انا عمرى 25عام متخرج من سنه 2007 كنت فى الجيش لمده 3 سنين علما بانى مؤهل عالى ولسه خارج من الجيش شهر اكتوبر2010 ووالدى واعدنى انه هيشغلنى فى الشركه اللى هو شغال فيها وانا معى مبلغ كويس من المال وخاطب فى شهر فبراير اللى فات وبعدى بحوالى شهرين جه لاختى عريس ليس من مستوانا الاجتماعى ولكن والدتى اثرت على والدى ووافق وهو مكنش معاه غير حق الشبكه بس وبعد لمل خطب بحوالى اسبوعين والدتى كانت تاخزه هى واختى ويدوروا على شقه مع العلم انه ليس معه فلوس حتى يشترى ولا مره قالت لى تعالى ندورك على شقع مع العلم ان خطبتى ساكنه بالشقه اللى فوقى ويعرفون معظم واضيعنا وجت والدى فى مره كانت عاوزه تاخد منى فلوس علشان تجيب لاختى الشقه انا رفض بشده ومن ساعت منا رفضت المعمله بقت سيئه معى جدا والان يعيرونى انى مش لاقى شغل حتى اخي الصغير وهو فى المرحله الاعداديه بيقولى انت عاطل ووالدى لايتكلم واختى على طول تعمل معايا مشاكل وفى خطيب اختى طرده من الشغل وهو شغال بياع فى محل ولا نعرف الاسباب وعلمت ان والدى بيعطى خطيب اختى مصروف اسبوعى مع العلم انه لايعطينى الا نادرا وانا عمرى ما طلبت وامى من ساعت ما اختى اتخطبت وقالت ليه انها عاوزه فلوس منى وهى كثيره المشاكل مع خطيبتى ووالدتها انا بصراحه زهقان جدا وحاسس انى بدات اكرههم واختى على طول تفضل خطبها على وعلى اخى الاخر يعنى ممكن تاخد متعلقاتى الشخصيه وتعطيها له واما بخصوص موضوع الشقه والدتى كانت متفقه مع حماتى انها سوف تجيب شقه الزوجيه لى فى شهر مارس وهو موعد الفلوس التى كانت جيالى المهم والدتى اول لما جت الفلوس اخزتهم منى وحطتهم وديعه باسمها علشان انا كان عندى مشكله فى البطاقه وقالت لحماتى انها سوف تجيب شقه بعد لما الوديعه تتفك وكان ميعادها بعد سته اشهر وبعدالسته شهور قالت بعد رمضان وبعد زالك قالت لهم على اول السنه الجديده وهى 2011 وكل شويه تاجل الموضوع واتعرض عليا شقق كتير جدا وكانت كويسه وهى تتحجج باى شكل واى تعمل معى مشاكل على اثرها اترك البيت وبعد زالك والدى يحضرنى مره اخرى لو حد عنده حل لمشكلتى يا ريت يقولى
مشاكل عائلية
مشاكل امى واختى
اضيف بتاريخ: Saturday, November 13th, 2010 في 04:20
كلمات مشاكل وحلول: الاخت, الام, الجيش, خطيبة, مشاكل عائلية
خلي علاقتك بيهم رسمية زيادة عن اللزوم وحاول انك متعصيهومش أو تتنرفز أو أي شئ وفهم خطيبتك على الوضع وقلها أنا نويت أؤجر شقة ونبتدي مع بعض المشوار عملية جس النبض وشوف ردها لو وافقت اعرف انها عاوزاك ول رفضت راجع حساباتك معاها ومتحسسش أهلك في يوم انك مهتم بخطيبتك زيادة عن اللازم حتى لو هما بيهتموا بخطيب أختك وخليك دايماً مبتسم في وشهم وفي وش خطيب أختك وحاول تتكلم مع والدتك بهدوء ولو الموضوع مجبش نتيجة ابدأ حالة الانطواء وشفلك شغلانة في منطقة تانية وحاول تبعد عنهم فترة مش تسيب البيت وتمشي لا بحجة الشغل عشان يحسوا بقيمتك وحاول تقرب لأخوك ده وتخليه يتعاطف معاك أحسن ما هو بيعايرك بقلة الشغل وخليه يحبك لأن موقفك هيبقى كويس لما يبقى معاك ومتتكلمش في الموضوع ده كتير معاهم ولو صمموا على أخذ الفلوس قلهم لو الموضوع ده حصل يبقى تنسوني من حياتكوا خالص ول صمموا يبقى أهلك دول كارهينك وميستاهلوش يكون ليهم ابن زيك.
اشتغل و متخليش حد يساعدك –انا عندى 27 سنه و مش مرتبط ولا بفكر عشان الظروف الماديه لكن مش ممكن اقبل ان اى حد يساعدنى حتى لو اهلى نفسهم فى موضوع السكن والجواز حتى لو مش هتجوز طول عمرى–الطبيعى انك تساعد اهلك لكن انت مش مسئول عن زوج اختك وازاى يقبل كده على نفسه –خد عليه شيكات او وصل امانه –لان ممكن داخل على طمع –اشتغل اى حاجه و بلاش كلام الناس المدلعه دى –متأسف –بس انا حاسس انك خام و متعبتش فى حياتك ولا الدنيا بهدلتك
امك غريبه وابوك اغرب هما عندكم كمان بشتري شقه للعروسه وكيف اختك تقبل هيك مو اصول ده سوري وقاحه نصيحه من اختك حاول تعتمد علي نفسك ودور علي شغل وواحده واحده وحاول ماتعتمد علي ابوك ولا امك
يا اخي يا مؤهل عالي المفروض انك تفكر تستر اختك الاول وتجوزها ولو ليك اختين يبقي نفس الجكايه وبعدين فكر في نفسك زعلتني بجد اما اشوف شاب بيفكر بهذه الطريقه دي اختك مش بنت الجيران
لا تدع امك تسير حياتك وتصرف فلوسك على غيرك وى اعمل اى حاجة لكى تصل الى حقق واذا سلب حقق دون وجة حق اعمل اى حاجة حتى لو خت عقد البيت بتاع والدتك وبعتو او سلمتو للمالك وهليها تروح لجوز بنتها يتحملها او يطردها فى الشارع بقى ما دام الحال هو اخطف واجرى
اخى العزيز كان الله فى عونك وربنا يعوضك كل خير ومش واجب عليك انك تجيب شقه لخطيب اختك طيب هو اسمه راجل ليه وجاى يخطب ويتجوز على اى دليل فاحسن شىء خليك مع نفسك بس لو اختك محتاجه فعلا فى تجهزها فواجب عليك انك تساعدهافى الجهاز المفروض عليها وياريت تطمنى عليك
ربنا معاك
انت تحاول تعمل بطافة وتشتغل وتجيب فلوس وتشترى الشقة وربنا معاك ممكن سوال؟ انت عايش فين دلوقتى؟
ورنا معاك