انا كنت بحب واحد معايا ف الفصل وكان حب من طرف واحد واعترفتله وعرفت انه بيحب واحدة تانية وتقبلت الموضوع واحنا دلوقتى صحاب وعادى مفيش حاجة المشكلة بقى انى عرفت انه واحد تانى معانا ف الفصل بردو بيحبنى وسمعت كدة من البنات وكان باين اوى من تصرفاته وبصراحة فضلت أحبه بالتدريج بس الاولانى لسة ف بالى ودلوقتى انا ف الثانوي وإلى كان بيحبنى اعتقد انه حب واحدة تانية لأنه كان بيلمحلها ويهزر معاها زى ما كان بيعمل معايا ، بالرغم من انى كنت محتارة بين الاتنين لكن بعد ما لاحظت انه بدأ يحب واحدة تانية اكتشفت انى بحبه جدا واختارته هو لكن بعد فوات الاوان بس حاسة انه لسة عنده شوية مشاعر ناحيتى عشان ساعات بيفضل باصصلى وانا بحس بيه ودلوقتى هو بقى ف نفس موقفى أكيد محتار بينى وبين إلى بيحبها دلوقتى زى ما كنت انا محتارة بينه وبين إلى كنت بحبه ف الأول وعاوزاه دلوقتى يرجع يحبنى زى الأول وينسى البت دى ويرجعلى زى زمان مع العلم أننا احنا التلاتة ف نفس الفصل وانا بحبه لدرجة انى كنت بفكر اعمله عمل عشان يرجعلى بس ارجع وافكر وأقول انه حراام واكيد هتوصل لحل تانى
مش هقلك غير اني كنت زيك كده بس الفرق اني ارتبط بواحد وانا كنت عارفة انه غلط ومش بيحبني وفضلنا سنتين وبعدين سبنا بعض سعتها كان في ولد بيعمل كل حاجة عشاني وكان ناقص يقلبلي قرد مكنتش حسة بيه ولا بحبه بس بعدين ارتحتله وحبيته وارتبطنا وبعد فترة قلي انا كنت بتسلى بيكي بعد ماكان بيجري ورايا بقاله سنتين وقلي صحبتك برقبتك … الي عيزة اقلهولك انهم كلهم كدابين وفي سننا ده مفيش حب ومستحيل يكون فيه الولد ممكن يبقى بيتمنظر بيكي او بيتسلى او مراهن عليكي اما انتي فانتي بنت من الطبيعي تحبي واحد بيقلك اجمل حاجة بلدنيا ..