معلش انى هطول عليكم بس ملقتش مكان اتكلم فيه من جوايا غير هنا سامحونى
مشكلتى انى كرهت ابويا بجد لانه بيحب عماتى بطريقه غير طبيعيه وبيسمع كلامهم حتى لو كلامهم دة هياذي ويجرح ولاده المهم يكون اخواته مبسوطين وحتى بيعشق تراب ولادهم وبيقضى خدماتهم رغم انهم متجوزين وعندهم بيتهم بس بيخلوة كانوا خدام عندهم المهم ان اخواته دول بجد شياطين بيحبوا يخربوا البيوت اووى ومفيش حد بيرتاحلهم
انا ابويا عايش معانا ف البيت بس متجوز واحده عرفى طبعا مش قايلنا بس احنا عرفنا واتاكدنا ومجنون بالست دى اوى المهم ان ابويا مبقاش بيصرف علينا ولو طلبت منه فلوس يعمل تحقيق ومش عاوز يدفع ولا يصرف مليم ع البيت طبعا لان مراته الجديده بيصرف علينا بالهبل تقريبا بالالف جنيه ف اليوم وابويا بقى بيكرهنى انا واخواتى اوووى دة حتى بيطفش اى عريس يتقدم لاختى وبيطلع علينا كلام مش كويس اننا ماشيين على حل شعرنا وبنطلع وندخل بدون اذن واننا مش متربين رغم ان والله يا جماعه الكل بيشهد بتربيتنا والكل بيضرب المثل بماما ف التربيه
المهم انه كان بيجى علينا كتير عشان اخواته بس من حوالى سنه ونصف كده قاطعنا خاالص عايش معانا ف البيت ومبيصرفش خالص وماما هى اللى بتشتغل وتجيب كل حاجه المهم انه سمع اختى بتشتم ف عماتى وتدعى عليهم لانهم بجد خربوا بيتنا وبيطلعوا علينا كلام مش كويس ولانهم اللى ساعدوه يتجوز راح ضرب اختى وقالها اطلعى ف الشارع وانتى متربتيش وكلام صعب بجد يا جماعه اختى جالها انهيار عصبى وتعبانه بسببه انا اصغر اخواتى بس بستحمل عنها لكن اختى بتتعب من اقل حاجه وانا لما شوفته بيضربها وماما بتبعده عنها اقسم بالله كنت هموته فعلا
المهم ان الراجل دة بيكرة ماما اوى وعشان كده انا كرهته صدقونى مااما دى ملاك انا كل اصحابى بيحسدونى عليها ولغايه دلوقتى ماما بتحترمه وهوا بيغلط فيها وماما بتسكت على احترام انه لسه جوزها ان ماما حاسه اننها هيجرالها حاجه بجد لانها مستحمله كتير
انا بجد مبقتش قادرة انا بكرهه وبقيت بقول ابويا مات لان اللى ياذى ماما اعتبر الجزمه اغلى منه ف حياتى نفسى يموت نفسى يتهد كفايه فضحنا بسبب نزواته وشهواته كفايه نفسى اروح لربنا هوا اللى هيحس بيا الناس دى كلها كدابه يا ريت تقلولى حل ومحدش يقول اتكلمى معاه لانى اتكلمت انا واختى وللاسف بيعاند اكتر ومحدش يقولى اقرى قران لانى بجد بقراه وعارفه انه احلى حاجه ف الدنيا بس الواحد من جواه يا جماعه مبيقدرش يستحمل
مشاكل عائلية
نفسى اروح لربنا بجد كرهت دنيتى
اضيف بتاريخ: Thursday, May 24th, 2018 في 22:06
كلمات مشاكل وحلول: بنات, بنت, متزوج, مشاكل
اختي الصغيرة او ابنتي لاأعلم سنك ساءني منك تشبيهك ان الجزمة أغلى من والدك،،أي مشاكل بين والدك ووالدتك لاتجعل نفسك طرف فيها فمهما حدث تذكر أن هذا أباك وأن عقوقك له سيدخلك النار،،مشكلتك أنك متخذه موقف من والدك لأنه تزوج على والدتك وهذا حقه شرعا بغض النظر عن كونه عرفي،،أختك أيضا أخطأت بسبها لعماتك فمهما حصل فهن عماتها وبعدين هم ساعدواأبوك يزني والايعمل حرام والا ساعدوه يتزوج بشرع الله،،مابين الزوجين مايعلم الاربنا فماتحطوش نفسكم طرف بين أبوكم وامكم وتذكروا ان عدائكم لأبوكم حيستوجب غضب ربنا عليكم وحيمحق البركة والخير من حياتكم،،اقتربوا من أبوكم عاملوه باحترام وحب وده حيخليه يقرب منكم،،احترموا اهل ابيكم حتى لو أساءوا لكم ففوضوا الأمر لله هو حيجازي لكن ماينفعش تسبوهم وكمان قدام أبوكم،،شوفي إنت لما اختك لتضربت زعلت رغم انها شتمت عماتها،،فمن باب اولى أبوك يزعل على اخواته،،ملخص مشكلتكم ان بعد ماابوكم تزوج عاديتوه وعاديتم اهله كأنه ارتكب جرم،،لو بتقري القرآن بتمعن حتعرف ان كل الي بتعملوه خطأ،،ولو استمريتم في اسلوبكم ده بكرة لما تتزوجوا حتتعاقبوا بأبناء عاقين وأزواح سيئين