انا طبببة اسنان.عندي 32 سنه. اهلي اطباء وطول عمري تعليم اجنبي. الى الان لسه انسه. لا بنقصني شيء والحمدلله. عايزه اعترف اني انا السبب في عدم زواجي الى الان.من يوم ما اتخرجت وانا بيجيلي عرسان كويسه جدا.ولكن كنت برفض لاسباب عديده. الي شكله مش عاجبني والي مش عارفه أسلوبه عامل ازاي.مكنتش بدي لنفسي فرصه واهلي تعبو معايا.ا تقدملي ناس كتير وكانت بتبقى نفس النتيجه.وكنت بدعي ان مفيش قبول. دلوقتي انا ندمانه اشد ااندم ولكن بعد ايه. بعد فوات الأوان. انا متاكده ان ده عقاب من ربنا عشان مكنتش بفكر صح. انا ظلمت نفسي بس لا ينفع الندم. اوقات كتير بقول طب لو كان ربنا رايد لي حد فيهم وكان هو نصيبي كنت غصبن عني هوافق .بس ده بس عشان احاول اهدي نفسي من نار الندموواليأس الي جوايا. مافي يوم يعدي الا وانا بعاقب نفسي على اني اتبطرت على الي جولي.انا حزينه على نفسي خصوصا ان كل اقاربي بنات وشباب وفيهم اصغر مني كمان اتجوزو وخلفو. وكان الزمن وقف عليا انا. والالم كل يوم بيعتصرني عشان مفرحتش بابا وماما. كل الي في سنهم عندهم احفاد وانا السبب. كل الي بتمناه ان ربنا يرحمني باي طريقه عشان نار الندم والالم قاسيه اوي.دايما عندي احساس بالذنب .ودايما بفتكر لما كنت صغيرة وكنت دايما متفوقه وشاطره ومتميزة. كانو قرايبي بيحسدوني ويتمنو يكونو زيي. دلوقتي دارت الدنيا وبقيت انا اللي احسدهم عشان عندهم اسر واطفال وانا ﻷ .الزمان دار جامد وبقيت احاول ابين اني مش زعلانه ولا ندمانه عشان محدش يفتكر اني بحسد او بحقد لكن الله اعلم باللي داخلي. اوقات اهلي يحملوني الذنب واوقات يقولولي ده نصيب مكتوب.. حتى في الشغل بدات احس اني في عالم تاني عن بقية زمايلي.انا عارفه ان سني دلوقتي هيبقى عقبه بس ما باليد حيله. الحمدلله على كل حال. يمكن ربنا بيبتليني وده اختبار لكن نظرة اهلي ليا والقاء اللوم علي ده بيعذبني .والسنين بتمر وانا خايفه من الوحده لما كل اللي حوليا يروحو. حتى اقاربي محدش بيسال علينا زي الاول. كل مشغول بحياته وعالمه. ادعولي ربنا يفك كربتي ويجعل الحياة زياده لي في كل خير والموت راحه لي من كل شر.
كل شئ قسمة ونصيب والحمد لله على كل حال.
أنا زيك بس الفرق إن عُمري ٢٧ ومتقدمليش غير أربعة فقط وكانوا أقل بكثير من الي بتمناه ، دا غير مشاكل عائلية وظُلم شديد أتعرض له من والديّ ، ولا أجد وظيفة لمرضي بالصرع.
الحمد لله على كل حال – أرددها وأنا أنزف ألمًا :((
انا بشوف تفوتي موقع زواج عالنت او مكتب تزويج وتشوفي نصيبك لساتك بعمر الثلاثينات وفية فرصة كتير يتقدملك وانا ان شاء الله احدهم
يا اختي الندم لا يفيد بشيء ولعله خير ..فيه ناس اتزوجت وندمت وبعدها اطلقوا . يعني هي في الاول وفي الاخر دنيا لا قيمة لها اهم شيء التقرب من الله وربنا سبحانه وتعالي اعطاني الحلول وهو كثرة الاستغفار وان شاء الله يرزقك الزوج الصالح اللي يعوضك … انا كمان شاب ولسه ما اتزوجت واكبر منك بسنه وكان بامكاني اتزوج وانا سني عشرين سنه وندمت الان والحمدلله صابر ومحتسب مع اني لي احتياجات غريزيه مثل اي شاب والحمدلله عمري ما فعلت شيء حرام . ربنا يرزقك الزوج الصالح يا اختاه