مشاكل العنوسة

بسبب شدة والدي خائفة من العنوسة

ببساطة انا سنى 22 وكمان مركزى مرموق والحمد الله حلوة ممكن مش طويلة وتخينة سنة وعائلتى كويسة ومستورة والحمد الله بس والدى شد يد جدا ممكن اللى بيخالفة يتشاجر معاه والناس مبترحمش تخيلوا ولا واحد اتقدملى لحد الوقتى حاسة ان فى حا جة غلط بقول لنفسى ان شاء الله هيجى الكويس ولكن لا حس وال خبر تعبت وصحابى ما شاء الله يارب يباركلهم اقل منى بس اتخطبوا او على الاقل حد بيتقدملهم

مشاكل وحلول ذات صلة

اضيف بتاريخ: Friday, February 4th, 2011 في 11:43

كلمات مشاكل وحلول: , , ,

16 رد to “بسبب شدة والدي خائفة من العنوسة”

  1. fares
    25/04/2013 at 04:56

    مستعجلة على اه هو الجواز املة والله لو رجع بيا الزمن ما اتجوز عيشى حياتك واختارى صح ده مشروع العمر وصدقينى الاستعجال هو سبب البلاوى ده كلها انا عارف انكم حا تقولوا نصيب ومكتوب اهو هو ده اللى احنا فالحين فيه شماعة القدر والنصيب

  2. نانسى
    08/11/2011 at 17:54

    انا مشكلتى زيك بالظبط برضة بابايا شديد فى تعاملاتة مع الناس ومش بيجيلى عرسان بسبب كدة وانا متعلمة وحلوة وذات اخلاق ومرة واحد شافنى فى الشارع ماكانش يعرفنى فكلمنى وعرض عليا الجواز واول ماعرف مين ابويا سابنى ودة اثر فى نفسيتى جامد انا عندى 22سنة ولسة ماتجوزتش وليا اخت عندها 28سنة ولسة ماتجوزتش وابويا هو سبب دة وانا واثقة بانى لاانا ولااختى عمرنا ماهنتجوز بسبب ابويا مع اننا مش وحشين ابدا ومتدينين بس للاسف الناس بتاخد بالظاهر وانا راضية بنصيبى دة وبقول الحمد لله عشان بشوف ناس متجوزين وبيعانو من مشاكل صعبة بسبب الجواز
    فماحادش عارف الخير فين عشان كدة لازم نسيبها على الله وخلاص لانة اكيد دة نصيبنا ولو كنا بنعانى من حرمان فاى انسان الدنيا مش بتديلة كل حاجة المشكلة بس فى ان الواحدة مننا بتقابل نفوس مريضة بتتعمد تجرحنا اول مايعرفوا اننا عدينا العشرين ولسة ماتجوزناش بس انا عن نفسى مايهمنيش لانى انا جميلة ومتدينة والعيب مش فيا وحتى لو وحشة انا فى نظر نفسى ملكة
    هما يعنى اللى اتجوزوا مستريحين دول شاربين المر ممكن يكون دة احسن لينا حد عارف

  3. رنا
    07/03/2011 at 22:13

    لاتحزني انتي مشكلتك زي مشكلتي واهون شويه لدرجه ان احدي اللي بيدقدمولي رفضني لان ابوي صعب وشديدومع ذلك انا زعلت علشان ابوي مش عشاني لانه فكر للحظه انه السبب بس انا عارفه ان كل واحد بياخد نصيبه بس وعلي الرغم اني مش حلوه اوي الا اني واثقه في نفسي والحمد لله وفي ربنا وياريت تكوني كده

  4. HanyMoh
    17/02/2011 at 03:54

    لن أقول لك اصبري…

    فلست في ورطة أو مشكلة كي تصبري عليها…

    ولكن أقول لك لا تشغلي بالك بهذا الأمر…

    واعلمي أن له موعد لن يخلفه أبيت أم وافقت…

    رزقك الله بخير زوج وجعلك قرة عينه…

  5. تفاؤل
    05/02/2011 at 23:03

    ياحببتي التخان بيجوزو والضعاف بتجوزو والحلوين بيتجوزو والمش حلوين اوي برضو بيتجوزو وبنات الناس الطيبه بتجوزو وبنات الناس الغنيه والفقيره والوسط برضو بتجوزو…في ناس بتتجوز وعندها13سنه وفي ناس14وفي15وانتي طلعه لغايت التسعين سنه ومالو….يعني باختصار انو الجواز مهواش وصفه طبخ …مقادير محدده تحطيها نفسها في كل مره وتضبط…لا ده قسمه ونصيب …ونصيبك حيجيلك…وايه دراك انو مفيش حد بيفكر فيك…يمكن بس لسه وشويه ويجو كترو الدعاء وقيام الليل والاستغفار وحتتفاجئي بكتره العرسان…وحتبعتي لنا …انا محتاره اختار مين فيهم كلهم كويسين…هاهاها….تفائلي خير ياشابه…

  6. desha
    05/02/2011 at 10:46

    لا تسعتجلى من امرك ان الله هو اللى بيحل المشاكل ويحقق الامنيات .. وكل شيئ حمد من ربنا
    desha sad man

  7. ميلاد
    05/02/2011 at 03:01

    انت لسة بنوتة صغيرة واعلمى ان نصيبك هايجيلك ( مكتوبلك فى السما قبل ماينكتب فى الارض )
    وعلى فكرة انا اختى اتجوزت فى سن 31 سنة فلا تفكرى فى كلمة عنوسة دى

  8. نوره
    04/02/2011 at 23:27

    ياحبييتى انتى لسه صغيره واكيد نصيبك لسه مجاش وبكره ربنا يرزقك بابن الحلال ان شاء الله وربنا يوفقك يارب

  9. tarek
    04/02/2011 at 22:18

    لاتلقلي يا اختي عليكي بالصبر والصلاة ان يرزقك بابن الحلال
    ثم انك لسة صغيرة …فلا تقلقي

  10. عمر
    04/02/2011 at 22:04

    الصبر جميل

  11. sun
    04/02/2011 at 20:32

    يا حبيبت قلبي متقلقيش خالص الجواز ده قسمه ونصيب وان شاء الله تلاقي ابن الحلال اللي يستاهلك وتاكدي طالما انتي انسانه محترمه وعلي خلق اكيد حيكون نصيبك انسان كويس زيك بس انتي تحلي بالصبر وبعدين انتي سنك لسه صغير ملوش علاقه بالعنوسه خالص بالتوفيق يارب

  12. adel
    04/02/2011 at 20:29

    اختي الفاضلة لا تخافي من التاخير. علي سبيل المثال زوجتي تزوجتها وهي بعمر الثلاثين والحمد للةلدينا ثلاثة اولاد حلوين.لسنااغنياءولكننا سعداء.اللةسوف يرسل لك الشخص الذي يحبك ويسعدك.واذاكنتي مرتاحةماديا لاتنسي اخوتك الفقراء والمرضي و بهذاالعطاءسوف تشعري بالسعادةوالرضاء.اخيك عادل

  13. بوسى
    04/02/2011 at 18:35

    انانا اواجه نفس مشكلتك بس مفيش غير الصبر اصبرى فربنا مش حيسيب صبرك يروح من غير ما يعوضك اصبرى وكونى شديده الصبر

  14. توتا
    04/02/2011 at 17:40

    متقلقيش دة نصيب لسة ربنا مكتبلكيش نصيبك متخفيش لو نصيبك جالك ولا اى حد هيقدر يقف قدامة سبيها للة وانتى لسة صغيرة

  15. ايمان
    04/02/2011 at 15:20

    ان شاء الله ربنا يوعدك بانسان يحافظ عليكي

  16. ايمان
    04/02/2011 at 15:19

    ان شاء الله هتجوزي

اترك رداً أو حلاً لهذه المشكلة