السلام عليكم ورحمة الله ا
خالتى عايزة تستلف منى مبلغ ( خمس الاف جنيه ) وانا مملكش الا دهبى بس وزوجى مش راضى يسلفها وهيه بتقلى ابيعلها حاجة من الدهب بتاعى مقابل ان خالتى دى مابتحبش الا نفسها انا من سنة تقريبا كنت بين الحياة والموت فى المستشفى وهيه ماجتليش تتطمن عليا وبتتحجج بابنها الصغير ان علشان البلد خربانه ممكن يتخطف منها فى السكة وهيه جيالى ( بينا وبينها سفر تلات ساعات) انا عارفاها كويس لما بتبقى عايزة حاجة بتعملها ومفيش مخلوق يقدر يمنعها يعنى لو فى دماغها تيجى كانت جت جيت برده بعد ماخجرت من المستشفى حوالى بست شهور عملت تلات عمليات وعرفت انى فى المستشفى وماجتش برده مع انى والله العظيم وربنا يشهد عليها ان اى مناسبة سواء جزن او فرح انا بود الناس كلها الغريب والقريب عمرى ماتأخرت عن حد وممكن اضحى بنفسى فى سبيل سعادة اى مخلوق فى الدنيا المهم هيه مصممة اوى انها تستلف زوجى قالها ماينفعش يكسر الوديعة علشان يسحبلها المبلغ عارفين ياجماعة المبلغ دة عايزاه ليه المبلغ دة مش علشان مش لاقيين ياكلو ولا حد بيموت وعايز عملية علشان يعيش لالالا هيه عايزة المبلغ علشان بتشطب شقة ابنها وعايزة تعملها من الالف للياء مع سيراميك من الارض للسقف مش مثلا تجهزه على قد الحال لا دى بتستلف علشان تعمل لابنها السيراميك وتقوللى ماقدرش اعمل قرض واخلى ابنى يبدأ حياته بفلوس حرام مع ان ابنها الاولانى مجوزاه بقرض وجايبين لمرات ابنها ب سبعة وعشرين الف دهب علشان هما ارياف وعندهم الدهب لازم يبقى كتير كدة
واللى يضحك انها طبت عليا فاجئة من غير تليفون ولا حاجة وسابت ابنها الصغير مع ابوه اهوووو اومال ماسبتوش ليه وجات شافت بنت اختها اللى بتموت فى المستشفى وجاتلى فاجئة وانا تعبانة جداا عندى دور برد شديد اووى وبوضب بيتى وعطلت حالى علشان الصنايعية كانو جايين فى اليوم اللى هيه جت فيه علشان يشتغلو فى الشقة عندى وكمان برده ابنى تعبان وجوزى يعنى كلنا كان عندنا برد شديد وتقولى تعالى هاتى ابنك ويللا ننزل نتفسح وشايفة ابنى سخن وكحته تسمع لاخر الشارع واسيب زوجى لوحدة وهوة تعبان وانزل افسحها وشايفانى قاعدة قصادها بموت من التعب وعمالة اخدم عليها هيه وابنها واضايفهم وكنت قبل ما هيه تيجى كنت طابخة ومن كتر التعب مش قادرة احط االاكل فى التلاجة اقولها هاقوم اسخن علشان تتعشو تقولى اسخن الاكل على البوتاجاز متعرى مع ان انا نضيفة جداااا ومعنديش اى حشرات عمالة اقول لنفسى عرفت ازاى ان الاكل متعرى اتاريها اول ما جت دخلت الحمام وبعدها دخلت المطبخ فصصته حته حته وتفتح فى الادراج كأن البيت بيتها راح زوجى جابلها اكل من مطعم
انا نفسيتى تعبت اوى بعد اذنكو قولولى اعمل ايه ابيعلها حاجة من الدهب ولا لا او اقنع زوجى يديلها ؟ انا عارفة معظمكو هايقول ماتدهاش بس انا برده محتارة ومش عايزة اخسرها لانى مش بحب اخسر اى مخلوق فى الدنيا مهما كان واسفة على التطويل
مشاكل عائلية
خالتى عايزة تستلف منى وزوجي رافض
اضيف بتاريخ: Sunday, February 24th, 2013 في 17:22
كلمات مشاكل وحلول: زوج, متزوجة, مشاكل
احكي لك قصة حقيقةحصلت معي كانت لنا خالة اخت ماما وتزوج اخي الكبير من بنتها برضاالاهل كلهم وبعدالزواج حصلت المشاكل بين امي وخالتي وحرضت ابنتهاعلى العصيان وقلب حياة اخي الى جحيم لايطاق حتى طلقهااخي وراحت لبيت امها ولكن الامور لم تنتهي صارت تزن على امي وتطيب خاطرهاوخلتها ترجع بنتها لاخي ورجعوا لبعض وكانت تطلب من اخي فلوس في الطالع والنازل واخي لم يقصرمعهاهي وابنتها بيعطيهم ولماتوفت الوالدة جاتنا تطالب بورثها في اختاها وعملت لنا مشكلة كبيرة بعدالعزاء وراضينها واعطينها نصيبها الشرعي في اختها ولكن سبحان مغير الاحوال تغيرت تماما وصارت لنا زي الام تحن علينا وتعطف علينا الصغيرقبل الكبير وتسال عنا وتزورنادايما وعمرها مااشتكت اوطلبت منا شي وتقول ياولادي سامحوني من كل قلبكم وتبكي بحرقةوالم على فراق الماما اختها وربي يحفظها لنا ويطول لنابعمرهاولا يحرمنامن بعض ابدا
اختي الفاضلة خالتك دي من الناس اللي تحب نفسهااكثر من اي احد تاني ومتسلطةوحشريةوفضولية ماتعطيهاشي ابدا واخبريها انو زوجك رفض انك تبيع دهبك وانو ظروفكم صعبة وراءك مصاريف دراسة لابنك ومن الكلام ده المهم انك تصرفيها ولكن باسلوب مودب وراقي دون اهانة اوتجريح مهماكان دي خالتك في مقام امك لها الحب والاحترام والتقدير مهماكانت طباعها وان وافق زوجك انك تعطيها فلامانع تعطيها بس خدي عليها اقرار بانها استلمت منك المبلغ لانوالحق مايزعل وماحدش ضامن عمره حياة اوموت وربنايوفقك ويبارك فيك
إذا كانت الحالة المادية تسمح وفي حال رضا زوجك وعن قناعة تامة وليس ضغط منك ، أعطيها الدهب جرامات على أن تعيده إليك جرامات
يبدو ان خالتك من النوع الاناني الذي يحب نفسه وهمها مصلحتها نفضي لها لانها لاتستاهل منك معروفهذا ذهبك قد تحتاجيه لوقت حاجة دعيه يكون لك سندا في وقت أزمة لاقدر الله وقد تستدين منك المبلغ ولا ترده فأحذري من ذلك ومن هذا الصنف من الناس الذي تهمه مصلحته فقط وأموأل زوجك تعب فيها كثيرا بالتأكيد ويحفظها لوقت عوزهفلا تفرطي فيها وممكن الممكن أن تستدين خالتك المبلغ ولانردهاستنادا أنك انسانة خجولة وطيبة فلا تجرؤي أن تطالبها برد المبلغ ويضيع عليك تصرفي بالحكمة حتى لاتندمي
بصي مع احترامي الشديد لخالتك ديه بس هو في ناس كتير كدة لازم الواحد يبقي بجح معاهم …..فاخالتك ديه حاولي تعتذريلها …قوليلها زي ما حضرتك عندك ابن ونفسك تجوزيه انا كمان عندي ابن و محتاج كل قرش علشان الدراسة وبعد كدة هااحتاج اجوزه زي ماحضرتك عايزة تفرحي بابنك …….و بعدين انا كمان زي مافهمت ان تقريبا ابنها صغير علشان بتقول بخاف عليه احسن يتخطف …يعني هو مش صابح يتجوز او مثلا خاطب ووراه مسئوليه ….فاحضرتك بروه قوليلها انامش ببيع دهبي علشان جوزي مش بيحب كدة و كمان انا اسفةمش هاقدر اسلفك انا عندي ابن برده مسئول مني