تزوج أبى بعد موت أمى وأخوتى صغار تنازل ابى وتزوج غير متعلمه لتعولنا صغارا وكان ابى كتاب مفتوح لها ولأهلها الذين تنكروا بعد أن أنجبت طفله وهى تحولت الآن جبروت عليا وعلى أخى الأصغر حتى اصبح يفكر فى الهرب من البيت وفعلا يقضى معظم اوقاته عند اصحابه لما يجده من حنان امهاتهم عليه أراد أبى أن يطلقها حفاظا علينا من طغيانها فراحت تهدد والدى بأخواتها البلطجية ليطردونا الى الشارع كلنا فى مدارس وابى يعمل مدرس ومسالم جدا لاحول له ولا قوة اشتكاها لاهلها فانحازو لها طلب طلاقها رفضو وهددوه كأنهم ماصدق فرصة وشبطوا فيها وعذابى واخوتى حتى البنتين تستعبدهم من دون الله بلا رحمه أرجوكم ساعدونا كيف نتخلص من هذه المرأة الجبروت واهلها البلطجية من غير ما يعملو فى ابى حاجه اويطردونا للشارع ابى مستعد يدفع لها كل طلباتها وتسيبنا لكن هيه تقول ده بيتى إمشو إنتو ولما عرفت ان أبى هاياخدنا ونمشى ندور على مكان نرتاح كلنا منها هددته باخواتها وابوها لوعمل كده يقتلوه ارجوكم ساعدونا بعد امى مالناش غير بابا واحنا خايفين عليه منها ومش قادر هو ولا إحنا نعيش معاها
مشاكل عائلية
زوجة ابي المتسلطة تهددنا بالتشرد
اضيف بتاريخ: Wednesday, March 23rd, 2011 في 15:36
كلمات مشاكل وحلول: طلاق, مشاكل اجتماعية, مشاكل عائلية
اختي العزيزة سؤال هل عقد البيت باسم ابوك اوباسم الولية الحرباء مراته اذا كان البيت باسم ابوكم فخلاص الموضوع منتهي وهي تضرب راسهاهي واهلهاالبلطجية الحرامية في الحيط اما اذا كانت قدرت على ابوكم وخلته يكتب البيت باسمها فهي في نظر القانون مالكة البيت ومن حقها تطردكم في اي وقت والقانون في صفها اتاكدي من عقد البيت من ابوكي وشوفي العقد الاصلي معاه او لا وابوكم هوالراجل والمسؤؤل عنكم وعن حياتكم بلاش الضعف والاستكانة والعجز اللي هوفيه يوقف زوجته المتسلطة دي عند حدها ياخذلكم شقة بعيد عنها لتعيشوا فيها انت واخوتك بامن وامان وراحةوسعادة ويظلق المراة الحرباءدي ومايخافش منها ولامن اهلها البلد فيها حكومة مش فوضي سايبة ليه حنا عايشين فين في غابة لالالا البلد دي فيها حكومة وقانون يحموكم ويجيبوا لكم كافة حقوقكم صدقينى هي واهلها مجرد اوباش وحشرات تستوجب قتلها والخلاص منها وربي يحفظكم ويخلي لكم ابوكم ويبارك فيكم ويحرسكم من كل سوء ويخلصكم من هولاء الزبالة المعفنة التي يعاني منهاالمجتمع كله
حبيبة قلبى ربنا يعينك على ما ابتلاكى متيأسيش ان مع العسر يسرا ربنا هياخد حقك انتى واخواتك بس الصبر ويا ريت تقوى بابا انتى واخواتك وتقفوا معاة ولو فى حد ممكن يتدخل ليحل المشكلة مفيش مانع لكن مش هينفع انكو تعيشو فى الجو دا كتير وبرضو انا مع رائ مسلمة كويس
مش عارفه اقولك ايه مشكله صعبه فعلا ربنا معاكم ويقويكم افضل شىء ان ابوكم يستاجر شقه وياخدكم فيها بعيد عن تلك المراه ويسيب لها الشقه اصل العيشه مش بالعافيه وبردوا ميطلهاش لو خايف من اهلها ويديها مصروفها وكافه متطلباتها هى وبنتها واضح انك كبيرة وتقدرى تتحملى مسؤليه اخواتك