انا عندى 26 سنه كنت متزوجة واعد 9 سنين مجوزة بس طلبت الطلاق لانه مكنش بيخلف و اسباب تانيه كتير ودلوقتي بقالي سنه مطلقة وعايشه فى بيت ولدي المهم في شخص اتقدملي و هو محترم جدا وبيخاف ربنا الصراحه انا معجبه بشخصيته جدا العيب انوا متجوز وعنده بنت وولد طبعا انا رافضه علشان مكنش انا سبب خراب بيت قالي والله بيكي من غيرك هتجوز مش هتكونى انتى السبب هو مش مرتاح مع مراته وفي خلافات بينهم انا مش عارفه اخد قرار وهو داخل البيت واتكلم مع ولدي اوفق ولا لا انا مش عاوزة اظلم حد معايه ولا ابني سعادة على تعاسة غيرى ياريت اجمع كذا راي مع بعض لان مش عارفه اخد قرار
انا من راي الاخ -ابومصطفى -كردستان واتفق معه في كل ماقال لك هذا هو عين الصواب والراي الصحيح طالما ان الرجل على دين وخلق ومحترم ويخاف الله فتوكلي على الله واقبل الزواج منه وايش يمنع كونه متزوج وعندو اولاد
ربنا يتعس اللي تتسبب فخراب بيوت الناس
لو من مبادئك انك ماتخربيش بيوت الناس و اقنعك بانه هيتجوزك او غيرك
زيها زي ما حد عاوز يرشي و يقول للمرتشي انا هرشيك او هرشي غيرك
لو الشخص مش بيوافق من الاصل على الرشوه مش هيقتنع اذا حاول يقنعه بقول هرشيك انت او غيرك
ربنا ياخد كل واحده تدمر البيوت و يخرب بيتها و يدوقها من الغم اللي دوقته لغيرها
و ربنا على كل زوج ظالم و يهدد واحده بعيالها
ومن الذي يقول بأن موافقتك ستكون سبباً لخراب بيته ، بالعكس قد يكون ذلك سبباً في هدوء واستقرار بيته وحياته ، وكما تقولين بأن الرجل يخاف الله وهو محترم ، إذن لاتنسي بأن هذا النوع من الرجال اصبح قليل في عصرنا ، وليس كل رجل يريد الارتباط بمطلقة لأنه يفكر بأن سبب الطلاق اولاً وأخيراً هي المرأة . وفقك الله لإتخاذ القرار السليم
مش مشكله . الله احل اربع زوجات للرجل. والاصل في الزواج التعدد. والشخص هذايريدك بالحلال. مدام الله ورسوله احلوا هذا الشي .ان شاء الله ماراح اتكون مشاكل
يصراحة سهل جدّا اتّخاذ القرار
حطّي نفسك مكان الزّوجة الأولى وتصوّري وضعيّتك الجديدة مع زوجك
وسترفضين لأنّه من غير السّليم الدّخول على عائلة بحجّة أنّه إن لم يتزوّجك فسينظر إلى غيرك
ولنفترض ذلك، فليكن مع غيرك، لأنّك لستِ في مستوى من ترضى لنفسها ما لا ترضاه عليها
اطمئني مفيش ست بترضي انو زوجها يتزوج عليها ابدا لانها بتعتبروا ملكية خاصة
اذا الزوج مستطيع ان يفتح ليك بيت لحالك دون مشاركة في منزلهم ليش لا ، طبعا ده راي رجل
اذا انت بتقبلي بالتعدد ولا تنوي خراب بيتو ليش لا.
نصف رجل خير من لا رجل ويمكن ربنا يرزقك منو عيال وحقيقة فرصة المطلقات في المجتمع الشرقي …. انتي ادري بيها.
جدتي رحمها الله طلبت الطلاق بحثا عن الانجاب وطلقت ، هي انجبت وزوجها الذي طلقها انجب.
الملخص :اذا انت مقتنعة بالتعدد وبيه وهو مستطيع يوفر ليك السكن المنفصل وينفق عليك منتظرة ايه ..ساعديه ربنا يساعدك وابدا ما تتوقعي من مراته التانية انها توافق.
احسن بالحلال وهو عايزك بالحلال وانت محتاجة رجل ……. بس ما تقوليش لي مراتي اني قلت لك كدا لاحسن حا تتجنن .ربنا يوفقكم
انا صاحبه المشكله انا استنيت معاه الاولاني 9 سنين فاته من عمرى والاخر اكتشفت انه يخوني وانا كنت صابرة على الخلفه ورضيت بي اللي ربنا كتيبهولي انا معملتش جريمه انى طلبت الطلاق من حق اي واحدة تدافع عن نفسها بعد كدة مستحملتش خيانته ليا في اي بعد الخيانه ؟غير كدة العريس اللي متقدملي عاوز عيال تانى لانه عندة اتنين وعاوز يخلف تاني مراته رفضي فا بتالي لو حصل نصيب بينا هيبقي فى اولاد باذن الله
يعننى انتى سبتيه علشان مبيخلفش طيب لوجوزك التانى مكنش عايز اولاد لانه بساطه عنده من مراته الاولى ايه العمل يترى هتسبيه التانى
انا مع راى همسات حب 100%
أنا مش هتكلم عن حل للمشكلة لأني مش عارف اقولك اية بصراحة بس هتكلم عنك انت لأنك أنت بجد أنسانة جميلة جداً ونقية جداً جداً ربنا يسعدك يا رب ويوفقك بجد مافيش ستات كدة زيك دلوقتي ربنا يكرمك.
انتى مش هتظلمي حد هو اللي عايز كدة هو فعلا لو انتى حاسه ان هو ده الانسان اللي هيعوضك على اللي فات وافقه عليه وخدى القرار ولو شايفه ان هو ده اللي هيسعدك متخفيش من حاجه اللي ربنا كتبهولك هتشوفيه ربنا يسعدك
السلام عليكو ورحمت الله وبركاتو (*)بسى يا يااختى دا هيفيدك من غير اى شخيص او اى احد يسب تعليق وربنا معاكى انشاء الله *الحمد لله وحده . فإن العبد في هذه الدنيا تمر به محن وإحن ، ويحتاج إذا وقف على مفترق الطرق أن يلجأ إلى ربه ويفوض إليه أمره ، ويسأله الدلالة على الخير . ومن أعظم العبادات حال تشتت الذهن ونزول الحيرة بالإنسان صلاة الاستخارة التي دل عليها النبي صلى الله عليه وسلم إذا قال : (( إذا هم أحدكم بأمر فليصلِّ ركعتين ثم ليقل : ” اللهم إني أستخيرك بعلمك ، واستقدرك بقدرتك ، وأسألك من فضلك العظيم ، فإنك تقدر ولا أقدر ، وتعلم ولا أعلم ، وأنت علام الغيوب . اللهم إن كنت تعلم أن هذا الأمر – ويسمي حاجته – خير لي في ديني ومعاشي وعاقبة أمري فاقدره لي ، ويسره لي ، ثم بارك لي فيه . وإن كنت تعلم أن هذا الأمر شر لي في ديني ومعاشي وعاقبة أمري عاجله وآجله فاصرفه عني واصرفني عنه ، واقدر لي الخير حيث كان ثم أرضني به ” )) . [ البخاري ]