا بينهما مودة ورحمة” .. خليكي عند ربنا احسن منه.. وهوا مش ذنبه انه بئا كده .. ويمكن بكلامك ده انتي بتحسسيه انه مش نافع وبتبئا صعبة أوي في حق اى راجل لو الست حسيسته بكده .. خليكي حلوة في بيتك جدًا مع شيء من التجاهل بمعني متحسيسيهوش إنك متشحتفة عليه وإنك راضية بالوضع عادي خالص ، وفي نفس الوقت متقصريش في شغل بيتك كله وبردوا مترفضيلوش طلب وخليكي أهدي مايكون ومتفشيش سره بره للناس أبدًا لإن الراجل بيحس بإهانة من الناحية دى جدًا قدام مراته فمابالك لما مراته تتكلم عليه بره؟!!! ، ربنا جعل رضا الزوج من رضا الله وخليكي أحسن منه… وتذكري أن علاقة الزوج بزوجته أشبه مايكون علاقة (طفل بأمه)مع الاحتفاظ برجولته وقوامته عليها.

  5. ابوالبتول
    20/09/2017 at 09:25

    اختي العزيزة انت تقولي ان لكم 27سنة متزوجين وعندك 3 اولاد من زوجك وقد زوجتي 2 من الابناء يعنى صرتي جدة وبيكون لك احفاد من ابناءك لم يعد في العمر بقية مثلما يقولون انت شارفت على 50 سنة ولااحب ان تكوني في وضع المطلقات بعد العشرة الطويلة مع هذا الزوج اصبري واحتسبي الاجر عندالله عزوجل وتاكدي ان المراة الصابرة على زوجها لها الجنة متى ماحافظت على صلواتها الخمس وصامت شهرها وحصنت فرجها واحسنت لزوجها ادخلها الله عزوجل الجنة كما اخبر بذلك النبي عليه الصلاة والسلام وكل منا يتمنى الفوز بالجنة ويرجوا الله ان يكون من اهلها وانت ان شاءالله من اهلها اذا صبرت واديت ماعليك من الواجبات تجاه ربك من صلوات وصيام وحفظت شرفك وارضيت زوجك فطوبي لك يااختاه بهذة الكرامة من رب العالمين وعاوزك تعرفي كم من امراة متزوجة وبنفس الحالة التي انت بها ولكنها صابرة ووراضية بماقدره الله عليها وتسعى لمرضاة الله عزوجل وحريصة على استقرار حياتها الزوجية والاهتمام بشوون زوجها واولادها والتعايش مع الزوج وعدم التفكير في الانفصال او الحديث عنه مهما حصل منه من اهمال اوتقصير اوسوء معاملة لها هكذا تكون الزوجة المخلصة والاصيلة والصبورة وربي يصلح لكم الحال ويستر عليكم ويديم عليكم الخير والسعادة ويبارك لكم في الابناء ويرزقكم ثمرة برهم في هذة الدنيا وتشوفي اولاد اولادهم ويتربوا في عزكم

اترك رداً أو حلاً لهذه المشكلة