اتقابلنا في بداية الدراسة بس كنا مانعرفش بعض لان انا كنت اعرف بنات كتير بس دي اول ما شفتها فرقت معايا كتير كنت خايف اكلمها مع اني معروف بالجرائة بس مش عارف ليه دي الوحيدة اللي ماكنتش حاسس انها زي اي واحدة عرفتها المهم هيا كانت في سنة اولى وانا في تانية جيت في مرة كنا في رحلة تبع الجامعة فكان بينا نظرات تبين مدى حبنا لبعض بس مش عارفين نبدا مع بعض ازاي واحنا في الرحلة ولد غلس عليها فانا شديت معاه وتاني يوم في الجامعة اتكلمنا مع بعض واتعرفنا بس معرفناش نصارح بعض فيوم انا مانزلتش فزمايلي البنات كلموني فهى سالتهم عليا وطلبت منهم تليفوني سالوني ما مانعتش بالعكس كنت في قمة السعادة فكلمنتي على اساس تطمن علبا وسالتني اذا كنت هاكتيب شعر في المجلة الاسبوع الجديد فعرفت انها متابعاني من فترة ومن بعدها بدا بينا الكلام فجت في مكالمة صارحتني بحبها ليا وحكتلي عن كل حاجة في حياتها وسالتني اذا كنت بحبها قلتها اني بحبها بس خايف من اللي ممكن يحصل بعد كدة قالتلي مش هاتسني ومش هانبعد عن بعض وصارحت والدته بالوضوع وغيرنا من بعض في حاجات كتير واستمرينا لحد ما اتقدم لها واحد اهلها وافقوا بيه هى رفضت لكن اجبروها اتكلمت معاه عني وقالتلو انها بتحبني وهاتفضل تحبني وحصلت مشاكل وخلوها سابت الجامعة علشاني واختها كلمتني وقالتلي انها عاملة مشاكل كتيرب سببي وبردو خطبها ويوم الخطوبة كلمتني وهى منهارة وانا قلتلها كل حاجة قسمة ونصيب وانا كنت من جواية بتقطع بس لازلنا على اتصال ببعضينا بس انا بجد مش عارف اعمل ايه علشان بجد الوحيدة اللي حبيتها وهافضل احبها (محمدعلي) ابوعلي
الحب الاول
مش عارف اعمل ايه علشان بجد الوحيدة اللي حبيتها وهافضل احبها
اضيف بتاريخ: Saturday, August 28th, 2010 في 14:11
كلمات مشاكل وحلول: الجامعة, الحب الاول, حب
المفروض الواحد ميصرحش بحبة الا لما بكون قادر يحافظ علية وانت مقدرتش تحافظ علية تعمل اية بقى انا راىى تروح تتقدم واكيد اهلها عندهم علم بيك حتى لو محصلش نصيب انت تكبر فى عنها وتتاكد انك كنت بتحبها بجد لكن لما تسبها هتتجرح اكتر ما هى لالالالالالالازم تثبتلها حبك عشان متندمش فى يوم انك حتى محولتش
بص يا ماو انت من الاساس لو قد الحب يبقي حب انما انت شايف نفسك مش هتتوفق فيه يبقي يا ابن الناس حرام عليك تتعب وتبهدل بنات الناس وعلي فكره انا بالنسبه لكلامك معاها المستمر اقدر اقولك انه غلط انت مش هتقدر تتحمل مسئوليه حبها ليك بمعني الزواج ومتطلباته وكده فانت الاحسن لو فعلا بتحبها ابعد عنها عشان تريحا بانها تنساك
عارف انا زعلت اوى علشان قصتك دى لدرجه انى كنت والله هعييط.. بس انا لو منك مدام بحبها وهى بتحبنى هعمل المستحيل علشان ارتبط بيها حتى ولو كان انى ارتبط بيها فى السر .. اوعى تبعد عنها الواحد ف الدنيا دى لما بيصدق ييلاقى حد يحبه بجد وهى شكلها كده بتموت فيك مش بتحبك وبس حاول تعرف والدك او ولدتك بالموضوع وتاخد خطوة ايجابيه فى مشكلتك دى .. انت انسان جامعى يعنى المستقبل انشاء الله مفتوح قدامك مفييهاش حاجه لو اتقدمت ليها وارتبطت بيها دلوقتى وبعد كده سيبها على ربنا وانشاء الله هيفرجها من عنده بس اتقرب منه وبأذنه هو هيحلها من عنده .. نادر
لو ظرفك كانت تسمح كان لازم تتقدملها والمفروض دلوقتي متكلموش بعض لان دي خيانه
طبعا … انك بتكلمها حتى الان غلط منك
وخيانه منها ….. وعدم رجوله منه ودى الافظع انه ازاى يعرف ان واحده بتحب حد تانى
ولسا راضى يرتبط بيها … هى الرجاله ايه اللى جرالها
بس انت لازم تقطع الموضوع ده مهما كان صعب
لان ده الصح
انت كنت لازم تروح تتقدم لها مهما يحصل كنت لازم تروح