زوجي دايما عصبي و دايما بيهب كده فيا وهو بيكلمني و علطول مكشر مكنش كده قبل منتجوز كان ناعم زي القطيفه دلوقتي حتي كمان بقي لسانه سليط جدا و بيشتمني بكلام وحش و بيشتم بابا و اخواتي و ازواج اخواتي مع انهم معملوش له حاجه خالص بالعكس بيحترموه ودايما بيحاولوا يتوددوا له بس بحس انه مش طايئهم ليه مش عارفه ولا حتي طايئني مع اني بتقي الله فيه و بعمل كل حاجه يقوللي عليها بس انا مش مستحمله اهانتي و اهانة اهلي ومقولتش لحد مشتكتش لحد انا دلوقتي حامل ومش مستحمله كل ده و كل مره يعمل كده و يشتمني انا بنهار جامد جدا و بفقد اعصابي لدرجة اني بفقد الوعي بس هو مش بيحس بكده و دايما يتهمني اني السبب في كل حاجه رغم اني مبردش علي شتمي و شتم اهلي بسكت كل اللي بعمله بفضل ابكي حتي الانهيار خايفه الطفل اللي جاي ده يجي يلائي والدته متهانه ووالده كده انا عايزه يكون اولادي محترمين عشان يكونوا سويين .. وعلي الرغم من انه بيهين اهلي انا بتلقي الاهانه من والده و والدته دايما معتبرني اني اقل منهم و مش مهتمين بيا مع اني من عائله محترمه والده دايما لما يجي عندنا بيهزئني و يسخر مني ومن والدي انا مبكلمش مبردش عليه حتي والدته بتبعت لي هدايا جايباها بنتها الصراحه رخيصه اوي و شكلها و حش اوي و قديمه كمان ده مش استيل لبسي حتي انا بلبس احسن من كده و ذوق اكتر من كده …مش عارفه اتصرف ازاي حتي مش بيدور اني حاسه معاه بالغربه و الوحده اوي فاقده الصراحه الامان و الثقه اوي
مشاكل الازواج
مش عارفه اتفاهم مع زوجي
اضيف بتاريخ: Friday, June 17th, 2011 في 23:39
كلمات مشاكل وحلول: مشاكل زوجية, مشاكل زوجية
هو كدا البنت الحلوه المخترمه ملهاش حظ انما اللي ترد وتشتم يبقي ليها حظ هى الدنيا كدا انا كمان بحترم جوزى جدا ومش برد عليه بس اهله مش كويسين معايا وبرده حاسين اهم فوق والناس كلها تحت خسبي الله ونعم الوكيل فيهم حتى جوزى دايما مكشر من غير سبب بالرغم انى مهتميه بنفسي ودايما بضحك ف وشه ختى لو كنت تعبانه وبمووت وبخيل ف حقي برده ومع اهله مش كدا لما بثيت بحس انى ببعد عنه من تصرفاته
عزيزيت مررت بنفس مشكلتك بالضبك نفس الاسلوب الذي تعانينة من زوجك استحملت 6 سنوات اخيرا اخذت اصلي استخارة فقد اهتديت بطلب الزواج منه بالاتفاق وهو اخذها كرامة عندما قلت له احسن حل الانفصال لم يكن لديه مانع فتطلقنا مع العلم بان ليس لدينا ابناء .. نفسيتي تحسنت جدا جدا حتى النوم عندما كنت زوجته لاانام ابدا ودايما تجيني كوابيس اما الان الحمد لله اصبحت حياتي هادئة جدا وسبحان الله كنت احبه ولكني بعد صلاة الاستخارة حسيت بانه انسب من قلبي ولاحتى افكر فيه.. عليك بصلاة الاستخارة مع العلم تاكدي مستحيل يتبدل بين يوم وليلة لان بوطبع مايجوز عن طبعه وبتعيشين طول عمرك في عذاب وقلق وتعب نفسي
ممكن يكون فى حاجة مش بيبحها فيكى ومش قادر يقولك عليها
ربنا يهديهولك حاولى تدعيله بالهدايه واستغفرى كثير وتصدقى بنيه ان ربنا يهدى زوجك
ما تتحدثين عنه هذه ليست حياة زوجية يجب عليكى اختى ان تاخذى موقف لا يصح ان يشتمك لانك عندما لم تفعلى شئ عرف ان كرمتك رخيصة وهيفضل يعمل كده فى فرق بين الطيبة والهبل انتى كده بتبيعى حقك وسكوتك ده مش بيعدى الحياة لا ده بيهدمها لازم تقولى لاهلك او تاخدى موقف وتشترطى انه يعملك كويس هو أهله ده ابسط حقوقك ولو سكتى تبقى غلطانه وملكيش حق وابنك لما يشوف امه بتحافظ على كرامتها وحياتها احسن لما يشوفك كده خدى موقف واعلمى ان الله معكي
وربنا يوفقك
أبحثى عن سبب تغيرة هل لديه مشاكل بالعمل ؟
ما رأيه فيكى الأن؟ أعرفى الإجابة دون السؤال المباشر
– ركزى فى إنتقاداته حينما يكون غضبان. ما هى الإهانات التى يلقيها عليكى؟
– حللى تصرفاته والكلام الذى يلقية
– تابعى علاقته فى العمل مع الأخرين و هذا يظهر فى طريقه كلامة عن أصدقاؤه عن رئيسه بالعمل وفى محادثاته لأصدقاؤة فى التليفون.
وكونى مجامله لأهله و على علاقة ود بهم فلعل تصرفاتك معهم توحى لهم بأنك تتعالى عليهم و هذا يضايقهم و يجعلهم يتصرفوا بهذه الطريقة.
وواضح أن زوق أخته ووالدته لا يعجبك و لعل رد فعلك يظهر عندما تتلقى هداياهم.
– فيجب أن تظهرى مدى سعادتك
-و إنها جميلة فعلا ً و أعجبتك
– وهذا ليس لإنها جميله فعلاً ولكن نوع من أنواع المجاملة التى تدخل السرور فى نفس الذى أحضرها.
كونى مجاملة معه و مع أهله حتى لا يشعروا بأنك تتعالى عليهم.
بسم الله الرحمن الرحيم
السلام عليكم..
بداية أحيكي على شجاعتك… فأنتي فعلاً شجاعة وشجاعة جداً وقوية جدا جدا جدا…
فمن يتحمل مثل لابد وأن يكون قوي..
اختي العزيزة…
أدام الله عزك ورفع قدرك في أخلاقك…
الرجال أنواع… منهم من يحب أن تكون الزوجة هادئة الطباع مثلك… لا تشيل ولا تحط يعني… تقبل اي شيء وليس لها اعتراضات على اي حاجة مثل حضرتك…
ونوع آخر مثل زوجك مشاكس ولا يحب الهدوء بل يحب المشاكسة والمناورة دائما…
اسمعيني اختي العزيزة…
اذا اردتي الحل فأمامك طريقان في اعتقادي
الأول: اخبار أهلك بكل ما يحصل بينكما..
الثاني: أن تحاولي حل المشكلة بنفسك… وهذه لها عدة طريق واتجاهات ولكل طريقة مخاطرها وسلبياتها وايجابياتها…
* كوني له ند بند…
* لا تعيري سبابه وشتائمه أي بال…
* الابتسام كلما أخطأ في حقك…
لكن في كل الحالات أنصحك بعدم الضعف أبداً وعدم البكاء… فنوع زوجك لا يقبل المرأة الضعيفة ولكنه يحبه متسلطة عليه وليس خادمة له…
انظري الى نفسك وماذا تستطيعين أن تفعلي… ولكن تذكري لكل طريق إيجابيات وسلبيات… ولكن لا تحصلي على لقب مطلقة مهما كلف الأمر….
هذا رأيي والله تعالى أجل وأعلم…
وفقك الله وهدى لك زوجك وجمع بينكما في خير…