انا كان ليا زميل فى كليتى كان زى اخويا وكنت بثق فيه وكنا بنزاكر سوا كان محترم ومؤدب واهلى كانوا عارفينه الايام غيرته واخلاقه تدهورت بس فى يوم جه وقاللى انه عايز يرتبط بيا رسمى وبلغت والدتى, بس عشان احنا بندرس فقرر ان الخطوة الرسمى تبقى فى الاجازة,وانا وافقت قلت يمكن اقدر ارجعه زى ما كان زمان وانا برتحله والحب يبقى ييجى بعدين, رسمنا حياتنا سوى من الالف الى الياء من المكان اللى هنعيش فيه و الشغل كل حاجة
وفجأة اختفى كدة ييجى اسبوعين ولما ظهر لقيته خطب بنت معانا فى الكلية
ما حاولتش حتى اسأله هو عمل كدة ليه لانى حسيت انى لو عملت كدة هبقى ضعيفة او هشمته فيا
اللى مش مستوعباه لغاية دلوقت هو ليه عمل كدة؟؟؟يا ترى عملت فيه حاجة فا بينتقم؟؟ بس هو الانتقام يبقى كدة؟؟
و انا مش كل يوم مع واحد فا عادى يتسرح بيا يعنى؟؟؟
يعنى هو عارفنى وعارف اخلاقى وعارف البيت اللى جايا منه وعمرى ما قاللى نخرج نروح فى حتة وقلت اه؟؟
ليه ده كله انا لغاية دلوقت مش مستوعبة
واللى تعبنى اكتر انى مافرقش معاه يخوننى رغم انى وقفت جمبه كتيييير اوى
التفكير الكتير تعبنى
خلانى بلف حولين نفسى افكر هو انا عملت ايه عشان يكون ده الرد؟
ولا انا كنت فى نظره ايه؟
بجد كرهت نفسى بسببه
ونفسى انسى بس مش عارفة,ساعات اروق وانساااه خاااالص
وساعات افتكره وابقى هتجنن
والمشكلة الاكبرانى فقدت الثقة فى كل الناس ما بقتش اثق فى اى كلمة ممكن اى حد يقولهالى
والحياة بالطريقة دى صعبة اوى ومرهقة اوى انا بقالى اكتر من 8 شهور فى الحوار ده
اعمل ايه فى المشكلة دى؟؟
الحب الاول
مش عارفة انسى اللى حصللى
اضيف بتاريخ: Tuesday, August 31st, 2010 في 07:32
أنشاء اللة ربنا يرزقق بواحد أفضل منة ولاتحزني
هقولك حاجه مهمه انا من راي انك مينفعش تسأليه لكن في نفس الوقت لازم تعرفي هو عمل كده ليه
بصي انتي شوفي وحده صحبتك تسأله بدون ما تعرفه انك عايزه تعرفي او اسألي حد من اقوي اصحابه
المهم انك تعرفي بطريقه غير مباشره علشان تريحي ضميرك
وبعد كده ودي اهم خطوه هي
طــــــــــــــــظ فـــــــــــــــــش طظ فش
يعني اللي سابك سيبيه واللي باعك واشتري غيرك ارميه تحت جزمتك ودوسي عليه
وامشي بالحكمه اللي بتقول
الكلاب تعوي والقافله تسير
بسم الله الرحمن الرحيم بصى يا اختى ده خانك ونفضلك يعنى كان شايف عيب فيكى ولما لقاه مش موجود فى التانيه ديه رح كلمها بس طلما هوا خانك متفكريش فيه ولا حته تبصى فى وشه لانه عيل فى كلامه ولو اتقدم تانى ارفضيه لانه تجاهلك تماما عشان خاطر عيون البنت اللى عرفها ( ديه وجه نظرى )
انا من رايي تكلميه وتساليه عمل كده ليه.. لانك مش هترتاحي الا لما تعرفي ومفهاش حاجه يعني..وعلعموم كل شئ نصيب.
بسم الله الرحمن الرحيم
و عسى ان تكرهوا شىء و هو خيرا لكم و عسى ان تحبوا شىء و هو شرا لكم
م
احمدى الله على كل ما كان و قولى قدر الله ما شاء فعل و بكره تحبى بجد لانك لم تحبيه ابدا عشان كات زى اخوك و اكيد انتى كمان كنتى زى اخته عشان كده لم يخطبك
انتى المفروضه تحمدى ربنا عشان الانسان دا ميستهلكيش وربنا هيرزئك احسن منه
وكويس انه بان على حقيقته وانتوا على البر انا عارف الموضع صعب بس لازم تنسيه وتفكرى فى مستقبلك
مدام مش بتحبيه يبقى يغور فى داهيه ولا يهمك هو الخسران
اقولك على حاجة حلوة بجد وبجد والله لانى جربتها كل اما تفتكرى الموضوع دة اضحكى وقولى انه مجنون هلاقى العملية بقت نكتة كل اما تفتكرية تضكحى لحمد اما تزهقى منها جربى ومش هتخسرى
اه كم يعذبنا الحب وكم يلعب بنا و كم ترمينا المشاعر الزائفة في صحاري الوهم وكم نبكي في جوف اليل بدموع تنزل علي الخد كشفرات حادة لاننا سلمنا انفسنا لوحش اسمه الحب وكل ما يتبادر الي ذهننا سؤال وحيد لماذا و هل السبب مقنع.
اعلمي انني خانتني حبيبتي بطريقة خسيسة وعلمي انا كل ما حصل لكي والله حصل ليا انافحبيبتي
المهم الضربة اللي ما تقتلكش تقويك ولا تحكي مع سافل حقير نذل واطي راعي غنم خسيس
خلي قلبك كبير واعمي ان الناس معادن فيهم النفيس و فيهم الرخيس وما اكترهم
نيزار عنابة الجزائر
الصوابع مش زي بعضها وحاولي تعرف الشخص قبل ما يعرفك.والحياة مش بتقف علي واحد بس.اكيد الشخص ده مش يستاهلك ابدا.النصيب جاي جاي.
انا راى عشان ترتا حى وتخرجى من الحا لة الى انتى فيها لا زم تتكلمى مع حد بصو ت عا لى والا حسن انك تكلميه هو مش بينك وبينه لا لا زم تكلميه قدام نا س كتير عشا ن تحرجيه وتعرفيه حجمه لانه ميستهلكيش ده مهرج وعلى فكره هو عمل كده عشان مو صلش للى هو عا يزة وانتى فهمانى وارجو كى لا زم تتكلمى مع حد بصو ت عا لى بجد ده الى هيرحك وبعد كده هتنسى وهتحسى انه مو قف زى اى مو قف فى حياتك وعدى بمجرد انك اخدتى حقك
ربنا يعو ضك بافضل منه ورمضان كريم
اول حاجه طبيعى انك تستغربى طبعا موقف قمة الغرابه اللى هو عملوا ده طبعا.. بس اما هو من الاول مكنتش واثق من حبه ليكه ليه فاتحك فى الموضوع وحلمته بحياتكم مع بعض؟ ولا هو يعنى بنات الناس على مزاج حضرته.. بصى عامة قولى الحمد لله لان ممكن الموضوع ده يكون فيه شر ليكى عشان كده ربنا عمل كده.. وبعده عنك والله اعلم.. ومتفقديش الثقه فى الناس ولا حاجه الناس الكويسه كتير والله كتير اوى .. بس حاولى تركزى فى اسلوب اللى بيكلم معاكى.. وخليكى زكيه ولماحه عشان تقدرى تقررى.. هو عاوزك بجد ولا لا..طالما هو مقدركيش انتى كمان انسى واديله حجمه.. اكيد انتى عارفه حجمه ايه يعنى.. ومش واحد متقلب هيخليكى تحبطى اوى كده لا الحياه اجمل من كده بكتير وناسها اجمل.. هيجى الوقت اللى تعرفى واحد هتعشقيه بمعنى الكلمه.. وتفكرى وتقولى ياااه ده حاجه الاولانى كان حاجه تانيه خالص. وهتحسى مين الراجل فيهم بجد.. وهتقعدى تضحكى على اللى حصل قبل كده .. بس بجد ولا يهمك.. واللى يبعنى ابيعه وارميه ورا ضهرى.. وخليكى ايييييزى خاااالص
معلش كل شئ اسمة ونصيب لازم تنسي عشان مدخليش نفسك في حالة الاكتئاب النفسي و كل الي كاتبة ربنا هو الي عايزة وهو عارف الخير ليكي اية
حاولى تكونى قوية وأوعي تروحي تعاتبية وعيشي حياتك زي ما انتى حساها يعنى بلاش تبينيلة انك قوية عشان عايزة تبانى قوية .. ولا ضعيفة عشان تصعبي علية عيشي حالتك زي ما هى لو حزينة احزنى ولو فرحانة أفرحي عشان متكميش الحزن لان دة له نتائج مرضية وجسمية وخيمة والاهم بقة انك تحمدي ربنا وتكثري من الحمد وبردو تكثري من قول … حسبي الله ونعم الوكيل … بزمتك فى أفضل من الله ترمى همك علية وتوكلك علية فى أخذ حقك … ومتنسيش ان ربك لبلمرصاد
أحمدي ربنا وصابري وأتقي الله فى كافة تعاملاتك ولا تثقي فى أحد إلا إذا بادر هو بالثقة فهمانى ياقمر
وربنا يصبر قلبك
كل سنة وانتى طيبة
لاحول ولا قوة الا بالله مبقاش فيه ثقة وحب
البداية غلط شئ طبيعي النهاية تكون غلط
بس انا بشوف نهاية القصة احسن من بدايتها
لانه ما يستاهلكيش
الله يوفقك باحسن منه
matfakrich fih tani l ino mabyestahel abadan allah ysabrek habibti el hob bha lwa2t 2alil ktir
بصى ممكن واحد يعدى على بستان بس ما يلا قيش الورده اللى هو عايزها بس ده مش معناه ان الورده وحشه لا هيعدى عليها واحد بيدور عليها من زمان يارب تكونى فهمتينى واللى انا فهمته انك ما حبتيهوش اوى كنتى مستنيه الوقت يحببكم فى بعض بس ربنا هيجازيكى خير عشان صبرك ده
دا جزات اي واحده تأمن لواحد عشان قالها بحبك ومش كل واحد يقول لوااحده بحبك يبقي بيحبها مش عارف لحد امتي هتفضلو غالبنين اوي كدا ؟؟؟ ربنا معاكي ياقمر وماتزعليش وفي الاول والاخر دا نصيب ومش انتي اول واحده يحصلها كدا
;;كثير من الشباب في هذا السن يكونوا مترددين جدا ، لأن الزواج مرحلة انتقالية في حياة الإنسان ، وأعتقد أنه فكر مرة أخرى ووجد في الفتاة الاخرى مواصفات لم يجدها فيكي .
لا تحزني عليه
وسكافأك الله إن شاء الله بإبن الحلال الذي يستحقك ، وتعاملي معه بكل هدوء ، واحمدي ربك تركك وأنت على البر لسه !
وتحياتي لك
قولي حسبي الله ونعم الوكيل وردديها كثيرا فمن توكل على الله فهو حسبه .اعتقد ان رجلك مراهق لم يبلغ الحلم
السلام عليكم… قدر الله و ما شاء فعل و اكيد ربنا له حكمة في كده احنا مش هنقدر نعرفها و عسي ان تحبوا شيئا وهو شر لكم هي تجربة و اكيد اتعلمتي منها….. المهم ان العمر مهما طال قصير فمتخليهاش تاخد كتير من وقتك و ارمي وري ظهرك ده احنا لو فكرنا في علاقتنا مع ربنا وحقه علينا مش هنلاقي وقت نهرش….. يلا استعيني بالله و خصوصا ان احنا في العشر الاواخر اهو اوعي يضيعوا منكو ادعي ربنا يقدم لك كل خير
معلش يا اختي نصيبك كده
انت للخصتي الكلام بقولك خائن عايز ايه تاني ده تتجاهيليه نهائي