السلام عليكم بدايتا انا كنت اول مره بدخل علي الفيس بوك او اشترك فيه وكنت رفضه مبدا اني اضيف شباب خالص او اتكلم معاهم وحصلت بالصدفه ان وحده من اصحابي اقترحتلي اصدقاء وظهر فيهم شاب واتعرفت عليه بس بجد محترم جدا ومتدين جدا واعتبرني كاخته فعلا ولما قلتله اني مش بضيف شباب عندي فرح جدا بس انا صراحه اصريت اني اخليه من الاصدقاء لانه شخص فعلا محترم بمعني الكلمه واتفقنا ان هو اخويه وانا اخته وبعد كده اخدنا الايميلات واتكلمنا لفتره وبعد كده انا اتعلقت بيه جدا كاخ لاني بحس انه بيسمعني وبيحسسني فعلا بمعني الاخوه وفجاه قررنا نمسح الايميلات عشان هوه في حكم الاجنبي عني وهوه الي اصر علي كده عشان بيخاف عليه فعلاومسحنا الايميلات فعلا انا بعد كده حسيت بوحده رهيبه جدا ومكنتش قدره استحمل الوضع ونفسي انه يرجع يكلمني تاني ممكن حد يقولي اعمل ايه بجد
مشاكل الفيس بوك
مشكلتي مع الفيس بوك
اضيف بتاريخ: Friday, December 24th, 2010 في 02:10
كلمات مشاكل وحلول: اصحاب, اصدقاء, الفيس بوك, تعارف, مشاكل الفيس بوك
هو مفيش بنات محترمه ومتدينه علي الفيس
انت برضه هتلاقي بنات كثير وحلوين ومشتركين معاكي في مشاكلك وحاسين بيكي اكثر من الشباب ومش هتبقي متقيده في الكلام الي بتقوليه وضميرك مش هيوجعك كمان
اي خدمه
انت لو قصدك بتحبيه فهو لو عايزك كان عمل خطوة ايجابية نحيتك
ولو قصدك اخوة فلا يوجد اخوة بين ولد وبنت مفيش حافظى على مبادئك بدل ما تخسرى خطوة كويسة فى حياتك
انتي بجد بتقولي كلام جامد و كبير اجنبي و كلام جامد كدا . طب ما الحكايه من الاول فيها اجنبي ايه اللي خلاك تسمحي لنفسك تكلميه من الاول و تتعلقي بيه؟؟و بعدين قصه متدين و لا مش متدين انتي عرفتي منين هو انتي كنتي بتشوفيه بيصلي و لا بيصوم .. اهدي كدا و كلها حوارات فاكسااااااانه اصلا من الاخر بقي
يابنتى دا الشيطان بيوسوس ليكى عشان ترجعى وساعتها هتكونى راجعه ومشتاقه وهيحصل اللى الطرف التانى عايزة منك دا راجل مش سهل علقك بيه الاول وظهر قدامك فى صورة الشهم وعارف انك هترجعيله
اهمدى كدة وابعدى عن ماسيؤدى الى الرذيله
بصي يا حببتي والله الي انتي فيه ده مش مشكله ولا حاجه ده ربنا بيحبك جدا علشان كده ده حصل الزاي تتعلقي بواحد اساسا عمرك ما شوفتيه ولا اتكلمتي معاه قبل كده ده مجرد حد عرفتيه عن طريق الفيس مش اكترما يمكن هو كداب وكان عايز واحده تتكلم وتخرج والحاجت ديه ولماعرف انك محترمه محبش كده واصر فعلا انه يبعد عنك 8علشان يكلم حد تاني ولو هو حس باحترامك وقدره صدقيني كان قال انه هو عايز علي القل يشوفك لمره واحده ويجي يتقدم بس الشباب حيلهم كتيره جدا قولي الحمد لله علي كل شئ واني ربنا بيوجهك للصح
إسمعي هوة ممكن يكون محترم بس أنا متأكد إنه خطط لهادا من الأول لأنه خلاكي تتعلقي فيه ولعدين قطع العلاقة فهوة عارف إنك متعلقة فيه وإتأكدي إنه بيستني اليوم اللي تلاقي وسيلة إتصال بيه بس يومها حتندمي كتيييييييير لأنه هيلعب بيكي
غلط جدا أنك ترجعي تكلميه لاني الامور هتطور وهو ده الي مشعوزينه
بصى اى بنت فى سنك وسنى لما تلاقى ولد محترم وكويس بتتعلق بيه وبد كدا لما حد يتقدملها متعرفش تاخد قرار اخرت الصحوبية ايه انك اتعرفتى على واحد محترم حيتقدملك ؟ لو اجابتك اه يبقى كويس استنىلما يتقدملك لو اجابتك لا يبقى متتعبيش نفسك وتفكرى فيه لانه مش ليكى لانه لو عاوزك حيجيلك على طول وربنا معاك ويهدىكى