السلم عليكم اخى كان يبحث عن عروس وهو من النوع الخجول الطيب المسالم وممكن اى حد يضحك عليه ويشتغله وكثير وقع فى مشاكل بسبب استغلال اصدقائه له ومن النوع ممكن يصدق اى كلمه تتقاله وحقيقه انا كان نفسى يتزوج انسانه طيبه متدينه لانى اعرف الاعيب النساء ومكرهن وان اخى لن يسللك مع امراه ماكرة لانها ممكن تستغله اسوء استغلال اخى فيه عيب انه لا يتكلم مع اهله الا نادرا فهو انطوائى مع اهله منفتح مع اصدقائه يعنى انا اخته لكن لا نتحدث الا نادرا واحده قريبتنا رشحتله فتاه وقالت انها متدينه جدا وتصلى وزوجناها اخى على هذا الاساس بعد الزواج اكتشفنا انها لا تصلى وانها كانت بتمثل علينا المشكله ان اخى ابتدى يصدقها فى كل كلمه بتقولها حتى لو اتكلمت علينا بالكذب امامنا يعنى ممكن تتبلى علينا بكلمه قولناها واحنا مقلنهاش والغريب ان اخى بيصدقها فى كل كلمه المشكله بقى انها بتبين دايما قدامنا وقدامه انها بتخاف عليه وعلى فلوسه ولكن اكتشفت انها بتسرقه وححكى لكم على كذا موقف هى حامل وقال لنا ان الدكتور اللى هتولد عنده هياخد منها سبع الاف جنيه علشان يولدها استغربت لان المبلغ كبير وقلت لها الدكتور ده حرامى قالت لا ده طبيعى وسالت الدكتور فى التليفون على انى واحده عاوزه تولد عنده قالى ان الولاده باجرة ايديه بالمستشفى اربع الاف جنيه وطبعا عرفت انها عاوزه تاخد من اخويا ثلاث الاف جنيه ليها ذياده ده غير انها فى فرحها راحت تتمكيج وكان الكوافير عادى جدا ومكياجها عادى جدا وقالت لاخويا ان الكوافيرة عاوزه 1500 جنيه حق المكياج واخويا دفع لانه بيصدقها وحاجات كثير بالشكل ده لا يسع الوقت لذكرها انا بفكر احكى لاخويا على موضوع الدكتور لكن خايف ان اخويا يزعل منى ويقول انى بكره مراته انا بس قصدى افوقه لانها بتاخد منه مبالغ مش بالمعقول لكن خايفه ان اخويا يزعل منى لانه بيعشقها ومبيكدبهاش ابدا هل اسكت ومليش دعوة ولا اقوله وامرى لله
شوفي يااختي الواجب يحتم عليك اخبار اخوك بالحقيقة وهو حر يصدقك او مايصدقكيش وان كنت خايفة من مصارحته بالحقيقة خلي الست ماماتك تكلمه وتقول له حقيقة استغلال وجشع مراته له واخذها فلوس منه بغير وجه حق وان رفض يسمع كلامكم فاتركوه حتى يعرف الحقيقة من تلقاء نفسه لانو بعض الازواج مخدوعين في زوجاتهم ولايفوقوا الا بصدمة كبيرة تحصل لهم