عندى 35 سنه مش متجوزه مشكلتى اعانى من الفراغ العاطفى حاسه انى محتاجه اوى للحب والحنيه طبعا الحب اللى ينتهى بالجواز مع انى بقول لنفسى حب ايه وانتى فى السن ده انتى خلاص كبرتى وانهى راجل ده اللى هيبقى طبعا اكبر منك ويحب فى سن زى ده الحب ده للصغيرين ..المشكله انى من زمان اوى بحس انى محتاجه للحب وانا حبيت كذا مره لكن مكنش ليا نصيب فى حد منهم ولا عمرى ارتبطت بحد كنت بحب مع نفسى ..المشكله انى تعبت فى حياتى او احداث حياتى كلها وحشه كنت اعانى من ضرب ابويا ليا ولاخواتى ولامى ضرب مبرح وانا طفله كنا تقريبا بنضرب كل يوم فى وقت المدارس بعد كده اعتداء جنسى عليا وانا عندى 9 سنين وبسبب كده اضربت واتبهدلت مع ان انا المجنى عليها وبسبب الاعتداء ده وسوء معامله ابويا جالى مرض نفسى وهو الاكتئاب استمر معايا حتى كبرت صحيح مش اكتئاب جسيم يعنى مكنتش بفكر فى الانتحار مثلا لكن كان هناك تعب نفسى وما ان تخلصت من الاكتئاب حتى مرضت بالوسواس القهرى وبرده استمر معايا عده سنوات ناهيكم عن التحرش الجنسى اللى بعانى منه من طفولتى والله لحد دلوقتى كان نفسى فى انسان يحبنى بجد ويعوضنى ..حاسه ان جوايا مشاعر عايزه تطلع لدرجه انى لما بشوف مشهد رومانسى فى التليفزيون بحس بيه اوى وبحس بحزن اوى ..انا حاسه ان حظى قليل اوى عمرى ما اتمنيت حاجه وحصلت المشكله انى حاسه انى بقيت سيئه الظن بالله كل مابفكر فى اللى فات احس ان ربنا يعنى مش مقدرلى اى حاجه كويسه بالذات انى فعلا كبرت فى السن وعمر ما حد اتقدملى مع ان انا مش وحشه ولا مظهرى وحش بالعكس انا بحب البس كويس لكن هو حظى كده وسوء ظنى بالله ده تعبنى لانه ذنب يغضب الله ولانى بحس بياس من الدنيا اكتر منا يائسه كمان بقيت مش راضيه بحالى لدرجه ان بيطلع منى كلام وحش يحاسبنى عليه ربنا وانا خايفه من غضب ربنا وف نفس الوقت عندى ياس واحباط كبير انا فعلا حاسه انى يئست من الدنيا كل ما احاول اتفاءل الياس اللى جوايا يغلبنى مع العلم ان ليا ذنوبى اللى مش قادره اغفرها لنفسى وبرده معذبانى كفايه انى معترضه على ربنا مش ده ذنب لوحده …المشكله ان احساسى بالحرمان العاطفى اللى بعانى منه من زمان واللى زايد معايا اوى دلوقتى مخلينى افكر فى الرغبه اللى جوايا اكتر من ذنوبى انا فعلا نفسى احب واتجوز اوى وبرده نفسى ارضى ربنا …انا تعبت من الدنيا دى ولسه تعبانه ويائسه ومحبطه ومش عارفه اعمل ايه ممكن تنصحونى ومعلش انا طولت عليكم واشكركم جدا
انا اول مرة احكي همي هنا بس حبيت اشارك ابلغ من العمر 35 سنة وفي الواقع اللي يشوفني يحسب اني لسة بالكلية وادرس لا ان ملامحي طفولية شوية المهم عشت حياة مدللة وبعدها حياة فقر ثم الالتحاق بعمل واخر واترك العمل لا اني مش لاقي نفسي استمر الحال 10 سنين وما فوقتش لنفسي وبدات انتج وافلح غير من سن 29 المهم حياتي كلها كانت عن عبارة وقف حال وف النهاية اكتشف اني كنت مسحور بوقف الحال قولولي ذنبي في حق مين والسنين اللي ضاعت من العمر وكم البلاءت اللي مريت بيها انا اعزب وعلي قدر من الوسامة عالي كل الدنيا بتقول كدا لكن انا شايف نفسي عادي جدا واقل من العالي سبب عدم ثقتي بنفسي هل من كم الضغوطات اللي مريت بيها في حياتي ف النهاية نفس افرح نفسي ارتاح نفس اتجوز واحدة نضيفة في عالم مليان بالشمال نفسي احس بالامان المفقود من الناحية العاطفية ومن ناحية الاستقلال بعمل ناجح املكه انا شاركت جزء بسيط من حياتي معاكم انا مش طالب غير الدعوة من اي حد يشوف البوست لعل ساعة الفرج اللي اتحرمت منها طوول عمري وعشرات السنين تيجي بلحظة واحد او واحدة اي كان دعاها ليه خالصة لوجه الله من القلب للقلب وشكررررر
انا اهو عندي ٣٨ سنه ولسه مجوزتش ونفس الي بتقوليه انا بعاني منه ونفسي ربنا يرضي عني ويعوضني خير فوضت امري لله
مشكلتك اتكتبت من شهرين ومش عارفة اذا كنت ستقرأين ردي أم لا،،غندي حل بسيط داوم على الاستغفار وحتشوف النتيجة بإذن الله ،،ربنا كريم ودائما انظر لمن هم أسوأ منك واعرف نعمة ربنا عليك،،في غيرك مشلولة أو عندها اعاقة أو أو،،قول الحمدلله وانا متأكدة انه الخير جاي في الطريق لك بس ماتعترضيش على قضاء ربنا خلبك مبتسمة وراضية وتذكر قول رسول الله صلى الله عليه وسلم ( إن عظم الجزاء مع عظم البلاء فمن رضي فله الرضا ومن سخط فله السخط )، على فكرة انا لا اكتب كلام انشائي كلامي لك عن تجربة،،فأنا أكبرمنك بشئ بسيط ومش متزوجة وعندي أمل بالله،،ربنا اعطانا الكثير وان ابتلانا باشياء فليمحص ذنوبنا ويختبر صبىنا وسيعطينا عن قريب
لا اله الا الله
مش كده يا بنت الناس خلي ثقتك في الله كبيره
واكيد اللي كاتبه ربنا هيكون
يا حبيبة قلبي الزواج ده رزق وإن شاء الله ربنا يرزقك الزوج الصالح أنا أعرف فتاة كان عندها 37 سنة وتزوجت من شاب عازب عنده 40سنة وربنا رزقها بطفلين ،وفتاة أخرى كان عندها 40 سنة وتزوجت من أرمل والحمد لله سعيدة في حياتها وأهم حاجة الصبر والدعاء ،الحب والزواج ملهوش سن أهم حاجة التوافق والتفاهم ربنا يسعدك يارب ويرزقك بكل إلي تتمني يارب