مشاكل عائلية

اختى دايما فى مشاكل مع بابا و ماما

انا اختى عندها ١٨ سنه و دايما فى مشاكل مع بابا و ماما و خناقات هى مش حاسه من نحيتهم باى حاجه بتقولى انها بتكرههم و هى مابتساعدش ماما فى البيت مع انها الكببره و دايما قاعده فى الاوضه و بتلجأ دايما للكلام مع الولاد بتقول ان هما بيفهموها و بيحسو بيها و ماما عرفت كذا حاجه عنها و بتعمل حاجات بتخلى اختى تحس انها بتزلها هما الاتنين مافيش بينهم اى توافق و ماما مش فاهماها ولا عارفه تتواصل معاها بالعكس دايما علاقتهم فيها خناقات ماما و بابا مش عاجبهم اسلوبها و بيعودو يهينوها و يقولولها انتى فيكى عيوب الدنيا كلها و دايما كمان بيعودو يقولو الكلام ده قدام كل الناس و اختى بتاخدها بهزار بس هى من جواها بتدايق اكيد وامبارح حصلت خناقه كبيره كانت بسبب اختى الصغيره احنا كنا مش عارفين ننام منها ف اختى الكبيره زعئتلها و طلعتها بره الاوضه وانا كنت قبلها مزعئلها بردو ف ماما جت و اقعدت تزعء لاختى الكبيره و تهزئها زى مابتعمل كل مره و قعدت تقولها كلام وحش جدا لدرجه ان انا عيطت و قعدت تدعى عليها و تقولها يارب تموتى و ضربتها و بعد ما مشيت ماما انا قعدت اهدى فى اختى عشان كانت منهاره و قعدت تقول انها بتكره ماما و مش طايقاها و كلام تانى كتير و انا ماقدرتش اقولها حاجه بس حاولت اهديها و اهزر معاها لغايت مانامت و لما صحينا النهارده بابا برده قالها نفس الكلام و هى قعدت تعيط و انا خايفه عليها اوى انها تعمل حاجه فى نفسها و مش عارفه اعمل ايه انا تعبت جدا من اللى بيحصل كل يوم و مش عارفه اعمل اى حاجه او الاقى حل :/

مشاكل وحلول ذات صلة

اضيف بتاريخ: Sunday, August 10th, 2014 في 13:00

كلمات مشاكل وحلول: , ,

3 رد to “اختى دايما فى مشاكل مع بابا و ماما”

  1. ابوالبتول
    26/09/2016 at 09:34

    اختي اهلك بابا وماما غلطانين جدا دي مش التربية السليمة او الصحيحة اختك تمر بمرحلة صعبة وهي مرحلة المراهقة وتحتاج من يساعدها على تجاوز تلك المرحلة مش بالضرب والزعيق والصراخ والاهانات لا ده اسلوب خاطي وقعوا فيه الاهل مع اختك الكبيرة وبالذات انهم يتكلمون عنها امام الناس الاخرين ويذموها او يقللوا من شانها وده يجعلها تتمادى في كراهيتها لهم وماتشعر بالامان اوالسعادة في البيت وقد تلجا للتنفيس عن نفسها بالتحدث مع الشباب سوا عبر النت او الهاتف ويوقعها في مشاكل انتم في غنى عنها حاولي تهدية الاجواء في البيت وتكلم مع اختك ومناصحتها انها تحترم ابوها وامها وماتزعلش منهما وتسمع كلامهما وايضا تطلب من ابوكي او امكي انهم مايتكلموش عنها امام الناس الغرباء او يضربوها او يقللوا من شانها فدي مهما كان بنتكم ادعوا لها بالهداية والصلاح ونشاء الله ربنا بيصلح احوالكم ويبعدعنكم المشاكل والمشاحنات ويجعلكم اسرة سعيدة ويسترعليكم جميعا ويوفقكم نشاء الله في هذة الحياة

  2. احمد بن علي
    23/08/2014 at 09:29

    اختك لا تزال مراهقة
    و هذه المرحلة بها اضطرابات نفسية كثيرة
    و الصدام مع الاهل وارد جدا و يكثر
    لابد ان يقوم ابويك باحتواء اختك لانها في محنة كبيرة
    و قطعا هي تشعر بالالم النفسي
    حاولي ان تعدلي طريقة معاملتها مع الوالدين لان هذا هام ايضا

  3. ابوبتول
    13/08/2014 at 11:47

    ابنتي الغالية السلام عليكم ورحمةالله وبركاته التربية لهااصول وقواعد لازم نعرفهاونطبقهافي تعاملناوتربيتنامع الاولاد والبنات مانلجاللضرب اوالاهانات والتجريح مهماكانت الاسباب نتعامل معهم بالحكمةوالموعظةالحسنةوالكلام الطيب والرفق نخاطب ولادناوبناتنابلغةالحواروالتفاهم دون اللجوللعنف اوالشتائم والاهانات ونرتقي بانفسناعن الحجات دي حتى مايكرهونا اولادناوبناتنا ومانفرقش بينهم في التعامل ونميز احدعن الاخر الكبير له قدره واحترامه والصغير نتطلف به ونعطف عليه ونخليهم اخوةمتحابين ومتالفين ولاندعي عليهم اونعبس في وجوههم ونحرمهم من حقوقهم علينا نتابع دراستهم ومشاكلهم ونحرص على تذليل الصعاب في طريق حياتهم ونوفرلهم الامن والامان والاستقرارالاسري والعيش الكريم مانخليش شي ناقص عليهم بالحب والحنان والعطف نقدرنكسب قلوبهم ومانتهاون في تصرقاتهم الغير اخلاقية سواءمعنااومع الناس الاخرين نزرع فيهم تعاليم الدين الحنيف ونرغبهم فيهاونحثهم على مكارم الاخلاق والاتصاف بها ونخليهم يعرفواحقوقهم وواجباتهم تجاه انفسهم واهلهم وكل الناس الادب مطلوب من الابناءمع ابايهم وامهاتهم نسمع ونطيع ومانرفع اصواتناعليهم ومانخرجش عن شورهم ومانعملش حاجةالابعدماناخذرايهم فيها والبروالاحسان نبرهم ونحسن اليهم ونعلم ان الله امرتابذلك قالتعالى -وقضى ربك الاتعبدواالااياه وبالوالدين احسانا-الى اخرالاية والرسول الكريم حثناعلى البربهماوطاعتهما قال عليه الصلاةوالسلام- بروااباكم تبركم ابناءكم -وقاللرجل الذي ساله من احق الناس بحسن صحبتي قال-امك ثم قال امك ثم قال امك ثم قال ابوك ورضالرحمن من رضاالوالدين وهماسببادخولناالجنة ولهماالفضل بعدالله في وجودنافي هالحياة ولازم نتقي الله فيهم ونخلصلهم ونوفيهم حقوقهم وافضالهم التي لاتعدولاتحصى علينا وبكدذا نلاقي ربناراضي عناوموفقنالكل خير في حياتنا ونلاقي السعادةوالبركةوالرزق والفوز والفلاح في كل اعمالنافي هذةالدنيا وربي يهديكم ويصلح احوالكم ويجعلكم من الابناءوالبنات الصالحين في حياتكم

اترك رداً أو حلاً لهذه المشكلة