مشاكل الخطوبة

مشاكل خطيبي واهلي في فترة الخطوبة

انا عندي 24سنة ومخطوبة بقالي سنة مخطوبة وعلي قد ما الخطوبة فيها أيام حلوة لكن الايام الصعبة أكتر أنا البنت الوحيدة علي أربع ولاد وامي متعلقة بيه جدا لدرجة أنها بتغير عليا قوي من خطيبي و كل لما تحصل مشكلة بيني أنا وخطيبي تزعل وتاخد مواقف عنيفه لدرجة انها عايناني اسيبه وانا بحبه جدا لانه اول حب في حياتي وهو كمان بيحبني جدا وبيعمل كل حاجة علشاني ودلوقتي والدتي خلاص مبقتش حباه خالص وان بجهز في شقتي وقربت اتجوز ومش عارفه ارجع اوزن الامور تاني بين خطيبي وبين امي لان لما اتجوز هعمل ايه وانا حاسة علي طول بخنقة ومش مرتاحة من الوضع ده انا احب ان العلاقة تكون كويسه بين اهلي وبين خطيبي انا مش عايزة ازعل امي ومش عايزة اسيب خطيبي ارجو الحل

مشاكل وحلول ذات صلة

اضيف بتاريخ: Sunday, December 5th, 2010 في 16:33

كلمات مشاكل وحلول: , , , , ,

7 رد to “مشاكل خطيبي واهلي في فترة الخطوبة”

  1. نهله طلعت
    06/12/2010 at 12:16

    بوصى يا حبيبتى حاولى تطمنى مامتك انك هتكونى جانبها ومش هتبعدى عنها وحاولى تخلى خطيبك يقولها انه مش هيخدك منها لان مامتك حاسه ان خطيبك هيخدك منها طمنيها

  2. gogo
    06/12/2010 at 02:19

    بصي انتي اللي غلطانه من الاول انك كنتي بتعرفي والدتك بمشاكلكوا لانك كده كبرتي المشاكل انا مع اني خبرتي مش كبيره في الحياه بس احب اقولك انك انتي لما تحصل مشكله بينكوا وجيه قالك اي كلمه حلوه هتتصافي لكن لما تدخلي حد من اهلك اهلك هيزعله منه وعمرهم ما هيتصافوا بصي متسيبهوش لان من الصعب دلوقتي تلاقي حد بيحب بجد بس في نفس الوقت حاولي ترضي والدتك وياريت متعرفهاش باي مشكله بينكوا حلول مشاكلكوا مع نفسكوا ولا اهلك ولا اهله يتدخلوا ولا يعرفوا اصلا بالمشكله وربنا يهديلك الحال

  3. بوسي
    06/12/2010 at 01:30

    نتي غلطانة من الأول أنك بتقولي علي مشاكلك بينك وبينه لأمك المفروض دي أسرار بينك وبينه كده خلتيها تكرهه أتكلي علي الله وأتجوزي لو أنت مقتنعة المهم ماتحوليش توصليله أن أمك بتكره وهي حتصفي من نحيته لوحدها

  4. دكتور نفسي
    05/12/2010 at 23:33

    افعدي معاها بهدوء وفهميها دي عاطفة ام ولا تسيبي خطيبك ولا حاجة مجرد ما تجوزي كل شئ هيبقى تمام ان شاء الله بس قربي من والدتك وخليكي حنينه عليها وعرفيها ان دي سنة الحياة وادعي ربنا يهدي النفوس

  5. ابو الجاسر
    05/12/2010 at 21:21

    بدايه اسأل الله ان يتم لكي زواجك….اختي العزيزه إعلمي لن تعلق امك بكي شيئ طبيعي وعلي خطيبك ان يتفهم الوضع ويحاول التأقلم معه …فأنصحه ان يتقرب الي امك ويشعرها انه ولد لها وان يتجنب كل ما يغضبها حتي يحظها بحبها وابشريه انه ان فعل ذلك سوف يكون عندها مثلك تماما في الحب بل ربما اكثر ان أشعرها مدي حبه وحرصه عليكي وعلي سعادتك لأنه لا توجد ام تكره ان تتزوج بنتها مما يحبها وتحبه…..واعلميه ان هذه فتره وستذهب وستتحول بعد ذلك الي حب لكما معا ولكن عليه ان يكون حذق وزكي في كسب ودها و التفرب منها…..يسر الله لكي كل خير

  6. نونو
    05/12/2010 at 18:17

    حاولى متعرفيش مامتك باى مشاكل بينكم وعرفيها ان انتى عايشة ايام مكنتيش تحلمى بيها وهو دة الشخص المناسب وقوليلها مفيش حد كامل من كلة اكيد فى عيب ممكن مشاكلك تحكيها لحد قريب منك اوى وقربى بين مامتك وخطيبك

  7. سوزى سالم
    05/12/2010 at 18:04

    حاولى تقربى بينهم واطلبى منه انه يعتبرها امه ويعاملها على هذا الاساس ويحسسها بهذا الاحساس ويتكلم معاها ولو زعل منك يشتكى لها ويحسسها انها هى اللى ستاخد حقه منك ويحاول الاتصال بيها هى للسؤال عنها وعن صحتها واخبارها كاى ابن وساعتها سوف يحس انه ابنها وانه بيعاملها كويس بعيد عن علاقته بيكى وربنا يوفقك

اترك رداً أو حلاً لهذه المشكلة