انا اغضبت ربنا وخنت اهلى

انا بنت عندى 17 سنة كنت بحب واحد هو بيشتغل امام بيتى انا كنت بحبة اوى اوى انا دلوقتى بقيت اكرهة اوى مبقتشى حتى احب اشوفة انا رحت لوحدة صاحبتى قالتلى انة خاطب وشفت صور الخطوبة بتاعته وقالتلى ان هو بتاع بنات وبيهزر مع نص بنات الشارع بتاعى وكلهم بيحبو وانا عرفة من زمان انة بتاع بنات مشكلتى انى اعترفتلة بحبى فى ورقة هو فرح اوي اوي بس انا دلوقتى ندمانة عشان انا نسيت ربنا سعتها ونسيت اهلى وخنتهم انا من ساعة معملت كدة وانا على طول بفكر فى ربنا وبعيط كتير اوى ونفسى ربنا يسمحنى انا متدينة اوى واهلى كمان متدينين اوى انا مش عرفة عملت كدة ازاى انا بتوب لربنا كتير اوى عشان الى عملتة هو ربنا هيسمحنى وتفتكرو الولد دة ممكن يورى لاهلى الورقة دى انا صحابى بيقولولى انة مش هيورهلهم وانا كمان لما جيت اديهالو كتبتلة انة يقطعها بس مش عرفة قطعها ولا لا انا معرفش هو بيعمل كدة لية يعنى هو خاطب وبيكلم بنات وكدة ازاى نفسى اعرف حد يرد عليا ويطمنى هو ربنا هيسمحنى والولد دة مش هيوري لاهلى الورقة دى انا اتوكلت عل الله فى الموضوع دة ولحد دلوقتى معملش بيها حاجة الى مزعلنى كمان انى نزلت من نظرى لما عملت كدة ومن نظر ربنا ومن نظره هو انا اكيد عندة اتسويت باى بنت عرفها عمرى مكنت احب ابقى كدة انا غلطتى الوحيدة هو الورقة دى انا عمرى مكلمتة فى حاجة بدخل اشترى بس وبطلع مش اكتر من كدة وحاول قبل كدة يمسك ايدى وانا مرضتش وكمان كسفتة امام صحبة هو بيزعل منى كتير اوى لما مش ببصلة بس انا دلوقتى مش بحبة ومش عيزة اشوفة حتى لما بنزل مش ببص على مكان شغلة عشان مشفهوش اعمل اية انا لجاتلكم عشان بعتبركم زى اخواتى ردو عليا انا بتعذب عشان الى عملتة واركوكو انشروا مشكلتى بسرعة انا ببعتها ومحدش بينشرها شكرا ليكو

مشاكل وحلول ذات صلة

• مش عارفة اخد قرار اسيبه ولا هارجع اندم
• متردد اخطب اي بنت فيهم
• هل فقدت القدرة على الحب
• سابنى بدون سبب بعد سنين حب وخطوبة
• خايفة بعد الارتباط يشك او يفقد الثقة فيا
• حاسس ان هيجيلي اكتئاب بسبب التفكير
• داخلين على خطوبة ومش متأكدة من مشاعره