انا مخطوبة بقالي شهر كنت عارفة خطيبي قبل الخطوبة لفترة اربع سنين والحمد لله اتخطبنا نفسي اخليه يحبني اكتر وميزهائش مني بسبب طول فترة الخطوبة لانها هتبقي لمدة سنتين احنا اتكلمنا في كل حاجه قبل الخطوبة بس بصراحة هو مهتم بيا وبيكلمني علي طول حتي وهو بيشتغل بيكلمني ويطمن عليا بس انا خايفه يمل او يبقي مجرد تعود انا عوزاه يفضل يحبني علي طول
مشاكل الخطوبة
خايفة خطيبي يمل مني في فترة الخطوبة
اضيف بتاريخ: Friday, January 7th, 2011 في 20:33
كلمات مشاكل وحلول: الخطوبة, فترة الخطوبة, مخطوبة, مشاكل البنات, مشاكل الخطوبة
بقول كلام زهق منى عايزة حل اولا ازاى اغير علية وثانيا عايزة اهون علية وثالثا عايزة اى مواضيع افتحة فيها ياريت عايزة الحل بسرعة
اتفق مع الاخ -سيد العاطفي – في كل ماقال للاخت صاحبة المشكلة ده هوالراي الصائب والسليم والله يتمم لكما بالخير نشا الله
انت خطيبته وهوخطيبك والاهل كلهم عارفين ومباركين الخطوبةدي يبقي لاتقلق ابدا وخليهاعلى الله ممكن الشاب مشغول عنك في عمله اومع اهله مايروح تفكيرك لبعيد حاول تسالي عليه اتصل فيه اورسلي له رسالة ماتتركيه وتقولي هوماسال يبقى انامش بسال عليه وربي يسعدكم ويقربكم لبعض ونفرح بكم عماقريب
حاولى تعملى اللى يخليه مبسوط منك وحتى لو هو اللى زعلك صالحيه انتى وقوليلو انك مش بتحبيه يزعل منك
اتصلى بية اسألى علية رايح الشغل تدعى له وتكلمية برقة كدة وباحترام ودايماّ تفضلى مكبرة صورة اهلك بعدين حبك لأهلة تبينية ولو فى مشاكل مع اهلك ماتحكيهاش لية ابداّ ابداّ وخليكى مشغولة ف البيت برضو يعنى يتصل تتكلمى باسلوب كويس اوى وتهزرى معاه عادى وتقفلى بحجة انك هتعملى حاجة لماما خلية يشتاقلك بس ماتركنيهوش وتنسية ححسية باهتمامك واوعى اوعى التجااااوزات ونصيحة اخوية عن تجربة طول مانتى هتحافظى على نفسك وتقدريها هو هيقدرك وهيمسك فيكى بايدية وسنانة وربنا يتمملك على خير وادعيلى معاكى
والله انا كمان خايفه خطيبي يزهق مني بس انا ساعات مش بلاقي حاجه نتكلم فيها ياريت حد يقوللي اعمل ايه مع خطيبي في الكلام هو مسافر وهنتجوز ان شاء الله كمان 3 شهور ياااااااااااااارب اقدر اسعده قولوا اامييييييييييييييييييييييييييييييييييييييييين
خليها علي الله وخليها ماشية زي ما هي ماشيه ولو ليكم نصيب في بعض لا هتزهقوا ولا هتملوا من بعض
انا بحب خطيبى كان من2بس الحمد لله اتخطبنا ودلوقتى 3سنين بنحب بعض وهو بيحبنى وانا بموت فية بس كل حاجة بايدك انتى انتى ممكن تخلية يزهق منك وممكن يكون معاكى طول العمر يعنى خدى بالك منو اوعة تزعليه حافظى علية خاليكى كل حاجه فى حياتو امه واختو واخو وابوه يعنى تكونى الراحة ليه اعرفى بيحب اية واعمليه وبعدين انتى خاليكى فى دلوقى ربنايصلح حاكم انشاءالله
اااانا خطيبي كان زي خطيبك واكتر كان كل دقيقه رسايل ورنات ومكالمات وكمان مسافر وكل يوم نتكلم لحد 8 شهور وزهق والاتصالات قلت مره مع مره وبقينا عادي كل 5 ايام علي اما نكلم بعض انتي كبري دماغك وطنشي رغم اننا بنموت في بعض بس عادي بقي
اااانا مخطوبة من سنة وهتجوز بعد سنة وبتخانق مع خطيبى كتير من غير سبب والنبى تدعولى كلكم انو ميزهقش منى ومن خناقى
اقلك نصيحة بجد واللة بعدوالاهل عنكم لحسن تعملو زى واحد صحبى دخلو اهلو واهل خطيبتو بكل كبيرةوصغيرة وحياتهم ادمرت اللهم انى بلغن اللهم فشهد
اهم حاجه
تكونى هاديه معاه يعنى ما تتعصبيش ولا تعلى صوتك عليه ابدآ
وان حصل بسرعه تتأسفيله لى هذا الخطأ
وكمان تكون متفاهمه دائمآ وما تعانديش ولا تصدرى معاه
وعندما يزعل من ك بسبب حاجه بسرعه ترجعى تتأسفيله وتوعديه انه ما يحصلش تانى
واوعى تكلفيه فوق طاقته واوعى تطلبى منه حاجه تكونى عارفه انه مش قدها
ودايمآ اشكرى فيه قدامه وقدام الك خصوصآ عشان يحبوه اكتر
وتقوليله ان اهلى بيحبوك وبيشكروا فيك دايمآ عشان المحبه تدوم بين الكل
وخليكى مطيعه ليه فى كل حاجه يؤمرك بيها بس طبعآ حاجه ما تكونش فى معصية الله وما تكونش فى معصية اهلك
وخليكى حنينه ورقيقه فى كلامك واسلوبك وتعاملك معاه وياريت ما تكتروش الكلام مع بعض عشان ما تزهقوش من بعض وعشان تبقوا دايمآ مشتاقين لبعض
وخلى بالك اوعى عقلك يوزك وتتكلموا كلام غير لائق بالاحترام والخطوبه الشريفه
عشان ربنا يكملكم على خير ويباركلكم فى جوازكم
وربنا يوفقكم لما يحبه ويرضاه
(سيد العاطفى)
مصر—بنى سويف
اختى الكريمه اجعليه دائما لايراكى الا فى اجمل صوره ولا يشم منك الا الطيب وخاصه الفم وان تستمعى له ولا تقاطعيه فى الكلام وعندما تخرجى معه لاتفرضى عليه مكان بعينه ات تروحوه اجعليه هو الذى يطرح عليكى المكان حاولى ان تحسسيه انك لا ترهقيه ماديا حسسيه دائما انك على اشتياق لرؤيته حاولى انتى ايضا ان تبادليه نفس الاحساس والشعور التى تحسيهم منه مثلا فى منتصف النهار فاجئيه انتى بمكالمه هاتفيه قبل ان هو يفاجئكى بها هذا يجعله باقى النهار يفكر بكى ويحاول ان يسعدك بعد العوده من العمل ولو بهديه منه اعتنى به فى الاكل لان الرجل منا حبه يبدأ من المعده ان كنتم عقدتم القيران رسمى فان اتى اليكم فى زياره امام الاهل عند السلام قبلى يديه كونى له صديقه قبل خطيبه او زوجه كونى له ام كونى له حبيبه كونى له اخت افعلى ذلك بالتدريج مع مراعاه الله قبل كل شئ وان شاء الله سوف ترين النتيجه ويا حبذا لو هو لم يكون من مواظبين على الصلاه وتقولى له تعالى نصلى جماعه واجعليه يأمك فى الصلاه وخاصه صلاه الجهر وبارك الله لكما وفيكم وتتم لكما على خير الزواج اختى انا اقول لكى هذا بعد تجربه فاشله فى حياتى وهذا ما اتمناه من الزوجه المقبله ولا تنسونى من صالح الدعاء
كويس جدآ انك واخدة بالك من حاجة زي كده … بس خدو بالكو ان تفضل ايديكو في ايدين بعض و متخلوش اي زعل يكبر بينكم و تقولو كده كده راجعين لأن الزل بيسيب اثر و ربنا ما يجيب زعل ما بينكم ابدآ و عقبال ما تبقو مع بعض و ربنا يسعدكو و يكملكو على خير .. يااااااارب
و ادعيلي الاقي واحدة زييك كده بدل اللي سابتني رغم حبي لها…. bassem
ياعمري ده بيعشقك انتي حافظي عليه بعنيكي واللي بيعمله معاكي فاده بيحبك جدا ربي يسعدك معاه وانك تحفظي عليه انك ماتبقيش زنانه معاه وكتيرة الكلام وتبقه عندك حياء وادب معاه
اقولك ع حاجه جامدة جدا خطيبك بجد بيحبك اوى وانتى كمان بتحبى اوى وبصى الفترة دى خليكو مع بعض اكتر عشان تحبو بعض اكتر
تقي في نفسك ومتخليش تفكريك سلبي بتفكيرك بالملل هو بيحبك وانت بتحبيه ودا هيخلكم تحبو بعض مدى الحيات ان شالله
ياحبيبة قلبى انت زى مابتقولى انك تعرفيه بقالك اربع سنين وجه خطبك اكيد مكنش زهق منك وده دليل فعلا على حبه ليكى فاكيد طبعا هيستحمل السنتين دو ومش هيزهق لاه بيحبك انتى مش توهمى نفسك انه ممكن يزهق وعيشى فترة خطوبتك بكل تفاهم وحب وامدام بيحبك عمره ما هيزهق منك لانه شاريكى وجه اتقدملك المهم انكوا تراعوا ربنا فى بعض ومتغضبهوش وان شاء الله ربنا هيوفقكوا باذن الله