لقد زوجت اخى من جارة لى ولكن لم اكن اعرفها غير انها من عائلة متدينه وعلى قد حالهم يعنى واخى يعمل بدولة عربية وكنت فكرها كويسه وهتكون اخت لى وزى ما بيقولوا اتمسكنت لغاية ما اتمكنت من اخى لغاية ما اتجوزته ابتديت تشيلة مننا لابعد حد وخصوصا منى انا وخلت اخى يكرهنى جدا ولا بيفكر يسال عنى خالص عكس قبل الجواز طبعا هى واهلها طبعا يشوفنا فى الشارع انا او ابي او اخى ولا اكنهم يعرفونا ويستهزؤن بنا ولما نقول لاخويا بيصدقهم هما ويكدبنا احنا . بالاخص انا خليته كرهني جدا ومهما اكلمه وافهمه واقوله انت مسافر ومش شايف ولا عارف حاجه مش مصدقني هما بيفهموه حاجه تانية خالص بس انا اللى مزعلنى عدم احترامهم هى وأهلها لينا وهو مجاريهم فى كده ومش عارفه ايه الحل بصراحه معاهم
مشاكل عائلية
مشكلة اخي وزوجة اخي
اضيف بتاريخ: Thursday, December 23rd, 2010 في 03:31
كلمات مشاكل وحلول: زوجة الاخ, عائلة, مشاكل عائلية
طالما زوجته دخلت بينكم انسى ان العلاقه ترجع ذى الاول خصوصا انها ذى ما بتقولى بتنقل الاخبار عكس كل شىء والافظع ان اخوكى بيصدقها هى دى المشكله انا عارفه ان من الصعب على اى بنى ادمه ليها اخ وحيد بتحبه وبتخاف عليه تلاقيه يتغير من ناحيتها بسبب مراته اللى لسه ميعرفش طباعها وممكن تخدعه بتصرفاتها وكانها بريئه بس خلاص هتعملى ايه والحمد لله انك ليكى زوجك ووولادك ربنا يخليهم ليكى وتحسنى تربيتهم وبعدين الحمد لله انه قال لابوكى ان زوجته حامل وهو عارف انك هتعرفى من ابوكى لو انتى جادعه بقى اتصلى بيه بركيلوا علشان تفرسيها وتحسسيها انك لا يمكن تزعلى من اخوكى مهما حصل اصل هى كل غرضها انها تكره اخوكى فيكى وانتى طبعا تزعلى وتاخدى موقف وتكرهى اخوكى وبالطريقه دى تبقى نجحت فى مهمتها وهى انها تفرق بينكم وتعكر حياتكم وهى تثتاثر بقلب اخوكى لكن لو حسستيها ان خططها فاشله وان لو حتى اخوكى عمل فيكى ايه مش هتكرهيه هتجن وتتقهر هى
اشكركم جميعا على ردودكم ولكم الحق فعلا لانك تحسون بي ولكنى لا اعلم ماذا افعل معه وحصوصا أنها الان قد سافرت له فى البلد الذى يعمل بها فى اجاذه ورجعت وهى الان حامل ولم يقل لى انها حامل بل قال لابي أما انا فلا يتقبل لى كلمه وانا احته الوحيده لم يقل لي انها حامل ولا ادرى ماذا افعل وهى لا تكلمنا ولا انا ولا ابي وبعد ما رجعت ولا اكنها تعرفنا لا هى ولااهلها فقولوا لى كيف نتعامل معها هى وأهلها طلبهم اننا نذهب اليهم ونودهم لان هذا امر ضروري لانها ذوجة احي مهما صدر منها وهى كل ما تفعله ان تنقل الاحبار لاحى عكس كل شئ قولوا لى ماذا افعل مع هذه النوعية من البشر حيث اننا اعيش بمفردى انا وذوجى واولادى ولا يودني غير أبي وهذا يغضبه كثيرا وكل اللى بيعذعلني اننى فعلا كل ما اطلبه اننا نكون عيلة كويسين مع بعض وربنا شاهد على كلامي دا
فيه حد يقاطع امه وابوه واهله علشان يرضى زوجته هو المخطىء وان لم يرجع عن قطع صلة الرحم او اغضاب والديه وتفضيل زوجته عليهم فهو فى خطر ان لم يتب عن مقاطعتهم فيه حديث عن النبى صل الله عليه وسلم ارجو ان تقوليه لاخيك خاب وخسر ثلاث مرات من ادرك واليه فى الكبر ولم يبرهما صدق رسول الله وحديث اخر النظره لاحد والديك او كليهما تعادل حجه فرد احد الصحابه على النبى صل الله عليه وسلم لو نظرت يا رسول الله لهما مائة مره فى اليوم قال تعادل مائة حجه الله اكبر الله اعظم صدق رسول الله —- فهو الخاسر يا اختى العزيزه ونصيحتك له بهذه الاحاديث الشريفه ولا ينسى قصه علقمه الذى فضل زوجته على امه رغم انه كان صالح والله الموفق
بسم الله الرحمن الرحيم
اختى لا ادرى ماذا يحصل بينكم وما هى المشاكل ولكن يمكن هى تعتقد انكى بتتعدى على خصوصيتها او مش بتحرميها وهى اصبحت فى عصمه اخيكى ومسؤول عن حمايتها واحساسه انكم المفروض تراعوها فى غربته لانكم اهله وتكونوا مكانه وانصحك يا اختى اذا حابه تحافظى على علاقتك بااخيك اعرفى انه اصبح له بيت وله حياه ولكى حياه واسالى عنه وهكذا مثل ابيك وعمك او خالك وامك لن تبقى الاخوات مع بعض والله الموفق
مش عارفه اقولك ايه اصل مفيش فايده لان طالما اخوكى بيسمعلها وبيصدقها يبقى دى المشكله تعرفى ان سبب المشكله كلها مش زوجه اخوكى المشكله الحقيقيه فى اخوكى اللى بيصدق واحده لسه عارفه من سنه او اتنين وبيكدب اهله اللى عارفهم طول عمره وطالما زوجه اخوكى حست انه بيصدقها يبقى هتفضل كده على طول ويمكن تذيد فى الكدب الحل يا اختى انك متشغليش بالك بيهم خالص هو ده حال الدنيا اخوكى قبل الزواج لكن بعد الزواج بيبقى بتاع مراته يعنى بقى ملك زوجته حاولى انك تكون علاقتك باخيكى عاديه يعنى لو مسالش عليكى اسالى انتى وعاملى زوجته عادى جدا ومتحسسهاش انك متضايقه من تصرفاتها خالص علشان متفرحش وتحس انها قهرتكم وربنا يهديها ادعيلها بالهدايه واعرفى انها ذى ما هتعمل فيكم هيتعمل فيها ربنا مبسيبش ابدا مهما طال الزمن