مشاكل عائلية

علاقتي بامي تشغلني حتى عن التفكير في مستقبلي

بسم اللة الرحمن الرحيم
انا حابة ااحكي عن مشكلتي لحتى لاقيلا حل ….انا عندي اخوة وخيات اكبر مني بس كلن مجوزين وانا هلأ البنت الكبيرة بالبيت انا قبل سنتين اتخرحت من الثانوية والحمدلله بعلامات ترفع الرأس انا كنت حابة اكمل تعليمي بس ما قدرت بسبب ظروف معينه
انا هلاأ بالبيت مش عم بشتغل ولا عم بتعلم ولا عم بعمل شي
حابة احكيلكن لحتى اتساعدوني بترجاكن …انا بحب امي كثير هيه امي وبحبا كثير وبحترما بس فية شي كثير مضايقني انا بعرف انها بتحبني بس هيه كل ما تسمع اني بدي اعمل شي بحياتي ما بتسمحلي وحتى ما بتعطيني فرصه لحتى اسبتلا اذا بقدر او ما بقدر وما بتقنع بييه باللي بدي اعملو بحياتي وهيك بتحطم قبل ما حتى جرب كل ما ابني حلم بيقلولي لأ بتحطم ببني غيره نفس الشي انا ما عم بعرف اخد قرارات في حياتي قرارات مستقبليه ما عم بلاقي دعم من حدا ولا على شي لا كبير ولا صغير،امي ما عم بتقبل اني اعمل شي كل ما عم بمشي مع بنت عم بتقلي من ما بديتي تمشي معا اتغيرتي وانا عم بختصر مشاكل وببلش ابعد عن اي حدا بتقلي ابعد عنو ومع اني انا بنت الحمدلله كتير تفكيري اكبر من جيلي وفهمانه وبعرف الشي الصح من الشي الغلط وما بمشي غبر مع بنات من مستواي وبنفس تفكيري بنات كتير مناح بس ما بدا اياني مع حدا ،كل ما بحضر حالي لاطلع محل بتقلي لا لا اتروحي واذا بقلا لية شو السبب بتقلي ليه عم بتقللي ادب معي مع انو من حق اي انسان يعرف شو سبب اللي بيخلي الانسان اللي على اقبالو يمنعو من شي ما فيا قلة ادب هيدا حقي، اذا باجي لاطلع محل بتقلب حالا ما بتعود متل اول وفوق هيدا كلو ابي مش عايش معنا هو عايش ببيت مع خيه ببلد تاني كل ما يصير شي بالبيت بتدقلو وبتقلو بس ما بتقلو الشي اللي صاير عن حق بتجيب شي من عندا شي مش مزبوط بتقلو ميرنا قلتلي هيك هيك وانا ما بكون حاكيي الحكي الي قلتلو عنو وابي ما بيسألني اذا هيدا مزبوط ولا لأ دغري بيبطل يحاكيني واذا بسأله شو فالتلك عني ما بقلي مع اني بسمعا، انا واختي اللي اصغر مني ما منعمل شي بحياتنا بلا من انقلا منخرفا لانا امنا ومنحسا صديقتنا منحكيللا بصفتها ام فكل ما يصير شي بينا بتقعد اتقلنا رح قول لبيكن انا بزعل لانه هيدي شغلات منحكيلا اياها لانا امنا واحنا متعودين عالحقيقه كيف بدا اتقول لبيي اشيا شخصيه وخاصه فينا كيف رح انأمن لحدا اذا امنا هيك بتقلنا بس نتخانق…
وانا بعدت عن كتير ناس كرمالا كتير صديقات لقرايبيني لاصدقاء بعدت عن كتير ناس لحتى ما تزعل لحتى ابقى معا وهيه بس نتخانق ما بتحاكيني ايام وانا بهيدي الايام ما بسمح لحالي ما حاكيا بروح لعندا ببوسا وبقلا انا بحبك ما الي غيرك انتي عم بتزعلي مني على ولا شي وبوسا وبضما وما بتحكي معي وبتضلا مخاصمتني على ولا شي اذا بتسمع اني بدي اطلع من البيت لشوف ارفيقتي او شي بتخاصمني انا كتير نفسيتي تعباني مش عم بعرف شو اعمل هيدا كلو ولا شي بالنسبه لللي عم بيصير بحياتي انا تعباني بقلا فيه وحده بدا اياني اشتغل عندا بمحل بس مش حد البيت بيبعد ٤٠ دقيقه عن البيت بتقلي لأ اشتغلي بس حد البيت انا عمري ٢١ سنه ممنوع اعمل ولا شي لحالي لازم اسأل كل البيت لحتى اعمل شي بمستقبلي وحياتي الشخصيه انا تعبت مش عم تعرفوا هيدا الشعور بدا اياني بس حد البيت بس ممنوع اخد ولا قرار صغير او كبير بحياتي غير منا انا من حقي اخد قرارات بتخص حياتي لانه هيدي حياتي اللي انا رح عيشا مش حدا غيري شو اعمل بترجاكو اعطوني حل سريععع بلييييييييييييز