مشاكل حب المراهقة

تسرع في القرارت والرغبة في عدم معصية الله

بسم الله الرحمن الرحيم انا عندي ١٦ سنة كنت بحب واحد من زمان كلمني وصارحني بحبه ده وقعدنا نتكلم ثلاث سنين مع العلم اننا سبنا بعض ورجعنا تاني المهم بعد الثلاث سنين بابا عرف وبابا بيحبني جدا وانا بموت فيه وهوا لما عرف حاول يمسك نفسه وميتعصبش اوي بس نصحني وعقلني بهدوء ف وانا بعدها بشوية بدات اقتنع وفعلا قفلت الايميل اللي كنت بكلمه منه سنة وبعدها حنيتلو تاني ورجعتلوا واتكلمنا بردو ع الايميل بس جيت ف الفترة الاخيرة قبل رمضان حسيت بالذنب اوي اني بعمل حاجه من ورا بابا وابتديت اصارحه بكده بس هوا كان بيفكر اني بحب واحد غيره عشان كده عايزة اسيبه قمت انا قلتله انا اخدت قرار اني مش هينفع اكمل وسبنا بعض وبعدها بشهرين بردو حنيتلوا تاني وعرفت من واحدة انه لسه بيحبني ففتحت الايميل تالت مرة وكلمته بس المرة دي قالي خلينا اخوات وانا وهوا بنتكلم دلوقتي ع اننا اخوات بس انا بردو ندمت اني فتحت الايميل وكلمته تاني من منطلق اني اصلا كنت بدات افتح صفحة جديدة ف رمضان واقرا القران ومكلمش ولاد تاني ابدا بس برضو اتسرعت ورجعت كلمته مش عارفة اعمل ايه بجد وخايفة بابا يعرف واخسروا وخايفة اكون بعصي ربنا حد يساعدني ارجوكوا واعتذر ع الاطالة

مشاكل وحلول ذات صلة

اضيف بتاريخ: Monday, November 6th, 2017 في 11:50

كلمات مشاكل وحلول: , , , ,

ردود to “تسرع في القرارت والرغبة في عدم معصية الله”

  1. ابوالبتول
    07/11/2017 at 10:07

    حرام اللي بتعمليه يابنت الناس البنت المحترمة والمودبة ماتعملش كدا ابتعدي عن التصرفات المحرمة واقطع علاقة بالولد هذا نهاية وللابد واهتم بدراستك ومستقبلك وحافظي على شرفكي وسمعة اهلك وكرامتهم وثقتهم فيكي ربنا يصلحكي ويهديكي ويسترعليكي وكل بنات المسلمين جميعا

اترك رداً أو حلاً لهذه المشكلة