مشاكل العنوسة

مش حابه اخد واحد بيفكر الف مرة علشان يتجوزنى

انسة عندى 32 سنة اعمل بوظيفة مرموقة تقدم لى من سنتين شاب كويس اكبر منى بسنتين مركز اجتماعى كويس ماديا كويس جدا لكن اهلى قابلوا اهله مقابلة مش كويسة تعنى الرفض لكنهم لم يرفضوا مباشرة ولا يوجد سبب للرفض وهذا طبعهم حاسين انى استحق احسن او ايه السبب مش عارفة المهم اهله زعلوا من المقابلة بس هو قال عايزك انتى المهم كان مسافر ومنتظرينه يرجع خلال تلك الفترة تكلمت معه حصل بينا بعض المشاكل وعند اقتراب نزوله لم نكن نتحدث طبعا نازل يتجوز وكان يبحث عن عروسه ولم يخبرنى بنزوله وسافر ولم يتزوج بعدها بفترة لقيته اتصل يكلمنى وقال هينزل وعايز ييجى يشوفنى هو لم يرانى ابدا خلال تلك الفترة مامته واخواته اللى شافونى بس انا صراحة كنت بدات ازعل منه وخصوصا لما نزل ولم يخبرنى لكنى عرفت بالصدفة فقررت السفر للخارج وكنت قد جهزت كل اوراقى وكل شئ ولم اعرف انه نازل لكى يتقدملى ويشوفنى ونتجوز وعلى حسب كلامه هو بيحبنى المهم عندما علم بسفرى اتعصب ولم يكلمنى بعدها ابدا سافرت وكنت قد نسيته تماما لكن هو لم ينسانى وحاول كتير يتصل بيا او يوصلى ومع سفرى تعرفت على شاب بواقع شغلى بدا يتقرب منى ويحاول باى طريقة لكى يجعلنى احبه المهم احببته جدا جدا فعلا حسيت انه هو دا اول حب ومش هقدر اعيش من غيره وكنت قد نسيت التانى تماما حتى قبل ان اعرف هذا الشخص وبعد ان تعلقت به جدا كانت الصدمة اخبرنى انه متزوج ولم يستطع ان يقول لى خوفا عليا وجعلنى احبه حتى لا اتركه طبعا انهارت وتعبت جدا وحاولت ابعد بس ما قدرتش وفى نفس الوقت الشاب التانى حاول الاتصال بى والوصول الى لم احس ناحيته باى عاطفة وكنت اتجنبه وابعد وهو يرجع ويقولى بحبك لكنى احببت للاسف المتزوج المتزوج وعدنى نتجوز وهنزل اخطبك من اهلك ووعود كدا لكن ظروفه لم تسمح نزل اجازة مصر وبدا رحلة علاج مع زوجته من اجل الانجاب طبعا كنت بموت واعصابى تعبت اكتر كان يقولى والله بحبك انتى وعايزك انتى اوعدينى ما تسيبينيش واصبرى هرجعلك ونتجوز قلت ماشى اصبر كام شهر واشوف وكانت الصدمة التانية رجع لكن ليس لوحده معه زوجته اصرت ان تاتى معه طبعا للانجاب اعصابى تعبت اكتر كنت اقوله حرام عليك انتى دمرتنى يقولى والله ما عايز اشوفك زعلانة اصبرى وانا هعوضك لا انكر انى احبه ولا اشعر باى عاطفة تجاه الشخص الاخر الذى يحاول الوصول الى باى طريقة لكنه يعرف بنات كتير وبيكلم بنات كتير اول ما كان يحس انى ببعد يرجعلى ولما يحس انى موافقة عليه يرجع يكلم بنات تانى وانا متاكدة انه بيكلم بنات تانى بس يرجعلى ويقولى انا بحبك وعايزك بس بحس منه موضوع سنى هو اللى مخليه متردد ومش حابه اخد واحد بيفكر الف مرة علشان يتجوزنى بصراحة محتارة اووووى اوافق على الشاب الاول ولا التانى اللى علقنى بيه وحبيته اوووى بس متجوز

مشاكل وحلول ذات صلة

اضيف بتاريخ: Wednesday, March 7th, 2018 في 17:24

كلمات مشاكل وحلول: , , , ,

اترك رداً أو حلاً لهذه المشكلة