اولا انا دكتورة فى شركة ادوية وبشتغل مندوبة وكمان المفروض انى بعرض على الاطباء الدواء وبشرح لهم ازاى بيشتغل وفوايده واضراره وكده فى الاول اول لما اتعينت كنت حاسة انها تجربة جديدة وكنت فرحانة وبعدين ضميرى انبنى كتير عشان حاجات كتير منها كتير بلاقى دكتارة بيستهبلوا لدرجة ان فى دكتور طلب تليفونى قلت حايز عايز يسالنى فى الدواء ولما دخلت تانى مرة بالرغم انى مبسلمش لقته سلم وكمان باس ايدى قلت ده زودها هل اروحلوه تانى عشان المفروض ده شغلى عشان لازم اخلى الدكتارة يكتبولى ده لونه فى سن والدى اول حاجة وفى دكتور تانى لابس دبلة متوسط العمر اول مقدمتلوا الدواء وقف كتابة الدواء القديم المنافس ليه بالرغم ان شركته الانتاجية اكبرمنى وقال لمديرى لما كان معاى انه هيفضل يكتبه طالما انا موجودة اى بيكتبه علشانى وبعدين اول ما جلته تانى قالى ان فى واحدة منافسة جتله وكانت شركتها اكبر منى رفض يكلمها وقالها ان هو بيحب دواى والله انا عارفة ان دواى كويس بس انا خايفة احست يكون تمهيد لحاجة تانية ربنا يستر وقالى اصل فى دواء اول ماتشفه تستريحلوه انا كنت مستغربة خاص ان فى مهنتى لو الدكتور كتب من اول مرة ده معجزة يعنى حاجة كبيرة بس الحمد الله ايه رايكوا انا لسا متخرجة اغير الوظيفة ولا اصبرو معتش اروح للدكتورين ولا انا ظلما التانى
مشاكل العمل
هل مهنتى حلال ام حرام
اضيف بتاريخ: Monday, February 28th, 2011 في 11:30
كلمات مشاكل وحلول: اطباء, العمل, دكتورة, دواء, مشاكل العمل
الاخت دكتورة السلام عليكم الشغلانة دي فيها اختلاط ومقابلة ناس ضعفاءالنفوس وبلااخلاق ماحدش ضامن ايه ممكن يجرى لك من هولاءالذئاب السفلة وانت باين عليك ست محترمة وعلى دين وخلق وتربية انصحك بترك المجال ده والبحث عن عمل اخر لك في نفس الشركة والايكون في صيدلية محترمة اتمنى لك دوام الستروالعافية والسعادةوالرزق الحلال في حياتك وفي ابن الحلال الصالح اللي يستاهلك ويعوضك خيرافي حياتك
من الافضل اتركي الوظيفة من اجل ربنا و شوفي وظيفة تانية و ربنا رح يوفقك ان شاء الله
الله يرزقك بعمل أخر وزوج صالح يقيك شر طل ذلك وبارك الله فى أخلاقك
اختى العزيزة
يبدو ان حضرتك بنت حلال وفى قمة الاخلاق والزوق والادب
بارك الله فيكى واكثر من امثالك
رجاء اتركى هذا العمل لانه يعتمد على التنازلات
اعرف اصدقاء يعملون بنفس المجال يضيع مجهودهم لمجرد دخول بنت للدكتور لعرض منتجها لمجرد نظرة مريبة او ابتسامه
ارجوكى حافظى على نفسك لان الندم مش هينفع
قول الحق اللي يرضي اللة انك شغلك اصلا اللي فيه اخطلاط بالرجالة حرام شرعا باجماع الفقهاء……..طبعا في شيوخ وشيخات بتوع اليومين دول ممكن يفتولك انه حلال حلال حلال وكمان ممكن يحرمه انك تسيبي الشغل…..كمان في مقوله بنسمعها كتير ساذجة جدا(( بدام انتي واثقة في نفسك خلاص ماتخفيش من شيء)) الدين ما بيتجزئش والا هنبقى منافقين وكدابين…….الشغله دي حرام واشئلي اهل العلم بس يكونوا اهل علم… والحريقة بتيجي من شرارة صغيرة زي اللي انتي فيها….(((قضي الامر الذي فيه تستفتيان)))
مصطفى حسنين
الاســكندرية
بصى انتى بشتغلى مبيعات خارجية اوت دور يعنى فعشان كدا بيحصل معاكى كدا نصيحة منى الشغل الاوت دور للبنات بهدلة دورى على شغل تانى بس يكون ان دور داخل الشركة يعنى
أختي الفاضلة
يبدو من حديثك أنكي جميلة ولن تسلمي من المضايقات
نصيحتي لكي وأرجو أن تأخذيها على محمل الجدية
اجعلي ثوبك مطابق للشرع لا يشف ولا يصف وارتدي النقاب
فإن أي امرأة جميلة هي فتنة للرجال.
أسأل الله أن يسدد خطاكي لما يحب ويرضى
بسم الله اختي من طاعة الله عدم التعامل مع الرجال اصلا وعملك هذا فتنه ربي يحفظك
الأخت العزيزة والمحترمة أولاً أنا حسيت أوي من خلال رسالتك أحساسين الأول أنك أنسانة بجد محترمة وبتخافي ربنا في كتير من تصرفاتك ودة شيئ جميل جدا وممتاز والأحساس التاني واضح أن حضرتك على قدر عالي من الجمال ههههههههه ودة برضوا شيئ كويس بس نصيحتي اللي ممكن اقدمها لحضرتك أنك احياناً كتيرة رايحة تلاقي ناس ياسخة وسخيفة وبتحاول انها تعمل اي حاجة علشان توصل لأفكار دنيئة بتفكر فيها وعايزة توصلها بأي طريقة من الطرق بس برضوا عايز اقولك ان البنت او الست هي اللي بتفرض اسلوب معاملة الرجالة ليها يعني المفروض انت بحكم شغلك في المجال دة هو مجال صعب على فكرة بالذات انة في أحتكاك كبير ومباشر بالرجالة فعلشان كدة باقولك لازم شخصيتك تكون مؤثرة وقوية يعني المفروض زي ما قولتي انك مش بتسلمي ازاي دة يسلم عليكي ويبوس ايدك المفروض كنتي صدتية بقوة علشان يحرم يعمل كدة وتفرضي اسلوبك انة يحترمك غصب عنة والتاني دة قوليلوة الموضوع مش موضوع مجاملة لو الدواء بتاعي مش كويس خلاص مش لازم تكتبة للناس وكمان لو انت تعبانة في التعامل معاهم ممكن تطلبي تشتغلي مع الدكاترة الستات بس يعني او تطلبي تشتغلي في قسم بعيد عن انك تنزلي كمندوبة توزيع وأكيد حضرتك صيدلانية أو كميائية يعني أكيد ان شاء الله هيكون قدامك كذا خيار تاني بعيد عن المعاناة دي أتمني أنك تكوني أستفدتي من كلامي رغم انة كتير بس أنا كدة مش برد غير على الرسالة اللي بتستفذني ولما برد بتكلم كتير أرجو ان تتقبلي تقديري وخالص تحياتي أخيكي في الله
الأخت السائله دكتوره…. السلام عليكم
أما بعد
ما شاء الله عليكى وعلى طيبتك اللى زياده عن اللزوم وهذا شىء جيد ولكن بحدود ووعى . شىء أخر هو ملابسك وطريقة عرضك للمنتج لابد أن تضبط بضوابط الشرع وهى الملابس تكون محتشمه حتى لا تعطى فرصه لضعاف النفوس لمضايقتك فهم كالذئاب طريقة عرضك وكلامك يكون معقول وحاسم وبدون الدخول فى مواضيع غير العمل ثم هذا الذى قبل يدكى هذا انسان غير محترم لا تتعاملى معه أفضل وياريت تبحثى عن عمل اخر فى مجالك بنفس الشركه وان كنت أنصحكى بألا تضعفى وتستسلمى لما يسمى الفشل فى التعامل مع الناس. أنتى تحتاجى الى تدريب جيد على كسر حاجز الخجل فى التعامل مع الناس مع المحافظه على الثوابت. أتمنى لكى التوفيق
بصى يا دكتوره انا دكتور وكمان بشتغل زيك في شركة ادويه مندوب دعايه صدقينى الشغلانه دي متعبه جدا ومرهقه وكمان ممكن تقابل اثناء عملك شخصيات تافهه جدا زي الدكتورين اللى بتحكي عنهم عشان كده ان رايي ان الشغلانه دي مناسبه اكتر للرجال ونصيحه منى شوفي وظيفه تانيه احسن لانه احيانا الامور تتطور لامور اسوء من اللى بتحكيه وربنا يوفقك وعلى فكره انا بقالى خمس سنين شغال في الدعايه وبنصحك بناءا على خبرتى في الماركت