مشاكل اجتماعية

زوجي مغترب وعائلته طردتني من بيتي

انا امرأة  عندى 24 سنه متزوجة من خمس سنين ف بيت عيله جوزى قعد معايا اربع شهور وسافر الخارج من وقت ما تجوزت قعدت سنه ونص ف بيت جوزى بعد كدا حصلت مشاكل مع جوزى وبيتهم فاجوزى قالى روحى عند بيت ابوكى لحد ما ارجع واحل المشكله عدت سنه وانا ف بتنا فابيت جوزى اخدو الشقه واتجوز فيها اخو جوزى قلت لجوزى قلى اما ارجع احل الموضوع وانا دلوقتى ليا ف بتنا اربع سنين جوزى مجاش غير مرة واحده وجيه عندنا اصل ابن عمى غير انو ملوش شقه وراح بيت ابوه عشان يحلو المشاكل مفيش نتيجه فجوزى رجع سافر تانى وانا لسا ف بتنا بقوله على شقه ايجار رافض انى اسكن لوحدى انا وابنى وهو دلوقتى علاقته ببيت ابوه كويسه جدا بيتصل بيهم ديما وبيبعتلهم فلوس وعندى انا فين فين اما يبعت ليا ولابنى ومش عارفه اعمل ايه معاه مع العلم ان بابا متوفى وانا اكبر اخواتى معلش طولت عليكو ولكم الف شكر

مشاكل وحلول ذات صلة

اضيف بتاريخ: Wednesday, May 15th, 2013 في 07:33

كلمات مشاكل وحلول: , ,

8 رد to “زوجي مغترب وعائلته طردتني من بيتي”

  1. ابواميرة
    01/11/2013 at 22:14

    مسالة زوجك مايسال فيك انت وولادك وانتم في بيت اهلك داغلط كبير وتقصير منه في حقكم ولايجوز شرعا عليه ان يتقي الله فيك وفي ولاده ويجي يشوف طلاباتكم محتاجين ايه اويبعت لكم ماتحتاجون اليه وانت لاتتساهلي معه في الحاجةدي عشان تحفظ نفسك وولادك من الاهمال وضياع حقوقكم والا فالطلاق خيروسيلة لك لاجل كرامتك وكرامةولادك ووربي يصلح حالك ويهدي زوجك

  2. المعذبه
    17/10/2013 at 15:15

    قوليله ليوصل لحل معاكى يرضيكى يااما خلاص كدا مش هينفع تستنى اكتر من كدا

  3. بدر الدجى
    15/08/2013 at 22:19

    زوجك عنده تقصير كبير وانتي تقع عليكي مسؤلية كبيرة في الحفاظ على نفسك ومن تحوطه رعايتكي ومفتاح كل هذه الامور هو الصبر الجميل الى ان تنفرج الامور فالصبر مر المذاق حلو العاقبة وانتي عرفت من كلماتك انك اهلا لكي تجتازي هذه الفوضى بخطى ثابتة ولكم التحية

  4. noda
    11/07/2013 at 06:44

    اعملي صلاه استخارة انك تفضلي معاة والا لاء بس للاسف دا مش مستحمل مسئولية بيت بصراحة طريقتة مش حلوة لو مش بيبعتلك فلوس ومش بتعرفي تصرفي ياما تخلي يبعتلك ياما يطلقك علي الاقل هتعرفي ترجعي معاش ابوكي وقتها حاجة تصرفي منها عشان متحتجيش لحد ربنا يعملك اللي في الخير نصحتي ليكي استخيري وادعي ربنا انك تشوفي رئية في صلاة الاستخارة

  5. ندى
    21/05/2013 at 21:59

    أنا مستغربة أزاي أنت رضيتي بالوضع ده يعني أربع شهور ويسيبك
    ويسافر يعني كان من الأول يقدر يأخدك معاه!! فين المشكلة
    يعني فين وفين لما يجيلك !!بعدين المفروض يبعثلك فلوس عشانك
    وعشان أبنه !! مش يسيبك معتمد على أهلك !! ده أنسان غريب
    كوني شديدة معاه وأطلبي منه الطلاق !! وشوفي الرد أيه ؟؟
    والله يكون في عونك ،،،

  6. رنا
    20/05/2013 at 17:36

    لازم تعرفى جوزك بكل الامور الموجودة فيكى لان كلة منك انتى معرفتيش تعلق جوزك بكى والدليل هو بعدة عنك اطلبى منة ان يبعتلك ويغدك معاة باى شكل فهمية اى حاجة عشان خاطر ابنك الخ من المواضيع الى انتى عرفة مش هوصيكى اكيد عرفىة ابعتيلى ايميلك وان هكون جمبك

  7. فهمان
    20/05/2013 at 01:28

    اطلبي الطلاق منه وتأكدي انه راح يأتيكي افضل منه ابعتي له رساله في مكان سفر وقولي له طلقننننننني

  8. أسماء
    16/05/2013 at 01:28

    حلك الوحيد هو الإستعانة بالله وادعى ربنا فى صلاتك ان جوزك ربنا ييسر له اموره ويرجع بالسلامة

اترك رداً أو حلاً لهذه المشكلة