انا بجد مصدومة جدا .. اكتشفت النهارده من اخواتي ان اخويا كان متجوز عرفي ومش مرة واحدة دا كذا مرة هوا كان بيشتغل في شرم بس انا عمري ماكنت اتخيل ان ده ممكن يحصل كنت دايما بقول لما تيجي فكرة زي دي في دماغي لاااااا لايمكن الا اخويا هو يمكن مش متدين اه بس لايمكن يعمل حاجه زي كده مهما كانت الضغوطات اصل احنا متربين كويس احنا اخواتو البنات اربع بنات وهو الولد الوحيد ….والمصيبه ان الكلام ده بقالو سنييين يعني من 4 او 5 سنين طب ليه ماهو لو كان عايز يتجوز طب مايقول هو مقتنع ان ده حلال وانو مكنش بيعمل حاجه حرام …. انا هتجنن مش قادرة اصدق ,,,اخواتي بيقولولي ده طبيعي انتي عايزاه يروح شرم ويشوف اللي بيشوفو هناك وميعملش كده …. بس انا برضو مش مستوعبة اللي حصل.. كان متهيألي انو غير بس أرجع وأقول لنفسي غير ليه ماهو شاب برضو … طب لما شاف الحاجات دي هناك مرجعش ليه علطول وصان نفسو مع واحدة يتجوزها على سنة الله ورسوله مش معاه ؟ طب والله كنا هنساعدو ملهوش عذر …. هو دلوقتي بيشتغل في السعوديه وربنا فتح عليه طب ماكان استنى لازم يعني يعك ….. انا مبقتش قادره اكلمو ولا حتى ابص في وشو بس مقدرش ابين كده قدامو … هو في الاخر اخويا وملهوش غيرنا ولو احنا ادينالو ضهرنا هيروح لمين اخواتي بيقولو كده .. وانا معاهم بس مصدومه قوي . ياريت كل شاب بيقرا الكلام ده بجد ميعملش اللي عملو اخويا لأن امي كانت مصدومه زيي ويمكن اكتر مني .. وانتو مترضوش تعملو في امهاتكو كده والله ربنا هيفتح عليكو بس اتقو الله … وعلى فكره اخويا بيعرف واحدة دلوقتي وهي عارفه عنو الكلام ده وبتحبو ويمكن يتجوزها وبتقولو اني مش هحسبك على اللي فات بس من ساعة ماعرفتني ….. ………………. انا مش عارفه ممكن بنت تقبل الكلام ده ازاي ..هو مش اخويا بس انا لو مكانها لايمكن كنت أقبل بكده يعني هي لو كانت عملت زيو كان هيتجوزها برضو ؟؟؟ ربنا يعفو عنا.. والحمد لله الحمد لله قوي
اخوكي بيشتغل في شرم الشيخ يعني شاف التسيب والانحلال كان امامه الزواج الحلال – وعلي فكرة الزواج العرفي علشان يبقي حلال يشترط فيه شرطين الاول أن يكون بموافقة ولي أمر البنت لقول الرسول صلي الله عليه وسلم لا تنكح المرأة الا بولي – الشرط الثاني الاشهار يعني ميكونش في السر يعني لازم العلن – وطبعا واكيد هو اتجوز من غير ولي ومن غير اشهار – طبعا ده مش جواز دا علاقات محرمة – اخوكي مش خسران حاجة الخسران البنات اللي وافقوه علي الغلط – هما خسروا عذريتهم وخسروا سمعتهم وخسروا شرفهم وسمعة اهلهم وشرفهم – وفي شرم الشيخ يمكن يكون الغلط ده منتشر هناك التسيب والانحلال يمكن يكون منتشر – البنات ديت لو اتجوزوا جواز شرعي من غير طلاقهن من الزواج العرفي – يستطيع زوجهن اقامة دعوي جنائية ضدهن بتعدد الازواج ومسيرهن الحبس بهذا الاتهام – بنات الجامعة والثانوي بيلعبوا بكتابة ورقة عرفية حتي لو محصلش دخلة وينسوا الموضوع ومفيش طلاقومع مرور الزمن ينسوا الموضوع ويتجوزوا زواج شرعي ويفاجئوا بالورقة العرفية القديمة واقامة دعوي جنائية ضدهن بتعدد الازواج ويحكم عليهن بالسجن بتهمة تعدد الازواج – لعل ماكتبته يكون درس للبنات – انا مش بألف – دا أنا قريته من الحوادث في الجرايد أحداث واقعية توقيع الولد والبنت علي الورقة العرفية حتي لو محصلش جواز ومحصلش طلاق – مع مرور الوقت اذا تزوجت البنت طلاق مكتوب زي الورقة العرفية اللي مكتوبة او تمزيق الورقتين العرفيتين اللي مع البنت ومع الولد – اذا ظهرت الورقة العرفية بعد زواج البنت الرسمي تبقي جمعت بين الازواج حتي لو محصلش دخلة في الزواج العرفي – ربنا يوفق الجميع وكل عام وانتم بخير .
اخبرني احد الزملاء من مصر انه توظف في احدى المنتجعات السياحية في شرم الشيخ وقال والله شفت الهوايل والبلاوي هناك رجال ونساء عرب ومن جنسيات اخرى روسيات واكرانيات واستراليات واوروبيات وامريكان وصينيات وبمختلف الاعمار يمارسون الدعارة في تلك المنتعجات وعلى الشواطئ وفي الفنادق 5نجوم ليلا ونهارا ومناظر الواحد ينكسف من الحديث عنها كل حاجة مباح هناك الوسكي بانواعها والمخدرات بانواعها و الحشيش والبودرة والافيون وكرهت الحياة هناك وشعرت بعدم الرضا عن نفسي وان الله غضبان علي وعلى المال الحرام اللي اخذه مقابل العمل هناك وقررت ترك العمل والرجوع للعيش في مصر والرضا بالعمل الشريف حتى لوكان الراتب قليل فيه الخير والبركة ورضيت بماقسمة لي الله لي من العيش والحمدلله على كل حال
اختي لاتستغرب من اللي عمله اخوكي من زواج عرفي مع عدد من البنات اوالنساء ده يحصل مع كثيرامن الشباب وفي اي مكان وليس فقط في شوم الشيخ اللي بقت بؤرة فساد ودعارة مشهورة ليس على مستوى مصر بل عالميا يقصدها الكثير من الرجال والنساء من مختلف الجنسيات بحجة الاستجمام والسياحة وهم في الحقيقة ياتون لاجل الفجور والدعارة واصبحت سوق رايجة لهم ولاحول ولافوة الابالله الواجب عليكم حماية اخوك من البلاوي والمصايب دي وتكلموا معه عشان يتوب الى الله عزوجل ويتصلح حاله ولايرجع الى ماكان عليه وانت تقولي انه بيعمل هناك في السعودية الحمدالله انه ترك العمل في شرم الشيخ وابتعد عن المحرمات والفواحش وعاوز يتزوج ساعدوه على اكمال نص دينه وشجعوه على الزواج والاسراع به فهذا هو الحلال وربنا بيصلح حاله ويوفقه ويتمم له بالخير ومسالة ان البنت عارفه بكل ماكان اخوك يعمله وراضية بالزواج منه فده شي يخصها هي وممكن تقدر تغييره للاحسن وتاخذ بيده لحياة سعيدة ومستقرة تمنوا لهما الخير والسعادة وربنا يصلح حال الجميع ويسترعليكم اجمعين