السلام عليكم انا طالب فى اولى طب عين شمس انا من اسرة متدينه ووالدى -رحمه الله- يضرب به المثل فى الادب والاخلاق والاحترام والقدوه الحسنه والدين وكذلك باقى افراد الاسرة فى كليه الطب وقمة فى الادب والاخلاق وانا والحمد لله ليا سمعه كويسه جدا فى بلدى وبين الناس اللى اعرفها وبعتبر ان سمعتى هى كل ما املك فى حياتى وهى راس مالى مشكلتى انى حسيت انى بحب بنت عمى من اكتر من 4 سنين هى ساكنه فى محافظه غير اللى انا ساكن فيها بتنزل بلدنا كل سنه مره هى اصغر منى ب3 سنين وحافظه القران كله ومتدينه وممتازة دراسيا وبتطلع من الاوائل كل سنه وجميله من ناحيه الشكل وانا بحبها جدا والله نفسى انى اصارحها بكده ومش عارف انا لو عملت ده حلال ولا حرام زائد انى اخاف حد يعرف فتتهز صورتى قدامه وقدام الناس وانا حريص جدا على سمعتى وهى ممكن تزعل لو انا قولتلها انى بحبها وصارحتها
ارجوكم نفسى حل لمشكلتى وربنا يجازيكم خيرا
السلام عليكم ورحمة الله وبركاتة احييك بتحية الاسلام انا مريت بنفس ظروفك بس انا كلمت اخوها وهو كلم والدتهاوالحمدلله كانت موافقة يعنى طالما انت مش قادر تصارحها بحبك او خايف ان صورتك تتهز فى نظر العائلة اسمع كلام اخوك العبد لله ومتحاولش انت تكلمها عشان بجد ممكن يكون الرد بلاء هتبقى صعبة اوى وربنا يوفقك انشاء الله ويجمعكم على الحب يارب لو ربنا كاتبهالك زوجة ليك اخوك هيثم نجم
حاول تلمح لها وهتعرف من رد فعلها اوعى تغرك النظرات ساعات بتكون انت بتبصى ليه ..ما يدور فى نفسها فتنظر اليك وده حصل معايا حد فكرنى بحبه وما عرفش الحقيقة غير لما سالنى….وبقولك لمح مش اسالها تفرق
الحب من طرف واحد ضياع أنا عانيت بسببه وبالأخير إقتنعت بانه قتال وأيقنت أن أجعل مشاعري كنجمه يتمنى الجميع الوصول إليها ولن أجعلها كالسجاد يمر الجميع عليها
أتمنى تأخذ بنصيحتي
لو تعلم أن الأهل يوافقون على إختيارك حيث أنها ما شاء الله بها من الصفات ما يحبه الله ويرضاه فأدخل من الباب وأجعل أحد من أهلك مثل والدتك تجس نبض العائلة . فإن قدر لك القبول فأحرص على أن تخطبها وتحافظ عليها ولا تؤثر على دينها حتي تنتهي من دراستك وتقف على قدميك وتتمكن من بناء مستقبل طيب لكما معا. يعني ربط كلام إن حدث توافق وربنا يكمل لكم بالغني والستر ورعاية حدوده مع تمنياتي لك بالتفوق في الدراسة حتى تنتهي من هذه المرحلة بسلام. لا تجعل هذا الأمر شغل االشاغل فرزقك سوف يأتيك بإذن الله وأسعي له سعيا يحبه الله ورسوله.