انى ابلغ من العمر 30 عام وسبق لى الزواج وانفصلت منذ ثلاث سنوات بسب استحاله العيشه معه وتفاصيل كثيرة مؤلمه لا داى لذكرها
ومعى طفل واعمل فى مكان مرموق
المهم من خلال عملى تعرفت على احدى الشخصيات الهامه وهو شخص من بلد اخر ولا انكر اننى منذ ان ريته ولا اعلم ماذا حدث لى لم يفراق عقلى ولا قلبى واتمنيت ان اعيشه معه بدات معه الكلام بشكل مهذب ولم اخرج عن نطاق الاحترام وحسيت انه ايضا مشدود لى ولكن بحكم العمل استحاله التصريح بتلك المشاعر وخاصه انه متزوج
انتظرت الى ان سافر وقد رسالته واوضحت مشاعرى له ولقيت انه بادلنى نفس الشعور واكثر وطلب منى الزواج فحسيت ان الزمن قد عوضنى خير
وخاصه اننى اول مرة اشعر بالحب واول مرة اتجراء وافصح عنه
ولكن الصدمه انه طلب زواج عرفى وان يبقى فى السر ايضا بدون علم اى شخص وقال نجرب بعض وده احسن لينا احنا الاثنين لان وضعنا حساس ولو الامور مشيت مابينا كويس نعلن زوجنا واذا ما اتوفقنا مع بعض يبقى ما خسرنا شىء وفضل شكلنا امام الجميع كويس وما اتاثر العمل بشىء ولا البيت
انا عارفه انه غلط وما ينفعش ومدرجه ان ممكن يحصل اى شىء والجميع يعرف وساعتها نبقى خسرنا كل شىء فى لحظه
لكن مش قادرة ارفض لانى فعلا عايزة اعيش معه باى شكل وحبته جدا وحاسه انى بتنفس حبه وبعشق كل شىء فيه مع انه راجل عادى من ناحيه الشكل وساعات بسال نفسى اشمعنا ده بذات اللى انجرفت ليه
انا دلوقتى بين نارين اوافق على الزواج واحط نفسى تحت تجربه ممكن تنجح وممكن لا وبين الرفض اللى حاسه ان ديه نهايتى
وحاولت كتير ابعد وهو حس بهذا الشىء وقال نى اتمنى ليكى الخير بس انا اللى برجع تانى مش عارفه اعمل ايه
حرام العرفي انتي عرضتي علية وصغرتي نفسك وقبل بشرط يكون جنس بس مش زواج
فوقي واصحي انتي عشان مطلقة ورغبتك فالحياة الزوجية والعشق بتتمادي لكن النتيجة فضيحة وطلاق بعد اشباع رغبته الجنسية منك
اصبري وادعي الله يرزقك باحسن منه بزواج حلله الشرع والدين يعفك امام كل الناس وزمايلك وابعدي عن سبب الفضايح والله الموفق
مرحبا عزيزتى اتمنا تكونى بخير عزيزتى يريت تقر ءى اتعليقات كويس وتفهميه علشان اندم نها يتك عزيزتى هو عا يز شويت تكل منك او كرا مه لانو مجرد ميا خد الى هو عا يزه خلا ص بح مشفكيش قبل كده
اولا رخصت نفسك لما كنت المبادرة بالاعتراف بمشاعرك،،شعر انك مدلوقه عليه،،ثانيا الزواح اشهار واذالم يكن كذلك فلا يجوز،،ثالثا انت بالنسبة له مجرد نزوة وشهوة شافك مدلوقه عليه واعترفت له استرخصك ولو وافقت على عرضه اولا زواجك باطل ثانيا نهايتك الطلاق للمرة الثانية وبجرح أكبر،،كل مافي الأمر انه خايف على مشاعر زوجته الأولى بنت الأصول الي تزوجها قدام الناس كلها ولو اتكشف حيرميك،،انت مش صغيرة اقطع علاقتك فورا به والألم حيستمر شهر شهرين وحتنسي أفضل من وصمة الطلاق للمرة الثانية ده غير سمعتك في العمل،،وحاول بعدها توزن الأمور بعقلك لأن سنك وتحربتك الأولى ووظيفتك وسمعتك المفروض تخلي فيك عقلانية مافيش حاجة اسمها حاموت من غيره الا اذا كان طليقك اتظلم منك وجه الدور عليك عشان الثاني ياخذ بحقه،،ارجو انك تراجع نفسك قبل فوات الأوان
السلام عليكم
اولا يبختو بيكى
ثانيا لاالزواج السر زنا مش زواج
الزواج الحلال اشهار
اذا بيحبك وبتحبيه تزوجو فى العلن لازم ناس تعرف
اذا انتى فى وظيفه مرموقه لا تنسينى بدى اتوظف
اختي العزيزة الزواج العرفي ليس بزواج من اصلو وهو كالزنا والعياذبالله وفيه هدر لكرامة المراة وضياع لحقوقها الزوجية ارفضيه طبعا ولاتفكري في غضب الله عزوجل وتاكدي ان ربنا بيكرمك بالزوج الصالح اللي تقرو به عيينك وتلاقي معو كل الخيروالسعادة والاستقرار طوال عمرك ويعوض صبرك خيرا
انصحك نصيحه لوجه الله انتي وغيرك اياكي ان تقبلي الزواج في العرفي لانه اصلا مش زواج ده عباره عن رغبه جنسيه وتنتهي بعد شهر عسل ويتركك وكمان لو بيحبك فعلا كان اتزوجك امام الناس والاهم ان الزواج العرفي حرااااام
ماشي عرفي جميل وياخد اللي عايزة ويشبع ويرميك وهي حاجة ببلاش كده