انا عارفة ان مشكلتى غريبة شوية … انا بحب ولد ادى و معايا فى الدروس و كدة .. المشكلة مش فى هوة .. المشكلة فى صحابى .. بيكرهوا اوى و شايفينه حد مش محترم نهائى بس انا مكنتش شايفة كدة .. المهم حبيتة و حبيبنى فية اوى .. و قررت معرفش حد من اصحابى خالص .. ومن ساعتها و انا عملالة رعب انة حتى ميعرفش حد من صحابة عشان المفروض ان فى بنتين من صحابى دول بيكلموا ولاد من اصحابة … المشكلة ان بقى فى مشاكل كتيرة اوى بينى و بينة بسبب صحابى انى مش راضية اقولهم .. لدرجة انة بقى بيعنيد و يعرف ناس ممكن يقولوا لصحابى … المشكلة ان لو صحابى عرفوا مش بعيد انى اخسرهم للابد … و انا مش عايزة كدة .. و فى نفس الوقت مش عايزة اخسرة .. نفسى حد يلاقى لى حل عشان مش عارفة احكى لحد و خايفة اوى اخسر صحابى او اخسرة
يعني انت صح واصحابك دول هم الغلط ولا حبك وتفكيرك في الولد ده اعماك عن حقيقته كوني عاقلة وفطنة ولاتخسري اصحابك علشان واحد مايستاهلش وممكن يكون فعلا بيضحك عليك ويتسلى بك وفي الاخر يرميك ويروح يشوف غيرك وبكدا تكوني خسرتي نفسك وخسرتي اصحابك ثاني حاحة انت في سن المراهقة طبعا ولاتزال تدرسي اهتم بدراستك ومستقبلك واتركي عنك الحاجات دي وربنا يصلحك ويهديك ويسترعليك وكل بنات اللي زيك
أختي العزيزة اللي شكلك من كلامك صغيرة ….
انتي مقولتيش انك كام سنة وديه مهمة أوي على فكرة في بداية أى حكاية عايزة تحكيها انك على الأقل ان لم تصفي مؤهلك ، تعليمك أو أى شئ بيخصك في الكلام أقل ما فيها السن !!!
بصي عموما الكلام ده كله وارد في مرحلة الصغر لكن صدقيني عند مرحلة الكبر بيكون الفكر متغير ، اقتناعك انتي بالانسان ، اقتناعه هو بيكي ، هتبقوا عارفين انتو الاتنين ان في وقت لازم ييجي ويتنشر الخبر ان كانت نيتكم صادقة لبعض
بصي
هتخسري جامد وقت وسعادة وجهد ممكن توظفيه لحاجات جميلة في مرحلتك وسنك وممكن تعمليها في الوقت ده ، خليكي فاكرة ان صدقيني الوقت ده من حياتك وقت الدروس ووقت سنك اللي افتكر انه من كلامك لن يزيد على 16 ، هو مرحلة ذهبية من عمرك ، وان بتشغليها بأشياء انتي في غنى عنها ، لأ ركزي في دراستك في حلمك في هدفك ، وسيبي أى حاجة تانية ممكن تيجي في المستقبل لله ، مش تحوطيها في دماغك وتخسري نفسك خطوة انتي محتاجاها ضروري ، صدقيني حياتك أهم أختي الصغيرة
وفقكي الله لكل خير يارب
الانسان الطيب
وشكرا