يا جماعة مشكلتى ببساطة انا بنت مؤهل عالى عندى 24 اتقدملى حد مؤهل عالى بس بيشتغل استورجى وحاسه ان شكله كبير مع ان هو عنده 31 هو تقريبا جاهز وماديا فوق المتوسط بس انا حاسه ان مش هو ده اللى انا عايزاه واهلى شيفينه حد مناسب جدااااااا وبيقوله محدش لاقى شغل وكفاية انه انسان كويس وطيب ومحترم
المشكلة فى 1- انا من ناحيتى مافيش قبول
2- مش عايزه ابقى اقل من حد خصوصا ان صحباتى وقريباتى وخدين ناس كويسين جدااااااا جدااااااا جدااااااااااااا
رأى اهلى انى لو رفضت يبقى بطر والبطران اخرته………… انتو عارفين ربنا يحفظنا
اما انا شايفة انى لسه ممكن استنه حد تانى احسن من كده خصوصا انى على قدر من الجمال وبصراحة حاسة انى استاهل حد احسن من كده وعملت صلاة استخارة بس بردو لسه محتارة وخصوصا ان فرص الزواج قليلة فرأيكووووو ايه الله يكرمكو اوافق وخلاص زى ماتيجى تيجى واهى عيشة والسلام ولا استنى شوية وربنا يستر بقى
واسفة للاطالة
والله اذا كان الحرامى والنصاب بيتباهى بانه حرامى ونصاب فانتى زعلانة انه شغال شغلانة شريفة حرام عليكى يا شيخة ……..امنية حياتى انى اشوف طريقة تفكير المصريين والعرب بتتغير كل اللى يهمهم راى الناس فيهم اللى تقولك عايزاه حلو علشان صحباتى ميعيبوش عليه واللى تقولك مركزه كويس علشان يبقى قيمة قدام صحباتك مش عارف هو انتى اللى هتتجوزى ولا صحباتك تفكيير سلبىى جدا
وماله الاستورجي مش شغل شريف …
ومين لاقي شغل اليومين دول …
توكلي على الله
عارفه انا زيك بس ده شكله مش ماقبول ومعاها مؤهل عالى والحاله الماديه كويسه جد مع انى انا معايا مؤهل متوسط وبصراحه انا حسيت انى غلطانه انى بفكره بالشكل وبقالى 3سنين ومش قادره اخد قرار ياريت حد يكلمى
من رأيى أنك توافقى ومتغريش بجمالك ياما ناس أتغرت بجمالها عنست وبقت عانس
الدين والخلق هما الأساس….
وإذا كان مقبول الشكل والمادة عندك فلا ترفضينه لأنك قد تخسرين…
وأتمنى لك وللجميع أن يجدوا ما يريدون….
شكرا لجميع الردود ومرسى جدا على التفاعل والمشاركة
وخلاص اديت قرار واهلى اتفقوا معاه على ميعاد يقرأ فيه الفاتحة
ادعولى بس الله يكرمكم ان لو فيه خير الموضوع يكمل واذا فيه شر الموضوع يوقف
وادعولى كمان بالرضا والسعادة لي وله
وجزاكم الله خيرا
انا بقى هقولك قصة واقعية انا شفتها بعينى انا ليا تلات اخوات بنات اتنين مجوزين وواحد صغيرة المهم الاتنين المجوزين دول واحد معاها مؤهل متوسط والتنية مؤهل عالى المهم اللى مؤهل متوسط جالها واحد معهوش شهادة خالص بس مفيش حد فى اخلاقه وساعتها لما جيه يتقدم يعنى كانت ظروفه المادية مش ولابد المهم اختى اللى معاها مؤهل قعدت تقولها بلاش وايه اللى جايرك على كدة واستنى انتى لسة صغير والكلام المهم اختى دى كانت بتحب ابويا اوى وبتثق فيه فقالتله ايه رايك فقالها انا موافق عليه لانه كويس جدا فسمعت اختى كلام ابوها واتجوزته المهم بعد اربع سنين من الجواز ربنا فتحها عليه ودلوقتى معيش اختى احسن عيشة والحمد لله بيعاملها كويس واختى فرحانة بيه لانه بيعاملها كويس ومش مخليها محتاجة حاجة وربنا يسترها عليها من الحسد المهم اختى التانية المؤهل العالى جالها كذا عريس وكانت بترفضهم عشان اللى مؤهله اقل منها واللى مش عارف ايه المهم لحد ما جاله ابن خالى وبرضه رفضته مع انه ظروفه المالية كويسة الى حد ما وابويا كان موافق عليه وكان بيتحايل عليها توافق عشان كان سنها24 سنة بس هى موافقتش المهم اخيرا جالها واحد شكله شيك وسيم فحبته اثناء الخطوبة وكانت طايرة بيه مع العلم يعنى اهله يعتبروا كويسين ماديا وعندهم عمارتين المهم اتجوزت وعايزك تششوفيها عاملة ايه بعد الجواز بتنعل اليوم اللى ما سمعتش فيه كلام ابويا جوزها اللى كان رومانسى قبل الجواز و و و دلوقتى مش طايقين يبصوا فى وش بعض ومش قادرين يسعدوا بعض شوفى انتى بقى الاتنين وقررى ويا ريت تقوليلى اختارتى ايه
انتي لسة لصغيرة ممكن تيجي صحيح فرصة احسن بس الراجل ده مش وحش وحتي انتي بتقوالي ان هو محترام وهي دي اهم حاجة الاحترام والخلق فكرى واجلس معاه مره وتنان وان شاء الله يحصل قبول واي شغل مش عيب
اوعى توافقى اى حب من على النت حرام وكداب وكل حاجة بجد اوعى توافقى
نصيحه منى بلاش …لان بدال اشتغل صنايعى هتفضلى مستقله بيه طول حياتك…انتى لسه صغيره والفرص كتير والحياه قدامك…ومتسمعيش كلام اهلك لتندمى
24 سنة مش كبيرة إنتي لثة صغيارة خالص والعريس دة بتقولي إنةمؤهل عالي يعني مش جاهل يعني حد كويس أما القبول فتكلمي معة أكثر من مرة حتى تثقي في قرار الزواج منه أو رفضه وأهم حاجة دينه وهيعرف يسعدك ويقدر يفتح بيت دون التقصير في شئ وصلي صلاة الإستخارة والزواج مش عيشة والسلام وربنا يقدم ليكي إللي فيه الخير ولو العريس دة خير لكي ربنا يقربه ولو شرربنا يبعده
إذا أتاكم من ترضون دينه .. فزوجوه ..
وهنا علينا ان نفهم هذه المقولة بشكل جيد ، ليس المقصود هنا العاكف الزاهد الذي يرائي بعبادته أمام الناس ، بل من سكن الإيمان في قلبه فصلح عمله والتزم بأخلاق المسلم في تعامله وتواده وتراحمه ..
ابنتي .. لا أعرف مالنا وما للناس ، ولماذا ننظر لما في يد غيرنا ، مع أنا لا نحتاج إلا الكفاف والعفاف .. ، لم تصرين على مقارنة نفسك بصديقاتك ، وما أدراك بأسرار البيوت ؟ لا تخدعك المظاهر ، فكم من غني أفقره الله ، وكم من فقير أغناه الله ، يقول المثل الشعبي : يا واخد القرد على ماله ، يروح المال ويبقى القرد على حاله ..
إذا ارتضيت أخلاق هذا العريس فاقبلي به ، ولا يعيبه عمله ، فغدا أنت تقفين بجانبه وتشجعينه ، أم أنك نسيت أن وراء كل رجل عظيم امرأة ؟
أمنياتي لك بالتوفيق
صلي استخاره تاني وتالت وبعدين دوري على الاخلاق والدين دا المهم بجدوماتبصيش لحد لانك ما تعرفيش هما مبسوطين ولا لاء….اذا عنده دين واخلاق صلي تاني وتالت اذا شايفاه عادي المهم وقتها القبول
توكلى على الله