السلام عليكم ورحمة الله وبركاته
أنا عندي 24 سنه ومخطوبة بقالي حوالي 5 شهور .. خطيبي أكبر مني ب 9 سنين تقريبا هو بيحبني أوي المشكله إن أنا مش عارفة احب خطيبي وطول الوقت حاسه إن مش هعرف أكمل معاه .. إللي خلاني وافقت على الخطوبه إنه محترم وإبن ناس ومستواه كويس الحمد لله وكنت عارفه إنه بيحبني بس هو بالنسبالي عادي جدا مش عارفه أحس بيه خالص .. أنا لحد دلوقتي مش عارفه أقوله وحشتني لو حتى كدا وكدا ومش بحب أتكلم معاه خالص كلام رومانسي يعني لو قالي بحبك بزهق وبغير الكلام بسرعه هو بيبقى عارف إني قاصده أغير الكلام بس بيقول ممكن أكون مكسوفه أو خايفه أتكلم معاه كدا يعني بس للأسف أنا فعلا مش ببقى حاسه إن جوايا مشاعر ليه .. وبخلي الكلام بينا دايما هزار أو في أي مواضيع كدا بعيد عن الرومانسيات أو حياتنا سوا علشان دايما بفكر أكمل معاه ولا لأ …. الناس القريبين مني أوي وعارفني كويس إللي هما أصحابي يعني وأخواتي بيقولولي هو كويس أوي وطيب ودي حاجه مش هتلاقيها كتير بس إنتوا مش شبه بعض يعني بيقولولي إن أنا يناسبني شخصيه تانيه بس كلهم مجمعين على إنه كويس جدا وبيقولوا ان لو سبته هزعل على صفات كتير فيه … فكرت كتير وكذا مره أوصل لقرار إن أنا أفركش بس بلاقي التنفيذ صعب أوي .. علشان أهله ناس كويسين أوي وأنا بحبهم .. كل أما أفكر أقول معقول هسيب النسب دا !! وكمان خايفه أسيبه أبقى كدا بتبتر (علشان ربنا بعتلي واحد طيب وبيحبني وأنا أسيبه) .. خايفه ميجيليش حد مناسب أوي وكمان أنا عندي 24 سنه وصحباتي كلهم متجوزين … ممكن يكون دا سبب من الأسباب إللي خلتني وافقت برضو من الأول .. بس لما أفكر برضو أقول دا جواز لازم أكون بحبه أمال هتجوزه إزاي !! أنا لحد دلوقتي متردده من أول الخطوبه لحد انهرده بتعامل وخلاص مش فرحت بالخطوبه وكتير بقول ياريتني ماوافقت من الأول علشان الحيره إللي أنا فيها دي .. أنا زعلانه أوي حاسه إني بظلمه .. لو كملت معاه وأنا كدا يبقى ظلم برضو علشان هو من حقه يلاقي خطيبته بتبادله المشاعر ولو سبته هكسر بقلبه جامد …..
ممكن تكون المشكله كمان إن أنا حاسه إنه أكبر مني بكتير وأنا كنت عاوزه أرتبط بحد يكون الفرق بينا لحد 5 سنين كدا وكمان أنا تعليمي أعلى …… أنا حاسه إن أنا تايهه ومش عارفه أعمل حاجه – ومش عارفه في الجواز الدنيا بتبقى إزاي إيه أهم من إيه ؟
ياريت تفيدوني أنا بجد تعبت أوي تقريبا مش عارفه أعيش من الحيره وكل يوم بيعدي بحس إن الفرح قرب وبقلق أكتر ..
ربنا يكتبلكو الخير دايما .. ويارب إللي يفيدني ويقولي رأي تمام يعيش سعيد ويخش الجنه
جزاكم الله كل خير ..
=== شكراااا =
أسفه إني طولت عليكم
السلام عليكم ورحمة الله وبركاته ارتبط من ٦سنوات بشخص وكنا بنحب بعض وف يوم بعد مرور سنة بدون اي اسباب ع الرغم انه فعلا كان بيحبني وانا بحبه للقته بيقولي اهلي مش موافقين عليكي ومش هينفع نتكلم مع بعض ما اكذب عليكم حاولت مغه بكل الطرق ميسبنسش لكن مع الاسف رحل عشت ٤ سناوت ع امل انه يرجع لكن مرجعش ووصلت ٢٩سنه وتقدم لي طبيب وتزوجت لعد معناه للني بحب الشخص اتاني ومع الاسف تزوجت وسلمت أمري لله وقلت يمكن احبه وينسيني لكن مفيش اي حاجه تغيرت غير اني كرهته وكرهت نفسي وبالفعل وصلت لنقطة النهايه وانفصلت بعد انفصالي شاءت الأقدار وبالصدفه تقلبت عبز الفيس بوك مع الشخص البحبه وحكتله كل الصار معي وهو حكالي انه لس بيحبني وخلاص مش هضيعك من ايدي تاني زي قبل كدا وهتحدا الدنيا عشانك وقعدت يزسملي في احلام وخجات وانا كنت فاكرة زي زمان الصادق البيحبني وابتدت الدنيا تضحك لي تاني وكوت بفكر طول الوقت في حياتنا من كتر م هو عشمني ان خلاص هيعمل المستخيل وميضيعنيش تاني وبعد ٧شهور م علاقتنا قالي بدون سبب م الاخر انا غمري مهتجوزك انا نش قبلها ع نفسي اتجوزك بعد متجوزتي وموضعنا فاشل وانا مش هقدر اخد خطوة فيه انا بسمع الكلام وربنا ميكتبها ع حد بعدحب السنين ده كله المهم قلت له لي عشمتني وليه ليه ليه ليه أسألة كتيرة! الصراحة كان رده قاسي و وكلامه اوي رغم ان عمري معمل في حاجة غير كل خير ويعلم مدي حبي ليه حاولت اقولو انا مش هعرف اعيش بدونك نع بكاء وكسرة قلب لتاني مرة منه لكن قالي انا خلاص مش هينفع اكلمك لاني لو خطبت واحدة مش هخونها نع حد فاشوفي حالك وسبيني وانتهت قصتي معه لحد هنا وماكذب عليكم انا ندمت ع كل لحظه ف حياتي عشتها معه وايقنت ان العاوز حد بيعمل المستحيل من اجله ولا بيهمو ظروفو ودي كانت صدمتي في حب عمري ٨سنوات للعلم محبتش حد قبله ولا بعده وبدعي ربنا ف كل صلاتي من بعد الحصلي منه انه يوريني انتقامه فيه واكيد ربنا كبير والان في شخص تاني بيحبني بقاله ٣ سنين م قبل متجوز وانا ع علي علم بذلك وحتي بعد معرف ان انفثلت مصمم يتجوزني وللعلم هو شاب متجودش قبل كدا ومتمسك بيا جدا جدا جدا وراضي باي حاجة معايا وده الفرق بينه وبين الانا حبيته المشكله هنا ان مفيش اي مشاعر من نحيتي للشخص ده ومش عاوزة اخسره ف نفس الوقت والله في كل الصفات الحلوة الله يبارك له ويمتر امثاله يارب. فانا بصلي وبدعي ربنا الفي الخير يعملهولي ويحببني فيه وساعة م احس اني خلاص هحبه هوافق واتجوزه ولكن انا خايفة اوافق راتخطب له وافضل زي م انا مفيش مشاعر ليه وبقول لنفسي ان فرصي قليلة لاني تجوزت ولو رفضته ي عاالم هيلاقي زيه تاني ولالا وساعات بقول هاخد قرار متجوزش خالص رخلاص انا كدا كدا كبرت عندي ٣٢سنه واقضي بقيت عمري مع حالي اصلي واعبد ربنا وبلاها جواز لاني خايفة م التجربة انصحوني اعمل بالله عليكم
اانا نفس النظام مخطوبه بقالى 5 شهور و خطيبى كويس و بيحبنى بس انا مش متقبله منه اى كلمه حلوه و مافيش مشاعر فقلبي اتجاه و مش عارفه احبه لانى متعقده
ياريت تطمنينا عليكي وتقوليلنا عملتي اية وكمان عشان تفيدي غيرك اللي في نفس المشكلة
ممكن مساعده انا كمان مخطوبه ودي تاني خطوبه ليا وانت مش حاسه اني بحب خطيبي خالص بس هوا محترم معايا وبيهتم بيا وبيحبني بس انا مش حاسه بحاجه تجاه وبقول اني عمري ما هعرف احب بس مش عارفه اي السبب الا بيمنعني وكمان مش بقدر تبص في وشه وانا بكلمه ومطش من اي دا وانا لسه سني صغير17 وتعبان أووووووي لدرجه اني كرهت كل حاجه وبقيت اتمني الموووووت كل يوم ساعدوني لو سمحتوا تعمل اي اسيبه ولا اي 😭😭😭
ياتري صاحبه المشكله اتجوزته ولا لاء وبقت تحبه ولا اي اللي حصل ؟
انا كنت مخطوبه لواحد كنت بحبه وكنت بضعف معاه واتحمل مع انى كنت عارفه انه وحش بس قلت انه مش هيسيبنى وانه بيحبنى بس اتخلى عنى واتخطبت لواحد احسن منه بس تعليمه وثقافته قليله حاسه انه مش فاهمنى ومش متعلم وفلاحى قوى بس هو طيب وبيحبنى وبار باهله وانا سعات بتردد ف حبه ومش عارفه اعمل ايه يا ريت حد يقولى
انا عندي 18سنه ومخطوبه لابن عمي بقالي 3شهور بس مش بحبه هو كويس جدا ومتدين بس انا مبقتش مرتاحه معاه امت وافقت وافقت عشان انسي الشخص اللي كنت بحبه بس دلوقتي محتارة هو اكبر مني ب 20 سنه وفيه حاجات كتير مش بيفهمها لازم انا اقوله عليها وحاجات مفروض هوو يكون عارفها.. انا بقيت بدايق لما بنكون مع بعض ومش حساه خالص انا حاسه اني اتسرعت ف قراري من الاول وحاسه انه مش هنكمل لاني مش هو ده الشخص اللي بتمناه وشايفه حياتي معاه خصوصا انه هو واهله لسه عايشين ف ايام زمان وعادات زمان ومش متقدمين خالص وبحسهم مش لايقين خالص معانا هما كويسين مقولتش حاجه بس انا مش مرتاحلهم خالص وحاسه انه حياتي هتدمر بعد الجواز وكله مستغرب إنه وافقت اتخطبله لأنه اكبر مني ب كتير زي ما قولت هو عنده 40 وانا 18 بس انا عايزة حد يساعدني بجد وحاسه إني عايزة افركشها بس اهلي ممكن ميوافقونيش الرأي قولولي اعمل ايه عشان بجد نش عايزة اظلم نفسي واظلمه معايا ياريت عايوة رد منكم
وربنا يجازيكم خير ف حياتكم
انا زيك بالظبط ونفس الاحساس وغيرك ف حاجه ان انا كنت مخطوبه قبل خطوبتي دي وفشكلتها وكان شخض كويس جدا وكله قالي ان انا كده بتبتر وبعد كام سنه ربنا رزقني بالشخص اللي انا مخطوباله حاليا بس بردو مش حاسه من ناحيته بحاجه وطبعا قبل ما اوافق كله قالي انسي ان بعد كده تقولي اسيبه ةاصعب حاجه ف الموضوع انا هوه شخص كويس جدا سنه كويس واهله طيبيبن جدا ومعيشه حلوه بس انا مش حاساه خالص اعمل ايه
بصي والله العظيم دا حال بنات كتييييييييييييييير انا واحدة منهم انا اتخطبت من4شهور تقريبا خطيبي مسافر مشفتهوش الا علي النت او في الصور بس هوا صاحب اخويا وثقة يعني بس اللي خلاني اوافق عليه اكيد علشان الظروف اللي في بنات كتير بتعيشها بس كان بيجيني ناس كتير بس مكنشي بيحصل نصيب انا مع خطيبي يوم حلوين وعشرة لا هوا بيموووووووووووت فيا بس انتي لو جيتي بصيتي للناس بتوع زمان اللي كان بتتجوز ومبتتكلمشي معاه كتير وبقوا اجدادنا وكان عايشين احلي حياة هادية وفيها رحمة صدقيني هوا مناسب ليكي كتير هتحبيه اقولك ليه لان انا اختي كانت في نفس المشكلة هو كويس مهندس بقت بتموت فيه بعد الجواز ربنا يهديني ويهديكي يااااااااااااارب ونكون زوجات صالحات
اسمحيلى انتى انسانه متردده ومش عارفه تاخدى اهم قرار فى حياتك اقعدى مع نفسك وقررى اذا كنتى فعلا عاوزاه اومش عاوزاه عشان حرام تظلمى انسان محترم زى ده كل ذنبه انه خطبك وحبك وعشان كمان انتى تشوفى نصيبك وهو يشوف الانسانه اللى تستاهله
أنا أعاني من نفس المشكلة تماما بل أسوء،أنا لم أستطع حتى تقبل خطيبي أوليا حتى أن طريقته في الكلام والضحك لم تعجبني لكني قبلت به لأني أعلم تمام اليقين أنه يحبني منذ خمس سنوات و أني أستطيع أن أحبه بعد الزواج فالرسول صلى الله عليه و سلم لم يخطئ عندما قال “إذا جاءكم من ترضون دينه و خلقه فزوجوه” و المهم هو صلاة الإستخارة، فاستعيني بالله و اقبلي بمن يحبك فستحبينه عاجلا أم آجلا.
انا نفس مشكلتك دى بردو بس اهلى قالولى بصى لقدام دورى على راجل واب لولادك هيعرف يعيشك ويصونك وعمرة فى يوم ماهيزعلك واكيد بعملتو ليكى وخوفو عليكى هتحبى هيجبلك الى انتى عايزاة مش هيحرمك من حاجة فكرى هو بيعمل عشانة اية بص لقدام ماتبصيش تحت رجليكى بس افرق عنك كتير شوية لان انا 16 سنة وهو قريبى فى قدامى فرصة لو محبتوش فا انتى حكمى عقلك وافتحى قلبك وسيبى نفسك ومتخافيش هو عمرة ما هيعمل فيكى حاجة وحشة ولا هيجرحك
اانا فى نفس المشكلة واصعب كمان لانه ابن عمى كمان بحس انى سعات بتلكك على اى حاجة علشان تبقى زعلة بينا انا مفيش فى حياتى حد قبل كده .كمان بحس انه طيب زيادة عن اللزوم و شخصيته قدامى مش موجودة لما باخد رايه فى اى حاجة عاوزنى انا اللى اقرر وده مش حلو لانى حاسة انه فى المستقبل هشيل مسئولية كل حاجة لوحدى .
ااقولك ….. ربنا يهدينى ويهديكى ويهدى اى حد محتار زينا
اولا قبل اى كلام اقوله ليكى لازم تصلى صلاه استخارة مرة واتنين وعشرة وشيلى كل الافكار من دماغك اللى ممكن توصلك لطريق مسدودومتسمعيش لحد ميكونش حاسس باللى انتى فيهانا كنت بحب واحد اوى وهو كان بيحبنى اوى اوى بس كان مدرس اخويا بيحبنى واتقدملى اكتر من مره ورفضتهولكن قدره ربك كانت اقوى انى اترك حبى من اجل المدرس دة وكنت كل لما استخير ربنا كنت بحس ان دة نصيبى وفعلا اتخطبتله مع انى كنت ندمانه بس والله العظيم ربنا عوضنى بانسان احسن من اللى كنت بحبه بكتييييييييير………كل اللى قصدته ان الاستخارة وربنا اهم حاجة وامشى ورا احساسك بالله واوعدك ان ربنا مش حيخيب ظنك وحتحسى بكل اللى نفسك فيه بس اهم حاجه متظلميش الانسان دة عشان ربنا يكرمك…………….وحولى تفكرى فى مميزاته وحاولى لما يكون عندك تديله الفرصه يكلمك ف الحب مش يمكن فعلا تحبيه خدى يا حبيبة قلبى بالاسباب ان شاء الله نسمع عنك كل خير
بصي احمدي ربنا علي الانتي فيه وخليكي علي طول في استخاره انا برده ساعات باحس بكده مع خطيبي بس بابص لمميزاته انه طيب وحنين وبيحبني جدا ومش بسمع كلام نفسي فا انتي ماتسرعيش ومن رأيي تخليكي معاه وانشاء الله بعد الجواز هتحبي وماتضيعهوش من ايدك وربنا يوفقك
اريد عزيزتى انك التردد ده ناتج عن اشايء انتى نفسك مش مقتنعه بيهااصلان ودايما بتششكى فى حبك ليه الحب فىالحاله دى يجى بعدين او بعد الجواز اما هيبقى معاكى اكتر لانى بجد لو سبيتها هتكونى فعلان بتبترى وشكرا
شكرا لكل إللي ساعدني وقال رأيه .. أكتر الآراء هنا شايفين إن أكمل معاه .. المشكله إن أنا كمان خايفه أسيبه وبعد كدا أندم علشان مش عارفه إللي هيتقدملي بعده هيبقى إزاي .. بس ساعات أفكر وأقول هيبقى دا نصيبي بقى – بس برضو مينفعش أرميها على النصيب وبس علشان كل واحد مسؤول عن قراراته –
الأخ (حافي في زمن الجزم)
ميرسي ليك أوي .. بس بالنسبه للإسم يعني أنا راضيه ضميرك دا اسم تشارك بيه ؟؟؟ يلا أيا كان الإسم ميرسي أوي لحضرتك
فعلا في أسباب مش كتبتها بس مش حبيت أطول عليكو .. أو ممكن حبيت أبعدها عن تفكيري .. أنا كنت بحب شخص يبقى قريب خطيبي بس مكنش في بينا قصه يعني كان ف الأول بس إعجاب وحابه أوي صفاته وكلامه وهزاره وتفكيره وكل دا وكمان عرفت منه (هو قال ) ان هو كمان كان معجب بيا بس مكنش ينفع يتكلم وطبعا ولا هو قالي حاجه ولا أنا قلتله بس كنت تقريبا حاسه – ف لما موضوع خطيبي دا اتفتح رفضت الموضوع من أوله علشان قلت مش هينفع أرتبط بحد قريب منه _ بعد فتره خطيبي دا إتقدملي تاني فحسبت الموضوع بالعقل قلت كدا كدا الشخص دا مش ينفع خالص إنه يتقدملي وخطيبي انسان كويس زي ما وصفته (في الموضوع الأصلي) وقلت لو الشخص دا بيحبني كان عمل أي حاجه بس إلتمستله العذر إنه فعلا مش ينفع يرتبط بيا وقريبه كان عاوزني فخلاص أخد إللي بيحبني ويعيشني كويس وخصوصا إنه إنسان كويس ومحترم ف وافقت على أساس كدا .. بس للأسف أنا قبل الخطوبه كنت حاولت أبعد تفكيري خاااالص عن الشخص دا علشان أقدر أوافق على حد من إللي بيتقدمولي وكنت بشغل نفسي دايما بأصحابي أو أي حاجه وفعلا عرفت أنسى تقريبا لحد ماجه خطيبي اتقدملي ووافقت عليه بتفكير العقل زي ماقلتلكو بس للأسف من أول الخطوبه وأنا تفكيري مش بيهدى وبعد ماكنت تقريبا نسيت بقيت مش عارفه أبطل تفكير – مش تفكير زي إللي كان قبل الخطوبه طبعا – بس ممكن أكون خايفه من وجوده وإحساسي خايفه غصب عني أندم إن أنا ارتبطت بحد قريب منه لأني كنت المفروض أبعد خالص …. أنا بحترم خطيبي جدا بس في حاجه أنا وخطيبي فعلا شخصياتنا مختلفه وبختلف معاه كتير ف الحوارات بصفه عامه …… ممكن أكون مش عارفه أحبه علشان شاغلني أوي التفكير دا خصوصا إن أنا كان نفسي أرتبط بالشخص دا – دا أنا فاكره كل كلمه كانت بينا سواء كانت هزار أو في موضوع عادي حتى – .. بس أنا والله يوم ماإتخطبت قلت هبعد الشخص دا عن دماغي خااالص وكأنه مش موجود وأركز مع خطيبي بس – علشان خطيبي حد يستاهل إني أحبه …… بس كل أما تيجي سيرته مثلا ألوم نفسي أوي وأقول مكنش المفروض أوافق .. وأحس إن أنا كدا ظلمت خطيبي أوي لإنه طبعا إتعلق بيا وأكيد بني حياته على وجودي .. ف كل أما أجي أخد قراري ان هفركش بتخيل زعل خطيبي هيبقى إزاي وهو ملهوش ذنب في كل دا أنا إللي غلطانه من الأول .. أنا تعبت أوي بجد والأيام بتجري ولازم أوصل لقرار …. أنا صليت إستخاره قبل كدا والموقف زي ماهو ………… ياااارب لو فينا خير لبعض قربنا وإرضيني بيه ..
انا ظروفى كانت نفس ظروفك انا فى نفس سنك تقريبا وخطيبى اكبر منى ب 10 سنين كنت مش حباه خالص لكن بمجرد احساسى انه بيحبنى خلانى احبه انتى كمان ليه متفكريش كده الانسان مواقف بجد سيبك من الشكليات وبصى للمضمون انه بيحبك وبيخاف اكيد عليكى وعايز يعمل علشان حاجات كتير وناضح
بالنسبه لموضوع السن ده احب اقولك انك تفكير كده سطحى جدا كل ما الراجل كبر عن الست كل مايكون افضل بجد فى كل حاجه فى التفكير وفى الاستوعاب وفى التفاهم بينك وبينه لان الواحده دايما بتسبق الراجل فى التفكير بسنين يعنى لازم يكون فى فرق كويس علشان التفاهم وكمان علشان الشكل انتى مش عارفه ان الست شكلها بيكبر عن الراجل يعنى بفرق السن ده يبقا مهما كبيرتى تبقى انتى صغيره برضو بصى للموضوع من كل الزوايا يعنى كمان موضوع النسب انتى شايفه انهم ناس كويسين وهو كويس عايزه ايه تانى موضوع الشخصيه التانيه اللى عايزاها احب اقولك ان مافيش انسان كامل اتغيرى انتى علشان ماتخسريش حد كويس زى ما الكل بيقولك
اولا الموضوع من البدايه بالنسبالك تفكير واختيار بالعقل صح
ومش اديتى لقلبك الفرصه انه يختار
كل اللى مطلوب منك دلوقتى انك تصلى صلاة الاستخاره
وفى نفس الوقت لازم تفتحى قلبك لى وتحاولى تحبى حتى لو ماقدرتى تحبى لشخصه حبيى لمواصفاته يعنى اسلوبه احترامه ليكى حبه ليكى حاجات كتير اوى ممكن تحببك فى
وفى حاجه اكيد كان فى حياتك شخص تانى قبل ارتباطك وفى حاجه انتى مش لاقيها مع خطيبك
صلى الاستخاره ومش لازم الرد يكون على شكل حلم بعدها لا تحبى لا ترفضى خالص
السلام عليكم ورحمة الله وبركاتة
اختى الفاضلة
معلش انا ممكن اتحامل عليكى شوية بس ماتزعليش
انا حاسس انك انانية
عاوزة كل حاجة فى وقت واحد بدون تنازلات
وانشاء الله مش هايكون فية تنازلات
انت بتقولى ان خطيبك انسان كويس بشهادة كل المحيطين بيكى
عاوزة اية تانى
انا معاكى
ممكن مايكونش فية قبول
ودة شئ خارج عن ارادة اى حد
بس اللى انا حاسة انك مستكترة نفسك علية
علشان انت بتقولى انك تعليمك اعلى منة
والله مش بالتعليم
المهم الثقافة
والاهم انة يكون انسان كويس
وعلى خلق ويقدر يوفرلك حياة كريمة
وبالنسبة للسن
انا شايف ان دة سن مناسب جدا
لان لو اتجوزتى واحد فى سنك او اكبر منك باقل من 5 سنين
هاتحسى انك اكبر منة
ودة احساس مش كويس
لازم الواحدة تحس ان جوزها هو اللى مسئول عنها
وان هو اللى بيوجهها وبيحميها
والاحساس دة مابيجيش الا بفرق سن اكتر من 5 سنين
ادى لنفسك فرصةللتفكير وحاولى تحبية
علشان ماترجعيش تندمى
وصلى صلاة استخارة
والله الموفق
بسم الله الرحمن الرحيم
أول حاجه لازم تصلي صلاة استخاره من غير تحايز و تكونى مسلمه نيتك و أمرك لله و لازم تحطى في تفكيرك ان نفسك و الشيطان مش هيشجعوكي عشان خطوة جميله ذي دي (النفس أماره بالسؤ)وكان فيه بعض الصحابة يتبعون عكس ما تأمرهم انفسهم به و أصعب جهاد هو جهاد النفس.بالنسبه لموضوع السن ده عادي جدافي أمثال و ناجحة جدا العريس اصغر من العروسة باكتر من سنة أو العروسة اصغر من العريس بسنين كتير و دي امثال حيه و عايشة في سعاده وفي امثال تزوجو على حب سنين و فشلو..و الشهادات مش بتعييش في سعاده المهم التوافق العقلى و الفكري..مافيش حاجة اسمها شخصية تانيه تناسبك عشان مافيش وحده هتاخد احسن حد فالعالم ولا واحد هياخد احسن وحدة فالعالم ولا في عريس او عروسة تفصيل والكمال لله وحده.فكري بعقلك ايه المشترك بنكو يساعدكو على الجواز ويساعدك على تخطي الفتره الحاليه من التفكير.ولازم يكون في تفكيرك ان مافيش واحد بياخد زوجت واحد ولا واحده بتاخد زوج واحده.و بالنسبه للكلام الرومانسي متقوليش كلام غير الي حاسه .صلي و امشي فالموضوع الجميل دة لو لقيتى الموضوع ماشى يبقى خير و لو لقيتي في مشاكل كتير تبقى دي علامات البعد عن الموضوع(مش اقصد بالمشاكل:الخلاف مثلا على لون الابواب أو الشبابيك ولكن اقصد المشاكل المؤثره فعلا)..و لازم نفتكر ان المطلوب فالجواز الاسلامى هو القبول مش الحب و ثقي 100% ان الحب هيجي بعد الزواج عشان انتى لسه ماشوفتيش منو كل حاجة.أهم شئ هو دين هذا الشخص بيه هتضمني السعادة و الحفاظ عليكي و لو لقيتي ان مافيش ناصيب بعد الاستخاره مافيش حاجة اسمها تتبتري ولا اصحابك كلهم اتجوزو (كل واحد و واحدة ليهم ميعاد ربنا حددو عشان الولاده و الرزق و الموت و الزواج ده رزق)و نسيبك هيجي لحد عندك..يارب اكون افدتك و لو في اي سؤال ياريت ميكونش في اي تردد او احراج..وربنا يهدينا و يهديكي الى ما يحبه و يرضاه.
صارحيه عشان يغير طريقته معاكي
وساعتها اوعدك انك هتحبيه
بصى يا حبيبتى
انتى الحب النسبة ليكى ايه ؟؟
لازم تحددى المعنى ده كويس
يعنى الحب مجرد كلام ومشاعر زى ما الأفلام بتقول؟؟
ليه ناخدها كده
دول ناس عاوزين يفسدونا اصلا
صدقينى انتى بتقولى صفات كلها كويسة اصلا
يعنى صفات تتحب صح؟؟
وانتى بتحبى الصافت دى فيه؟
يبقى بتحبيه
مش لازم تقولى وحشتنى دلوقتى
ربنا هيكرمك وتقوليها بعد الجواز
ولا عاوزة لما تتجوزا يبقى كل الى بينكم روتين فى الحياة وخلاص؟؟
لا
فكرى كويس بعقلك
وادعى ربنا لو ليكى فيه خير يفتح قلبك له
وقتها هتقوليله يلا نكتب الكتاب
ربنا يرزقك حب يدوم يارب وتدخلى بيه الجنة
بس انا رأيي بلاش تخسرى حد بيحبك
وحب الأفلام ده كلام مش اكتر والله
مش عارفة مش هقولك غير انى فنفس مشكلتك ومعقدة اكتر بكتير
بصى بقا يا ستى العبد لله هيساعدك وهنلاقى حل ان شاء الله م الواضح انك مش لاقية نفسك معاة ومش حساة ع الاخر وباين من كلامك وكتير اوى كدا طيب عاوزين نقول شوية حجات كدا مهة اولا انتى عندك 24 سنة ثانيا هو كل صفاتة كويسة وكل الى يعرفوكى موافقين علية وشايفين انو كويس يبقى دول تلت حجات يمنعوكى من انك تعملى اى اجة تمدمى عليها والى هيا طبعا انك تسبية ثانيا كل حاجة وليها سبب حكاية مش حساة دى لاما صفاتك مش زى صفاتة يعنى على سبيل المثال ممكن هو يبقى طيب اوى لاكن انتى عاوزة واحد شديد دا مثال لاما انتى ف حياتك حدا وعاجبك وبتفكرى فية وهو الى مخليكى مش حاسة بية فا وضحى اكتر يا ريت وانا هحللك الموضوع دا ف اسرع وقت ممكن وهتشوفى انى هجيب نتيجة معاكى مع الرغم انى اول مرة ادخل هنا ومستنى الرد
بصي يا اختي الحب مش بالعافية
و انا الصراحة ما اقدرش اقولك على حاجة معينة تعمليها
بس في حاجة انا دايما باعملها ورفة و قلم و اكتب الحلو و الوحش و اشوف كل حاجة قيمتها عندي ايه و في الاخر هتوصلي لقرار ان شاء الله
يمكن حسابات الورقة و القلم دي ناس كتير مش بتحبها بس بحكم دراستي دايما باحسب كل حاجة
و دايما باعمل تست بالورقة و القلم
جربي و ان شاء الله توصلي لحل
اختي نصيحة مني لاتكملي معو لااني الطيبة مو كل الشي بل الزواج اهم شي الحب بينكو والافضل من البداية تعرفي قلبك بيحبو ولا لاء اذا مافي حب لاتعزبيه معك وانت مافي بداخلك اي احساس حب الو فارجو من البداية تصارحيه وتتكركو بعض من اول الحياة احسن ماتندمي في يوم من الايام
فى ناس ممكن تقول عشان فارق السن اللى بينكم وانتى ليه اصلا وافقتى يابنت الناس من الاول لكن ده طبعا نصيب ويمكن لما تصلى وتدعى لربنا انه يساعدك هتتحل مشكلتك لكن حاولى تتضغطى على نفسك وبادليه المشاعر ويمكن ده بيحصل عشان انتى لسه فى فترة الخطوبة ولما تتجوزى محدش عارف هيحصل ايه يمكن تحبيه اكتر مماتتخيلى وانا بدعيلك من كل قلبى ان ربنا يوفقك ان شاء الله
اختى العزيزه انا بجد حاسه بيكى وعارفه ومجربه الى انتى فيه بس انا اصغر منك انا عندى 18 سنه وهوه اكبر منى ب6 سنوات وابن عمى وبيحبنى جدا بجد بيموووووت فيا بس انا برضو مش ببداله نفس الشعور ونفسى اعرف حل للموضوع ده ومش لاقيه حد يدلنى على حاجه وبردو انا تعليمى اكبر منو بس بحاول اقرب منه بس مش عارفه
انا عايزة اقوللك ان بجد اوعى تخسرى الانسان دة خصوصا انوا ابن ناس وكمان انتى لو مش عارفة تحبيه حبيه بطريقة انك متفكريش فى اى حاجة غيرة هو وبس فكرى فى حياتك اللى جاية وبدل هو بيحبك هيسعدك وانتى كمان هتحبه وخدى اللى يحبك ومتخدش اللى تحبيه وربنا يسعدك يارب ويوفقك
من بصيلة من ناحية تانية اسمعى اغنى حب كتير حاولى تطبقيها عليه دورى على اى حاجة كويسة فيه اكيد هتلاقى لان مفيش حد مافيهوش ولو حاجة حلوة تحببك فيه وللعلم انا كنت مخطوبة وفسخت وقعدت مخطوبة 7شهور وماكنتش حاسة اى حاجة لية وهو كان بيحبنى وكان فيه حاجات كتير كويسة بس كان الناس بتقول ان احنا مش شبه بعض المهم انتى حاولى تعملى اللى قولتلك علية ولو معرفتيش تكملى ماتكمليش وبعدين 24 سنة مش كبيرة اوى ولا حاجة بعدينة الجواز دة نصيب واذاكان دة نصيبك هيكون ليك حتى لو ماكملتيش
بجد انا مستغرب من كلامك اوى فى عز الازمه اللى احنا عيشنها فى لسه بنات بتفكر بالشكل ده يا بنتى ثقى تمام الثقه ان الحب الحقيقى واللى بيدوم هو الحب الى بيجى بعد الجواز حب العشره ده حب هو اللى بيدوم حقيقى ..
وفى كتير امثله فى حياتنا ناس اتجوزوا عن حب وبعد كده فشلوا لانهم اكتشفوا انهم اختاروا بعض غلط وكان وهم الحب عميهم وبعد متجوزوا اكتشفوا انهم مخطئين ..
دورى على الصفات الحلوه فيه واكيد حتلاقى كتير وحبى الصفات دى واكيد حتحبيه فى يوم من الايام وبعدين فرق السن التسع سنين دول مش كتير بين البنت والولد ده فرق مناسب اوى عشان يقدر يحتويكى ويوفرلك الامان ..
بلاش تبتير والبتران عيشته قطران زى المثل الشعبى مبيقول وصدقينى لو سبتيه حتندمى ..
وانصحك بصلاة الاستخاره واكيد ان شاء الله حتلاقى طمانينه جواكى نحيته ..
وفى الاخر احنا فى ازمه دلوقتى واللى بتلاقى ابن الحلال بس على شرط انه يكون فعلا ايبن حلال تمسك فيه بايديها وسنانها ..
ربنا يوفقك ويهديكى سواء السبيل انه ولى ذلك والقادر عليه
اولا مينفعش الراجل ده يبقي بيحبك وانتي مش حاسه بيه زي منتي بتقولي وهو كل ما الوقت هيعدي بيرتبط بيكي اكثر لازم يبقي في صراحه من الاول علشان متكسريش بقلبه فعلا
والحل التاني تدي لنفسك فرصه تحبيه مدام الشخص ده الناس مجمعه عليه انه محترم وكويس وابن ناس ليه معشش الرومانسيه معاه واحاول اتفهمه ويمكن تحبيه اكتر ما هو بيحبك
انا شايفه ان الزوج المثالي اخلاق ومواقف وياسلام كمان لما يكون النسب يشرف وناس كويسه وطيبين
اعملي استخاره واللي ربنا عايزه هيكون بس في نفس الوقت حاولي متظلمهوش ويكون في صراحه
وربنا معاكي
ياعم هو حد لاقى عريس النهارده وبعدين انتى مش بتكرهيه ولا بتحبيه بعد الجواز هتموتى فيه باذن الله وبعدين انتى مقولتيش عيب مقنع علشان تسيبيه وبعدين انتى عندك 24 سنه يعنى السنه الجايه 25 والبعدها26 ويعالم تتخطبى ولا ايه ومعندكيش حجه انك تسيبيه استعينى بالله وتوكلى على الله محدش هياخد غير رزقه مهما حوال***كملى معاه وحولى تحبيه****
فية ناس حبها قبل الجواز مش موجود بس بعد كدة بيعشقو بعض وانا ملاحظ انة مفهوش عيب وانتى كمان سنك 24 سنة يعنى مش كل يوم هيجيلك واحد كويس وغير كل دة البنات كتير اوى والشباب القادرين على الزواج قليلين وافقى وعلى بركة اللة ومتنسيش تعزمينى على فرحكم
بصى انا راى انك تسيبيه طالما مش بتحبيه وهو لما ينجرح دلوقتى احسن من انه ينجرح بعد الجواز ويكتشف انك مش بتحبيه (والبيت اللى مش مبنى على حب مبيكملش ودايما خناقات ومشاكل) وربنا يوفقك ويسعدك ويااااااريت تصلى استخارة يكون افضل واللى فيه الخير هيقدمه ربنا
خدي اللي بيحبك……………………… ده اللي بيريح كل بنت…….و مادام شاريكي احمدي ربنا……….لانك لو عاملتيه وحش ربنا هيبعتلك اللي يعاملك وحش…….والله اللي معاكي ده نعمه انتي مش مقدراها
بصى انتى دلوقتى فى موقف لاتحسدى علية
بس انا عاوز اقولك حاجة
بلاش تكونى انانية وتفكرى فى نفسك وبس فكرى فية هو كمان انتى ترضى دة على نفسك انك تحبى حد مش بيحبك
كدة حرام عليكى انتى كدة بتظلمية معاكى فكرى فية هو كمان كلامك دة معناة انك ممكن تستمرى وممكن توافقى بس علشان هو كويس وممكن فى بوم من الايام وانتى متجوزاة تلاقى نفسك بتحبى حد غيرة وبكدة هتدمرى نفسك وتدمرية انتى لسة فى اولها
سيبية يشوف نصيبة مع واحدة غيرك تحبة بجد وربنا كمان هيوفقك ويرزقك بالى بتحبية بجد وبعدين 24 مش كبيرة ولا حاجة
معلشى لو بقولك كدة بس حرام تظلمية معاكى
ه
بصى يا حبيبتى اولا لازم تحمدى ربنا انة باعتلك واحد محترم ويحبك وانتى بتقولى فى صفات كتير حلوة صدقنى انتى هتحبية بعد الجواز مع العشرة هتكتشفى انة الحب الحقيقى بيجى بعد الجواز اللى هو حب العشرة واللة بتكلم عن تجارب ناس قريبين منى مكنوش بيطيقوا عرسانهم لما اتجوزوا دلوقتى بيموتوا فيهم مش بيحبوهم وبعدين اهم حاجة فى الجواز ان جوزك يكون راجل محترم وبيحبك وحنين عليكى ويقدر يعيشك كويس كل الحاجات دى هتخليكى تحبية بس انتى شيلى من دماغك فكرة ان انتى مش بتحبية وبعدين السن عادى مش مشكلة صلى واستخيرى ربنا وفكرى بعقلك اكتر من قلبك
من الواضح انك انسانة طيبة وبنت حلال وخايفة تظلمي الانسان دا وتظلمي نفسك كمان بس من وجهة نظري في حجات كتيرة وحلول كتيرة استعيني ببعضها او جربيها كلها وباذن الله هتلاقي الحل فيهم اول شيء والحمد لله انك مرتاحة للشخص دا وبتقولي انه كويس من كل الجوانب حاولي تقربي منه وحاولي تفهميه اتكلمه في اي شيء مش لازم تتكلمه في حياتكم مع بعض هتكون ازاي اتكلمه في اي شيء تاني قصدي يبقي في حوار علشان تفهميه اكتر تاني شيء والمفروض يكون الاول استخيري ربنا فيه ( صلاة استخارة ) وبعدها لمدة 3 ايام قبل النوم وان شاء الله هتلاقي نفسك مرتحاله او العكس وبكدا لازم تصارحيه لو كان العكس في حاجة تانية انا مش عارف هوا بيزورك كام مرة مثلا في الاسبوع او في الشهر عموما انتو بقالكم 5 شهور مخطوبين حاولي تبعدي فترة عن زياراته وتفكري بعقلك وتستخيري ربنا وان شاء الله ربنا هيوفقك وعلي فكرا انا نفسي جربت الموضوع دا وخطبة انسانة مكنتش اعرفها ابدا ولكن كانت انسانة مؤدبة ومحترمة جدا في نظر الناس ودا اللي شجعني اتقدم ليها وكانت عندي نفس مشكلتك بعد ما اتقدمت ليها وكنت خايف من اللي انتي خايفه منه اني اظلمها واظلم نفسي بعد شهر من الخطوبة تحديدا استخرت ربنا وكنت ندمان لاني معملتش كدا من البداية واخدت العزم اني ما ازورهاش الا بعد 15 يوم رغم اننا من نفس البلد والله يا اختي لاقيت نفسي عندهم بعد يومين معرفش ليه لكن عرفت بعدين عارفة ليه لانها بجد شغلتني وسيطرت علي تفكيري وبجد حسيت من جوايا انها وحشاني جدا جدا ونفسي اشوفها ولاقيت نفسي عندها يومها اتاكدت ان الانسانة دي هي فعلا اللي ربنا اخترهالي انها تكون شريكة حياتي والحمد لله اتجوزنا وحياتنا جميلة جدا ومتفاهمين جدا جدا جدا ربنا يكرمك ويرشدك للطريق السليم وان كان خطيبك دا انسان كويس اكيد هيكون من نصيبك لانك فعلا باين عليكي انسان محترمة وتستاهلي كل خير وربنا يوفقك
اقولك حاجة جميلة جدا وهى نفس حالتك دى كانت معايا مع خطوبتى الاولى كنت بحبها وهى لا تبادلنى نفس الاحساس بس انا مهندس معمارى وهى مدرسة عربى ووافقت على اشياء كتيرة مثلا والكلام ده من سنتين اجيب شقة 3 غرف وجبت افرش جميع الغرف يعنى 4 فراغات من صالة وثلاث غرف قولت اوكى واجيب الستائر واشترك معاهم فى المطبخ اصلى شرط الوميتال وهم هيدفعوا الفيين والباقى عليا قولت مفيش مشاكل وهما عيلة على قد حالهم وكان امر الستائر والمطبخ من وراء اهلى وعلشان هى يتيمة قولت مفيش مشاكل المهم تعبت جدا من ان اسمع كلمة حلوة منها وفى نهاية المطاف سيبنا بعض وانا خطبت دكتورة وهى اتصلت من رقم غريب ترن وتغلق وانا اتصل وهى صامتى وانى على يقين انها هى وفى الاخر ارسلت رسالة غريبة فأتصلت بها فورا وقالت لى انها ارسلت الرسالة خطأ المهم مقلتش لها انى خطبت لانها لم تسئلنى وكثرت الاتصال بيننا وفى الاخر استحرمت ما افعله بها فقلت لها انى خطبت طحكت على اساس انى بهذر معاها فأكدت لها فبكت وقلت لها ماذا كنت تنتظرين منى فقالت انها نادمة على تركى قلت لها كما قالت لى فى بادى الامر عند تركنا لبعض كل شئ قسمة ونصيب فيا اختى العزيزة انى دخلت هذا الويب لابحث عن نتيجة اختى الترم الاول لصفها السادس الابتداءى فوجدت مشكلتك ومن الممكن اكون رسول لكى من عند الله اقولها بكل امانة الانسان المخلص المحب لزوجته قليل بهذا العصر والقادم اسوء لان القادم اقرب من يوم القيامةوعلى فكرة خطيبتى الدكتورة لم احبها حتى الان ولكنها تحبنى ولابد مبادلتها بكلمات رومانسية لأن ما جزاء الاحسان الا الاحسان وشكرا اخوكى محمد
انا عايزه اقولك ياعبيطه حد لاقى الايام ديه حب بجد والله هيسعدك وحتبيه بعد الجواز خصوصا ان مفيش حد فى دماغك انتى لو سبتيه هتندمى والله الفرصه مش بتيجى للانسان غير مره واحده ومش بتشوفى قصص الحب الفاشله والشباب الى بتضحك على البنات دانتى كده ربنا بيحبك والله سيبى نفسك تحبيه وخدى الى بيحبك ومتخديش الى انتى بتحبيه وربنا يوفقك ويصلحلك الحال
ياريت تفكري بعقلك ومش لازم كل حاجة بقلبك طبعا ممكن تتريقي وتقولي عليا أسامة منير بس أنا زي أخوكي الصغير وبنصحك وربنا يقدم الي فيه الخير
شوفى ياقمرهى بتبقى حيره وانابكلمك بجدعن تجربه انى كنت بحب خطيبى الاولانى اوى لدرجه انى مش كنت حاسه بحدغيره وربنا كرمنى بعدهابانسان تانى والله فى نفس مواصفات خطيبك بس انامش كنت قادره اكمل معاه ولاحبه مش علشان الانسان الاولانى لا علشان مش كنت قادره احس بيه زيك بس عدت ليالى كتير وكنت بعمل زيك وكان بيستحملنى بس فكرت مع نفسى ولقيتنى ابقى هبله وعبيطه لوضيعته منى احنا البنات نفسنا فى حديحبنابجد حديحمينا وانت صبرتى ونلتى فاوعى تضيعيه منك ليه مش تشيلى الحاجزالى بنكم وتحاولى تخلى قلبك يلمس قلبه ولولمره حاولى تخلقى منه الانسان الى انت حباه وهتلقيه يستجيب بس العيب فيكى انك رفضه تشيلى الحاجزوتنسى كل حاجه بجد جربى تغمضى عينك وعيشى معاه احلامك وفجاه هتلاقى نفسك بطيرى معاه لعالم جميل بس اوعى تخسريه لان هتكونى خسرتى فرصت عمرك وصلى وادعى ربنايفرج همك وهتلاقى دنيا احلى بكتير بس انت بلاش تظلميه ولاتظلمى نفسك وعيشى معاه الدنيا الى نفسك فيهاواوعى تجرحى علشان مش تنجرحى وربنا معاكى ويسترها عليكى ويجمعك بخطيبك فى حب وهنا ويارب اكون افدك لوكد ادعيلى انت ربنا يكرمنى بحب عمرى عن قريب ويبعد عننا الشيطان ويجمعنا فى حلاله بتمنالك كل خيرياروحى وانه يبعد عنك كل حيره وشر
من رايي انك تقولى اللى جواكى لخطيبك نفسه ومن رايي لو هو فعلا كبير يبقى اكيد كبير بعقله
وكمان تاكدى انه لو بيحبك هيفهم ده وكمان فيه مثل بيقول “اذا اردت شياء اطلق سراحه فان عاد اليك فهو ملكا لك والا فانه لم يكن يوما لك”
والاهم من ده انه لو بيحبك اوى اوى اوى
هيعمل اى حاجه عشان يغيرك .
وكمان اعتقد ان العقل لازم نستخدمه اكتر” هو ده الواقع” وانتى نفسك بتقولى انه كويس مفيش مانع تفكرى تانى
اتمنى مش اكون زودت حزنك
اولا ده ياحببتى عشان انتوا لسه مخطوبين وبعد كده ان شاء الله هتحبيه اكتر ماكنتى تتخيلى ولكن اانتى ليه وافقتى عليه من الاول لكن احنا بنتقول ده نصيب ومحدش يقدر يهرب منه ولكن احنا برضه بنقول لازم تحافظى على الصلاه وقراءة القران والادعية وصلى الستخارة ولو كان نصيبك فلا بد عنه ولو مكنش يبقى لازم تنفصلوا بهدوء وادعى ربنا كويس وانتى بتصلى وربنا هيوفقك ان شاء الله
لو مفيش اى شعور من ناحية خطيبك يبقا يا بنت الناس متظلميش نفسك وتظلميه معاكى وبلاش الموضوع دا لان انتى هتغصبى نفس على نفس .. فكرى كويس واستخيرى رب العالمين وهو يدلك على الصح
desha sad man