بسم الله الرحمن الرحيم
مشكلتى ان انا بحب واحد اووووى يمكن اكتر من نفسى كمان وهو كمان بيحبنى بس انا مش متاكده من حبه ده ساعات ببقى خايفه منه اوووى لان فى المشاكل اللى دايما بسمع عنها عن البنات و الولاد وان دايما مش بقدر افرق الكويس من الوحش وخايفه اخسره لانى بجد بحبه وهى كل كلامه انه بيحبنى دايما بيسال عليا وبيخاف عليا وفى حاجات كتير بيقولى عليها لا وبيقولى انا عارف مصلحتك كويس وحصل مشاكل كتير لان ماما كانت عرف ومش راضيه اننا نكمل عقبال ما يجى يخطبنى وكنا بنرجع تانى وكل مرة يقولى انه عمره ما يفكر يسبنى وان احنا هنكون لبعض ولازم نتحمل ونصبر عشان نكون لبعض وكل لما بنتشاكل ونرجع يقولى انتى اصلا مش عارفه انتى غالية عندى قد ايه انا بجد بحبه بس مش عارفه اتاكد منه ابدااا ومش اخاف منه لان هو شخصيته غريبه مش حد يقدر يفهمها بسهوله وذكى بخااااف اوى يكون كل ده كذب بسبب كل اللى بسمع عنه ياريت تقولولى حل اقدر اتاكد بيه
شكراااا واسفه انى طولت عليكم
مشاكل حب المراهقة
بيحبنى بس خايفه منه
اضيف بتاريخ: Wednesday, February 13th, 2019 في 22:45
كلمات مشاكل وحلول: الحب, بنت, حب, شاب
الحب حاجة جميلة جدا ونعمه من ربنا وانك تلاقي حد يحبك اوي كده دي غريبه في زمننا ده ومش هقولك فه ناس كتير كدابه لان ده اكيد بس الاكيد ان قناع الكدب بيقع وقت المواقف الحرجة اللي المفروض يثبت فيها حبه ليك . حطيه ف موقف اختبار علشان تتاكدي من مشاعره ناحيتك . ومديش الثقه الكامله برده لحد ميدخل البيت من بابه ويتقدم لاهلك .. ربنا يسعدك