انا كنت بحب واحد من المعهد بس هو مكانش يعرف وفضلت احبه لمدة سنتين برض وهو ميعرفش ولما اتخرجت من المعهد قلتله بس هو قالى انه بيحب واحدة تانية انا زعلت جدا وحاولت انسى نفسى وبعد فترة لقيته بيكلمنى وبيحكيلى ان فى مشكله حصلت بينه وبين حبيبته وفضلنا نتكلم مع بعض فترة كده لغايت ماقلى انه بيحبنى قوى وميقدرش يستغنى عنى المهم فى يوم حصلتله مشكلة فى الجيش ودخل السجن وبعد عنى حوالى شهر ونص معرفش عنه حاجة صاحبه اللى كان بيرد علياوقالى بيقولك ابعدى عنه خالص وانسيه لانه مايستاهلكيش وانتى اى حد يتمناكى انا اتصدمت جدا لانى بجد كنت بحبه قوى ومستعده اضحى بالدنيا كلها عشانو المهم انا حاولت اكلمه كتير بس مكانش بيرد عليا لغايت مارد عليا بعد وقت طويل وقالى انه هيخطب … انا اتصدمت اكتر حسيت انى معنديش كرامة وضغطب على نفسى لغايت مانسيته .
وبعد سنة بدخل على ايميلى لقيته موجود واتكلمنا تانى فى التليفون بس وقتها انا كنت مخطوبة لواحد تانى بيحبنى قوى بس انا مش بحبه ومش عارفة احبه خالص وحاولت كتير المهم قررنا مه بعض انى اسيب خطيبى عشان ارتبط بيه وانا وافقت
اصلا انا ماصدقت واتفقنا فى يوم اننا نتقابل واتقابلنا وفى نص اليوم موبايله رن وقالى انه ابوه وعايزة ضرورى المهم قالى انا هوصلك لصحبتك وبعدين اروح لابويا وارجعلك تانى ومن وقتها بقى راح معتش رجع يعنى (خرج ولم يعد) ومعرفش عنه حاجة لغايت النهارده وكل مااكلمه على موبايله حد من قرايبه او صحابه يرد عليا وقالولى ان حصلتله مشكلة فى الجيش عشان اتاخر يوم وسافر على طول ومااخدش موبايله معاه. وانا كملت مع خطيبى رغم انى مش بحبه لانى حسيت نفسى لوحدى وبحارب عالفاشى
بس المشكلة انى مش عارفة احب خطيبى ولا احب اى حد تانى وحاسة انى بكدب على خطيبى ودلوقتى انا بتكلم عالنت وبتعرف على ناس كتير قلت يمكن الاقى او اقابل فتى احلامى اللى بحلم بيه او يمكن احب حد بقيت ادور عالحب فى اى مكان وانا اصلا مش عارفة احب ! بجد محتارة ومدايقة قوى وعايزة الحل اللى يريحنى ومحدش يقولى اكمل مع خطيبى لانى بجد بحاول والله بس اعمل ايه مش قادرة
مشاكل الحب
مش عارفة احب خطيبى ولا احب اى حد تانى
اضيف بتاريخ: Monday, September 6th, 2010 في 07:21
كلمات مشاكل وحلول: الحب, الخطوبة, خطيب, خطيبة, مشاكل الحب, مشاكل الخطوبة
سيبيها على ربنا هو بس اللى عارف نصيبك فين لو مش قادره تكملى مع خطيبك سبيه وخليكى واثقه ان نصك التانى محدش حايخده غيركواوعى تفكرى فرزق او صحه او جواز كل ده فايد ربنا بس
والله انا مقدرة الى انتى فيه وعارفه انك تعبانه بس خدى المثل ده عندك واعملى بيه البطران سكته قطران وكما تدين تدان ياابن ادم وحاولى تشغلى تفكيرك بخطيبك وصلى وادعى ربنا يحببك فى خطيبك وشيلى فكرة انك تسيبى خطيبك لانك طول ماانت بتفكرى انك تسبيه انتى كده مش هتحبيه وربنا يوفقك
بصي ياحبيبتي .. واضح طبعا إن الإنسان التاني دا مش بيحبك .. ودي لوحدها حاجه تخليكي تقدري تنسيه علشان المفروض على الأقل إنه ينزل من نظرك خالص ومع الوقت كمان المفروض تنسيه .. بصي سيبك خالص من التفكير فيه .. انتي دلوقتي نخطوبه خلي تفكيرك كله في خطيبك مش هقولك حبيه .. بس شوفي هتقدري تتجوزيه ولا لأ .. لو إنتي مش متقبلاه خاااالص بصرف النظر عن الولا الأولاني دا او اللي بتكلميهم على النت خلاص سيبيه يشوف نصيبه مع حد تاني وانتي كمان متربطيش نفسك بحد مش متقبلاه خالص علشان دا جوااز .. بس طبعا حوارات النت دي كلها ملهاش لزمه خالص كل إلليبتعمله انها بتعيشك ف عالم تاني وناس مش تعرفيهم .. بلاش منها حرام .. شوفي حالك مع خطيبك كدا .. لو مش قادره تكملي معاه علشان شخصياتكوا مش متفقين مع بعض مثلا سيبيه
الشاب الى بتحبية ميستهلكيش بس كمان خطيبك ميستهلش تعملى فى كدة ذى ما انتى اضايقتى ان حبيبك بيلعب بيكى ومستهتر بمشاعرك متعمليش انتى كمان كدة فى خطيبك الى ملوش اى ذنب الا انوا هو بيحبك وبصراحة كدة المفروض تمسكى نفسك كدة وتاخدى قرار انك تخرجىالشاب الى بتحبيةدة من حياتك نهائى معلش فى اللفظ دة عملك استبن كل ما يزهق يجى يستهبل شوية
بصى انتى ممكن مش بتحبية علشان فى شخص معين عايزاة لكن لو انتى مسحتى الشخص دة من دماغك وشلتية خالص من دماغك وهو دة الصح لانو مايستهلش وكداب ومنافق هاتلاقى نفسك بتحبى خطيبك من كتر حبو ليكى على حسب كلامك علية وبعدين نصيحة صعب جدا تلاقى شخص يحبك كدو و يتمسك بيكى رغم انو عارف انك مش بتحبية هاتقولى ازاى انو عارف انى مش بحبو هاقولك اكيد وصلو احساسك انك رفضا ورغم كدة متمسك بيكى وعندو امل انك تحبية من كتر حبو ليكى ياريت تراجعى نفسك وتفكرى شوية فية وتنسى البنى ادم الندل الاولانى دة وانتى ان شاء الله ربنا هايكرمك
ana ra2yi ra2ye insane walahi ma3o ha2 rah tndamy tol manti 3aycha lakan lish makhatabek habibek haram betkhouni habibek kan lazem t2olilo menel 2awal enek mabedek yah walah haram keda
الاستاذ الى حاطت لنفسو اعلان بمواصفاته يا استاذ هى عندها مشكله ومش ناقصه بصى يا جميل انا مش هؤلك كملى مع خطيبك لانك بالشكل ده مش هتعيشى والله ربنا يشهد على كلامى انا معنديش اى غرض غير انك عرضتى مشكلتك وانك عايزه حل بس بجد طالما انتى مش بتحبيه ووصلتى لانك مش قابله لانك تعيشى معاه مش هينفع تعيشى كده ا***
شوفي يا بنتي أنا الحمدلله شكلي أشقر ملاحمي جميلة بطل ملاكمة يعني جيم وجسم وكده طولي 187 سم سني 28 سنة خريج سياسة واقتصاد شخصية كويسة بشتغل براتب كويس يعني بيقولو عن فتى أحلام وفعلاً والله بدور على بنت كويسة تكون شريك حياتي بس طبعاً ” مش انتي ” أو أي حد زيك اللي تخون خطيبها اللي مش أذاها في أي حاجة وترجعلو عشان واحد تافه بيلعي ببنات الناس تستاهل كده وأكتر ووالله صدقيني ربنا هيخلص منك طول عمرك وعمرك ما هترتاحي وهتفضلي ضايعة لإنك ببساطة أخترتي ده لو خطيبك مش عجبك ليه كملتي معاه؟؟ لعبك بمشاعره هيخلي ربنا يبتليكي بــ اللي يلعب بمشاعرك وأكتر زي اسمو ايه ده اللي كل ما يزهأ منك يروح الجيش وغيره اتقي الله واعرفي إن مش مهم الراجل اللي تحبيه قوي في الجواز المهم الراجل االي يحبك ويقدرك ويشتريكي وكل فترة الشباب والنت دي هتعدي ومش هيفضلك منها لمل تكبري غير ذنوب وأسى وحسرة وظلم واحد ملوش ذنب إلا أنه ارتبط بواحدة…. ربنا يهديكي ويعونض على خطيبك بس متكنليش معاه وأكسب على الأقل احترامك لنفسك.
انا هكلمك بصراحة انت ماتستهليش خطيبك انتي عاوزة حد يضحك عليكي
اتقي الله ولا تعصيه كونك تخرجي لمقابلة شاب او حتى تكلمية هذة معصية لله وخيانة لخطيبك
حبيبتى بدك نصيحتى ما تحكى مع اي شب عن النت وانت مخطوبة
لانه يمكن اي واحد يفسد ويفرق بينك وبين خطيبك ويكرهك فيه
انتى دلوقتى مخطوبة يمكن تحبيه بعد الزواج
وادعى ربنا تحببك فيه ويحببه فيكى وع خير ان شاء الله