انا كنت بحب بنت من 4 سنين بالظبط كانت هى فى اولى ثانوى وانا كنت فى اولى كلية
البنت دي كنت بحبها اكتر من نفسى وكنت راسملها صورة كبيرة اوي فى خيالى فى كل مكان حاسس انى شايفها ادامى عمرها ما فارقت عقلى او قلبى لحظة واحدة وعدتها بأنى هتجوزها وان محدش هياخدها غيري دوقت المرمطة حرفيا فى شغلى وحرمت نفسى من حاجات كتيرة عشان اقدر اكون قرش اقدر اتجوزها به المهم حصلت مشكلة ما بينى وما بينها لانى كنت متعصب الحقيقة فقولتلها اننا نسيب بعض ما دام هى مش طيقانى ومش قادرة تتفهمنى فى عصبيتى ولكن طبعا ده كان فى لحظة غضب وهى عارفة ومتأكدة انى عمري ما اسيبها … المهم انا كنت عامل جمعية عشان اكمل فلوس شبكتها عشان يبقى ليا عين انى اكلم اهلها واخطبها وانى اكون جاهز قولت هصالحها وافرح قلبها بالخبر ده تانى يوم بعد مخانقتها كلمتها وقولتلها انى خلاص كونت فلوس الشبكة وهقدر اخطبك رسمى ونسيت نفسى ونسيت الدنيا ونسيت اي تعب تعبته عشانها ما دام وعدت ووفيت وكنت طالع سابع سما لكن اتهبدت لسابع ارض لما قالتلى
انا معنديش مشاعر ليك تانى ومش عاوزة اكمل حياتى معاك ولما طلبت منها انها تتفهمنى رفضت ورفضت انها تدينى فرصة اصلح غلطتى دي انى قولتلها اسيبها كلمتها مرة واتنين وتلاتة وف كل مرة كان الاجابة هى الرفض التام
حسيت باهانة كبيرة لنفسى انى طلبتها بعد ما بعدت عنى وصعبت عليا نفسى انى جريت ورا سراب اسمه الحب فهل ده كان جزاتى انى حبيتها بجد ومقدرتش تسامحنى او تدينى فرصة انى اصلح غلطتى دي مشكلتى انى اتأذيت نفسيا جامد بسبب الموضوع ده لانى خدت صدمة كبيرة جدا فيها بعد ما خلاص كنت وفيت وعدي
مشاكل الشباب مع البنات
بعد حب اربع سنين سابتنى
اضيف بتاريخ: Wednesday, February 19th, 2020 في 06:22
كلمات مشاكل وحلول: الثانوية, الحب, بنت, حب, زواج
هذا حقها ،لا يستطيع احد ان يتدخل فيه حتى والديها ، لها الحق الكامل في ان ترفظك وتختار غيرك ،لا يوجد شيء اسمه علاقة او ارتباط او حب بين المرأة والرجل الا رباط الزواج او الخطبة ، والخطبة يجب ان لا تتجاوز اسابيع او شهور قليلة للتجهيز للزواج ، الحب لا يفيد ولا يقدم لها شيء ،اذا لم تتزوجها بسرعة ، حب 4 سنوات تظييع لوقت طويل من عمرها ومستقبلها ، الواجب ان لا تعلق فتاة لانتظارك وانت لا تستطيع الزواج منها في نفس العام الذي خطبتها او تعرفت عليها فيه
بص عاوز احكي لك قصة حدثت معاي كنت منذ الصغر احب بنت خالتي ولاافكر في احد غيرها واستمر حبي لها حتى لما كبرنا وتخرجنا من الجامعة وكنت عاوز أتقدم لها واخطبها من أهلها وكونت نفسي واشتغلت وجمعت كل قرش عشانها وفي الاخر صدمتنى صدمة العمر اللي لاانساها عندما تقدمت لخطبتها رفضتني تماما دون توضيح السبب وحاولت أمها خالتي لاجل تقنعها لكن دون جدوى ولم اذل نفسي وكرامتي تمنيت لها السعادة مع الانسان اللي تختاره والحمدلله ربي اكرمني بخطوبة فتاة اخت واحد صاحبي بنت حلال كويسةجدا وعلى قدر من التدين والتعليم والجمال وتزوجتها بعد فترة وجيزة من الخطوبة وحياتنا الزوجية كلها سعادة وهناء واستقرار واما هي فلم توفق في حياتها خطبت لشاب ولم تستمر معه فسخت خطوبتها منه وتقدم لها شاب اخر وخطبها وتزوجها وفي مشاكل بينهما لاتنتهي وكل أهلها يلومونها على مافعلت بي عندما تقدمت لها ولكن لاينفع اللوم والعتاب فكل شيء انتهى وكل شيء قسمة ونصيب
الظاهر انك مخدوع في البنت دي لوكانت فعلا تحبك مثلما انت تحبها كلهذا الحب مازعلت منك ولاتخلت عنك ابدا انصحك بنسيانها للابد ولاتزل كرامتك عشانها الدنيا مليانة بنات احسن منها مليون مرة وهتلاقي بنت الحلال اللي تقدر مشاعرك وتصونك وتسعدك طوال حياتك