انا بنت في تانية ثانوي لسة تامة ال١٦ سنة من شهر “متقدمة سنة” المهم انا كنت في اولي اعدادى بروح لمدرس عربي مكانش حلو فواحدة صحبتي اقترحتلي واحد شاطر جدا روحتله وتمام وفهمت وكله مكنتش بحس من ناحيته اي حاجة خالص كأنه انسان عادي وهو اصلا متجوز ومخلف “هو في التلاتينيات” فضلت معاه لحد تالتة اعدادى طلعت من عنده بسبب أزمة نفسية شديدة جدا جدا مريت بيها السنة دي خلتني اغير كل مدرسيني جيت في اجازة تالتة اعدادى قولت انا هرجعله في اولي ثانوي بالفعل رجعت مش عارفة اول ما شوفته وقعت في حبه معرفش ازاي وليه!!!!! وكنت والعة بحبه جدا ومش قادرة اقوله كنت فعلا بعشقه بس كانت في نفسي اول شهرين من بداية الدراسة جت رحلة لمدينة ساحليه روحتها واستاذنت منه وغبت ٣ حصص روحت الرحلة دي لبست بقا واتصورت بمايوه وروحت حطة الصورة ع الواتس ودخلت كلمته قولتله ازيك يا مستر قالي اي الصورة دي قولتله عادي قالي نتكلم وقت تاني سلام وعمل ليا بلوك ع الواتس انا خوفت تاني حصة اروحله يطردني لأنه باين ادامنا أنه متدين ومربي دقن وكل الحاجات دي روحت تاني حصة قالي استني اخر الحصة كنت خائفة جدا بعدها استنيتك قالي انا مكنتش اعرف انك جميلة كده ده انتي ماشاء الله قمر انا كنت فرحانة المهم فضلنا نحدد مواعيد نقعد فيها مع بعض لحد ما اعترفتله اني بحبه جدا في يوم مكنتش متوقعة ابدا ابدا ان ده يحصل كنت قاعدة عادي وقالي قومي وراح ساحب ايدي لحضنه بسرعة وبعدها باسني انا حرفيا مكنتش في وعيي هو اي الي بيحصل دي اول مرة في حياتي اعملها ومن الشخص ده الي هو كان مستحيل ..بصراحة أنا دلوقتي في ٢ ثانوي ولسة باخد عنده وبحبه وبعشقه بجد ده مش بايدي الحب مش بالأيدي نفسي ابطل أحبه بس مش عارفة الموضوع ده عاملي أزمة في حياتي وبكتئب اوقات بسببه أنه بيتقل عليا جدا ومبيكلمنيش وبيفضل بنت عليا وبيقف معاها لدرجة اني نفسي اموتها من كتر غيرتي عليه انا عارفة ان الموضوع من الاول غلط بس الموضوع كله جه كده ..
الحق على المدرس منعدم الضمير اللى المفروض يكون قدوة ويكون مقدر ان دى فترة مراهقة مش يستغل الموقف عشان يشيع رغباته القذرة ..حسبى الله ونعم الوكيل فيه.. لكن نصيحتى ليكى انك تبعدى عنه خالص خدى درس عند مدرس تانى ماتفضليش لازقه فيه وتقولى عايزة ابطل احبه .. اوعى تصدقى ان ده حب دى فترة مراهقة لازم نفهمى المرحلة اللى انتى فيها وتتعاملى معاها بنفسك انتى دلوقتى بتكونى شخصيتك فيا هتبقى شخصية محترمة يا تبقى منحلة سورى الفلظ .. صدقينى انتى زى اختى الصغيرة كل ده وهم .. ابعدى بدل ماتندمى هو واحد بيتسلى وفرحان انه شايف نفسه مرغوب فيه النماذج دى كتير هتقابليها فلو كل واحد هتحبيه وتسبيه يلمسك هتبقى رخيصة ده غير غضب ربنا عليكى .. صونى نفسك للراجل اللى يستاهلك وفكرى دلوقتى فى مستقبلك وحياتك
الهذة الدرجة من الانحطاط والسفالة وقلة الادب وصل بك الحال ياطالبة الثانوي والمتعلمة تعمل كلدا في نفسك خلاص مافيش خوف من ربنا ولارادع من دين او تانيب ضمير ولا حرص على شرفك وكرامة اهلك وسمعتهم والحفاظ عليها ازاي تعمل كلبهذا وترضي به على نفسك صدقينى انها بداية الضياع والانحراف وسوف تندمين على كل تصرفاتك الغير اخلاقية هذة عندما تفقدين شرفك مع هذا المستر اللي اغواكي ويتربص بك لاجل الايقاع بك وتجدين نفسك قد جلبت العار والخزي والفضيحة لاهلك بتصرفاتك المنحطة والمحرمة اتركي الدرس عنده نهايا وابحث لك عن استاذة او مدرسة هل عدموا المدرسات من الدنيا ولا فاضلش الا الرجال وعايز اقولك انت عار على اهلك وعلى كل البنات المحترمات الشريفات ولاخير فيك مالم تتوبي لربك وتبعدي عن المحرمات والمعاصي والفتن
افتكرى النصيحه دى كويس
“هو مش بيحبك ولا هيحبك،وهيجي يوم تندمى فيه على انك سمحتيله يقرب منك وسمحتى لنفسك انك تقربى منه،واسألى نفسك أخرة الموضوع ده ايه؟ لو فاكره ان اخرتها ان مدرسك هيجي يتجوزك والأحلام الورديه دى تبقى غبيه،هو عجبه شكلك ولقى انك هتموتى عليه فقرر يدوس فى الموضوع وشوية كده وهينسي اسمك أساساً”
عاوزك تحطيها حلقه فى ودنك الكلام ده لو محصلش مستعد انتحر بالرصاص 😀
أصل ده فيلم عربى قديم اتعودنا عليه وحفظناه بس واضح انك مشوفتيش الفيلم ده
السؤال الأهم انتى 16 سنه وعملتى ده كله ، أقسم بالله الأحسن لينا كشباب اننا منتجوزش خصوصاً من جيلك ده