انا ست مغتربة في فرنسا عمري 35 سنه و مطلقه بثلا ث اولاد اتعرفت على واحد بالنت اصغر مني 10 سنين و عازب وعايش في مصر ,حبني و حب اولادي و رحت مصر وقدمني لاهله و عايز يعمل اي حاجه عشان يرضيني و يريحني,بس انا خايفه من تجربة الزواج تاني اصلي شفت الويل مع السابق,
انا حبيت الانسان ده و بحلم اعيش معاه حياه هاديه و جميله,بس متردده و نفس الوقت مش عيزاه يضيع مني.اعمل ايه؟
فكرت في صلاة الاستخارة.
اختي مغتربة في فرنسا بارك الله فيك وحفظ لك ولادك وعوضكم كل الخير عن زوجك السابق انت تقولين انك تعرفت على الشاب المصري من خلال النت وهل هذا يكفي للارتباط به بغض النظر عن صدق مشاعره تجاهك انت والاولاد وجديته بالارتباط بوحدة اكبرمنه ب 10 سنوات ومطلقةولها3ولاد الا اذاكان هالشخص له مصلحة من زواجه منك للهجرة الى فرنسا والحصول على الاقامة للعيش هناك وده اغلب تفكير شبابناالعرب اليوم مش لاقي فايدة من العيش ببلده يحاول السفر للخارج باي طريقة مشروعة وغيرمشروعة وههي الفرصة جاءت لعنده على طبق من ذهب فاستحالة يفرط فيها اويضيعها من يديه فرسم عليك غرامياته الخادعةورومنسيته الكاذبة وانه فتى احلامك والحبيب اللي يعوضك عن سنوات البؤس والشقاء التي عشتيهامع زوجك السابق وانخدعت بكل ماقاله لك وسرقتك السكينة وصدقتيه وجريت وراء قلبك المحروم من الحب والحنان ومافكرتي في مصير اولادك ابدا وفي الاخر تندمي ساعةمايفيدك فيه الندم اصحي من غفلتك وفوقي لنفسك واولادك واقطع علاقتك بهذاالنصاب المخادع السافل واهتمي باولادك 3 عوضيهم عن حرمانهم من الاب وكوني لهم الام والاب وكل شي في الحياة وربي بيكرمك بكرمهم وبيخلف عليك كل الخيروالرزق والبركة وتلاقي السعادة مع اولادك والعيش بينهم
اختي المطلقةمن حقك الزواج شرعاكي تحفظ نفسك وشرفك من الحرام وتلاقي احديساعدك في تربيةاولادك ولكن احسني الاختيارالمناسب للزوج من كل النواحي ديناوخلقاوصحياوعقلياومادياومعنويا ومايكون هالزوج من الشباب المستهترين العابثين اويستغلك مادياوفي الاخرانت المجنى عليهاوالضحيةالخاسرة ومسالةالعمرلاتقدم ولاتوخر دام فيه النيةالصادقةفي الارتباط وتوافركل مقومات الزواج اللي ذكرتهااعلاه والا فالافضل انك تنتظري حتى ياتيك النصيب مع انسان غيره واولادك احق بالاهتمام والرعاية ولك الاجروالثواب اذااحسنتي تربيتهم وتعليمهم وربنا يعوضك كل الخير ويبارك لك في الاولاد وتسعدي بهم في حياتك
انا انصحك تفكري منيح لانو الفارق كثير كبير ما بينكم…
اسالي عليه و صلي استخارة.انا كمان عايشة في فرنسا و نفسي اتعرف على صديقات عربيات نحل مشاكلنا مع بعض….
لو فكرتي في الزواج ده حقك بس لازم نفكر بعقلنا انا عايشة في فرنسا وعارفة اي واحد بيتجوز واحدة اكبر منه عشان الاوراق يعني جواز مصلحة مش حبا فيها وبعد ما يأخذ اللي هو عاوزه يرميها ويبص لواحدة صغيرة في السن ياريت تفكري شوية بينك وبين نفسك ليه الشخص ده موافق بواحده اكبر منه في السن ومن الافضل تتجوزي واحد من سنك يكون أحسن
انت اكثر واحده مدركه هل هو يحبك لشخصك من عدمه يجب التأكد من حبه لك لشخصك لا لاغراض اخرى انت ادرى بها … ستسأليننى لماذا تشكك فى حبه لى بكل اخلاص لا طمعا فى شىء .. اقول لك اننى ارى تضحيه كبيره منه اولا بعروسه تزوجت قبله ولديها اولاد واكبر منه بسنوات هذا يوضح لنا امران اما انه يحبك بصدق وهنا لا تتركيه وهو فرصه لا تعوض لان من يضحى بكل ذلك فهو انسان محترم وجدير بالثقه والمحبه منك والارتباط به وخاصة فى حديثك انه يحب اولادك واسرته ترحب بك .. اذا هذا عريس لقطه .. اردت ان تتأكدى يا اختى العزيزه ولا اشكك ولكن الخوف والحرص واجب لان لديك ابناء حتى لا تظلميهم معك الا بعد التأكد من حبه الصادق لشخصك .. وهذا اكيد بعد صلاة الاستخاره مرات كثيره وبأخلاص وتوكلى بعد ذلك على الله ربنا يسعدك انت واولادك امين
فرق السن مش هتحسو بيه فى الاول بس بعد كده هيكون دوام الحال من الموحال شوفى حد ناضج فى سنك او اصغر بس مش 10 سنين او اكبر عادى المطلقين كتير و الارامال
فعلا صلاة الاستخاره ارجو ان تصليها وتستخيرى الله وهو الذى يدلك ومش لازم يظر حاجه فى المنام كما علمت لكن ربنا سيرشدك الى الصواب كما اننى لا ارى اى غضاضه من هذا العريس المتقدم لك طالما يحبك فهذا مطمئن جدا مع تحفظى ان يكون هناك فترة تعارف اكثر من ذلك لو سيادتك شايفه هناك غموض بسيط فى شىء لديه وانا لا اعتقد انت بس خايفه لاسباب سابقه انا ارى انه لا داعى للخوف اطلاقا توكلى على الله واسعدى بحياتك لان مش كل الناس زى بعض فيهم الطيب وفيهم غير ذلك وهذا الشخص اتوسم فيه الخير لك كما وضحتى بانه يحبك وذلك بعد صلاة الاستخاره والف مبروووووووك وطمنينا وهنمسكلك الشموع بقلوبنا حفظك الله واسغدك انت واولادك
اولا احب اشكر كل الي كتب رايه في مشكلتي خالص الشكر.
شايفه من ردودكم ان خوفي على اساس صح اوي و مش هكذب لو قلت ان فارق السن و جواز المصلحه مش مخوفني لا بالعكس دول مزودين خوفي من التجربه الجديده دي و ده بحكم الزمن الي احنا عايشين فيه و شايفين بحصل ايه بين الناس و خصوصا في الجواز لانه ميثاق عظيم لحياه مشتركه و مقدسه.عشتها كويس ترتاح للابد….. اتصدمت فيها تتعب للابد.
اكتركم نصحني اني اشيل الموضوع ده من دماغي وانا حاولت كتير بس هو دايما بينجح و يقنعني انو ملوش هدف غير حبي و راحتي معاه و مع الولاد و اني اخد منه كل الضمانات عشان اؤمن حقوقي منه وعلى ورق موثق كمان.بس انا برضه مرعوبه عشان مش هستحمل غش تاني لو كان فيه.خصوصا و انا عندي اولاد صغيرين لسه.
و مش هكذب كمان و قول اني مش محتاجه انسان عفيف يشيل معايا هم الدنيا و يستتني و يحسسني بانوثتي.
بسال يا هل ترى لو كان واحد سنه من سني كان هيحققلي الحياه الي بتمناها.مهو السابق كان اكبر مني بس عمره مشال مسؤوليتي و مسؤولية ولاده و لا فكر حتى.انا الي كنت بشتغل و بصرف وبحوش.و في الاخر سرق فلوسي و سابني اشحت انا وولادي.بس الحمد لله على كل شيئ.
إن كان على خلق ودين فلا بأي…….
فلقد تزوج النبي محمد صلى الله عليه وسلم السيدة خديجة وهي أصغر منه بخمس عشرة سنة……
ولكن كوني حريصة في المسائل المادية بينك وبينه نسبيا حتى تتأكدي من أنه لا يطمع في أموالك….
ولا تقلقي من التجربة فالحياة تجارب……
اختى الفاضلة تاكدى انه يطلب منك الزواج بغرض العفة والحفاظ عليكى لا من اجل مصلحة مادية ويارب التوفيق والراحة لكى ولجميع المسلمين اجمعين.
يجب عليكي التأكد أولا أن المصلحة المادية ليست هي الهدف وإلا سيصل إلى مصلحته ومن ثم يتركك. تزوجي إنسان ليس محتاج لك ماديا حتى ولو أكبر منك سنا ليمكنه العطف عليك وعلى أولادك.
لا والف لا فرق السن كبير وكمان عمرك ماهتحسي بالاستقرار معه وربما تعيشي حالة نفسية سيئة جدا لذلك ظروفه ووضعه في مصر ارجوكى ان تفكرى كويس قبل ان تقدمى على عمل شىء وتندمى عليه بعد ذلك زواج مصلحة
اختى العزيزة , اتمنى لكى السعادة من كل قلبى واتمنى ان تقابلى الرجل اللى يناسبك ويسعدك . احب ان انبهك بان الشخص الذى يدعى انه يحبك ويحب اولادك (ويمكن يدعى انه بيموت فيكى )يعيش فى مصر . وبما ان الظروف الاقتصادية فى مصر “تعبانه” خالص وفرص العمل للشباب صعبه جدا فأن كل شاب مصرى اليوم يحلم بأن يهاجر الى الخارج . ارجوكى ان تفكرى كويس قبل ان تقدمى على عمل شىء وتندمى عليه بعد ذلك . (please be careful)
صلي صلاة الاستخارة واذا كان رفضك الزواج منه بسبب تجربتك الاولى فقط فتزوجيه الحياة حلوة تستحق ان نجرب فيه مرة واثنين وثلاثه فالواحد لا يدري اين سيجد السعادة ربما تكون السعادة معاه واذا لم تكن السعادة معاه فيكفي انك حاولتي للحصول على السعادة
توكلى على الله وتزوجيه قد يكون هذا الذي يسعدك
ومفيش فرق كبير في السن بينكم ةان شاء الله ربنا يوفقك
واضح انه صريح معك من البدايه .. والرجال يااختي مو نفس بعض يعني لاتخلين تجربتك السابقه تأثر على بقية حياتك.. وبالنهايه انتي امراه وتحتاجين من يوقف معك ويساعدك بتربية اطفالك.. انا برائي تتزوجينه وان شاء الله يكون افضل من طليقك ويقدر يعوضك عن الي راح ..وصلاة الاستخاره حلوه راح تريحك وتوجهك بأذن الله للاختيار الصحيح ولها اجر عظيم ~~ تشاوو
ياستى الواد دة اصغر منك ب10 سنين هو كل اللى عايزة منك يبنى نفسه بيكى يسافر برة وتكونى انتى السلمه اللى تطلعه برة بعد كدة بفترة هيبدأ يبص لواحدة اصغر منه ومنك اصحى لنفسك وربى عيالك والله يوفقك
طبعا صلاة الاستخارة في كل الاحوال مهمة ومطلوبة بس فيه عقبات بينك وبينه بصراحة أهمها فارق السن الكبير وأنا أخشي أن يكون تعلقه بك هو تعلق من يريد السفر للخارج يعني جواز مصلحة مش أكثر وفي الحالة دي عمرك ماهتحسي بالاستقرار معه وربما تعيشي حالة نفسية سيئة جدا لذلك ظروفه ووضعه في بلده ممكن يعطيك فكرة كويسة عن مأربه من الارتباط بك وهل هو ارتباط مصلحة أم فعلا حب حقيقي؟ ادرسي الامر جيدا خاصة أنك لديك أولاد واستخيري الله في كل الاحوال واستشيري أصحاب الحكمة والرأي واسألي عنه جيدا وربنا يوفقك لما فيه الخير لك.
نصيحه دام عندك اولاد الله يحفظكم لبعض وانتي مثل اي ست تحتاج لرجل اتزوجيه فكري لقدام لا تفكري للماضي بس حاولي تحطي شروط تحمي حقك في هذا الزواج اتمنى لك التوفيق
شختور مستشار نفسي