ساعدونى اعمل اية انا متجوزة من سنة وحمايا مبهدلنى ودايما حاطط ورايا وشتمنى وانا من جوايا بغلي من الشتيمة عاوزة اكلة باسنانى مع العلم ان جوزى مسافر بره وبيصبرنى انه لمايرجع ياخدلي حقي بس بجدكل ما بفتكر شتيمته باكل في نفسي حسبي الله ونعم الوكيل وخايفةجوزى يدخل مع اهلة في مشاكل واشيل ذنب والاحاجة حد يفيدنى بالله عليكم
مشاكل الازواج
جوزي مسافر وحمايا مبهدلني
اضيف بتاريخ: Friday, September 24th, 2010 في 04:01
كلمات مشاكل وحلول: مسافر, مشاكل, مشاكل الازواج
أنا بقا حمايا فضحني في الشارع و خلي الناس تتلم ويتفرجوا عليا و هو بيهزقني عشان عايزني أنضف البيت بتاعه هو وأخواته و زوجاتهم اللي أعمارهم في ال٣٠ عام و٤٠ عام وبكامل صحتهم و إمتى و رايحة أولد وكمان لما كنت في أسبوع الولاده و رايحة المستشفى
لا يااختي ليس من حق حماك ان يشتمك ويهين كرامتك فانت زوجة ابنه وفي منزلة ابنته ولازم يحترمك ويصون كرامتك ولايغلط عليكي ابدا اذا غلطتي فانت لك راجل الذي هو جوزك هو اللي يحاسبك وهو مسوول عنك وعن تصرفاتك هكذا يقول الدين اما ابو زوجك فليس من حقه ان يعنفك او يضربك اويهين كرامتك ويغلط عليك
تفق مع الاب الروحي -اميرالظلام – في كل ماذكروه للاخت صاحبة المشكلة فهو الراي الصحيح واتمنى ان تلك الاخت الزوجة تعمل به وتنفذه لمافيه خير وصلاح حياتها الزوجية واستقرارها والله الهادى لسواالسبيل
انا بقى زيك بظبت بس الفرق انة اخلاق مش كويسة وانى مش بعرف ارد علية لانة لسان طويل قوى وجوزى يعرف كل حاجة بس مجرد لما بيكلمة بيحن لةويزعل منى انا بس لما زهقت رحت عند بابا وجوزى كلمنى وقال انة راجع قريب وترجع المية لمجريها انا بقى اعمل اية ادخل النار من تانى
الى الزوجة الضائعة
كما تدين تدان
سيتزوج ابنائك في يوم من الايام
ولو حدث منك اي خطأ تجاه أي زوجة من أبنائك
فسوف تجني ماقدمتى من قبل لحماكي او حماتك
واحب اعرفك شيء تجهليه ايتها الفاضلة
بان حماكي وحماتك في نفس منزلة والدك ووالدتك
ولا تنسي ان حماكي وحماتك هما والد ووالدة زوجك
الذي ارتضيتي ان تعاشريه وتكوني معه اسرة
ولا تنسي قول الله سبحانه
( واخفض لهما جناح الذل من الرحمة )
فان اخطا والدك او حماكي او والدتك او حماتك
فلا تردي الاساءة بالاساءة وكوني من المحسنين الذين
يقابلون الاساءة بالحسنة واخفضي لهم جناح الذل من الرحمة
بصي بقي يا ستي دى مشكلتي بالظبط انا في اول سنة جواز لية كنت بخاف من لسانة ومش برد علية بس في مرة شتمني من غير سبب وساعتها رديت علية للعلم انا جوزى مسافر وعايشة في بيت عيلة ومن ساعة ما رديت علية وهو بيخاف مني ويعملي الف حساب ومن ساعتها كل لما يفكر يقل ادبة برد علية جامد واخلية يحترم نفسة اصل بعيد عنك في ناس لما تحترميها تركبك وناس لما تقلي ادبك عليه تحترم نفسها وارجو الرد
اذا عاملتى حماكى مثلما تعاملين والدك ما نشأت بينكما مشاكل..الحب لا يثمر الا الحب لكن واضح انك مش بتحبى حماكى..عامليه بالحسنى والكلمة الطيبة مع الوقت كل المشاكل تزول..ولا تحاولى ان تثيرى زوجك ضد اهله لانك الخاسرة فى النهاية..صدقينى
الجواب اللين يصرف الغضب .كان هناك رجلا قاصي القلب يبصق يوميا على رجل طيب يمر امامحلة. وفي يوم مرض هذا الشريرفعرف الطيب بمرضة فذهب للاطمئنان علية فشعر الشرير بانة قزم خجلاا من افعالة اما الطيب فخرج مسرور لانة كسب صديق جديد…….الحكمة.
ياستى كبري دماغك دا راجل كبير مش مشكله ربنا يهديه اجبريه بادبك واحترامك انه مايغلطتش فيكي صدقينى الصبر مفتاح الفرج
اصبري عتاب الندل اجتنابه ومع احترامي ليه ده ندل لأنك المفروض زي بنته والمفروض يبقي كبيرك في غياب جوزك واضح من كلامك ان جوزك حد كويس فياريت تصبري عشانه وتتجنبي حماكي خالص انا بقي حمايا بخيييييل مووووت مش بيشتم بقي ربنا معاكيوابقي ادعيلي
الكلام دة في كل بيت لكن الصبر مفتاح الفرج
الكل مبتلى لعل يكون ابتلاء عليكى بالدعاءيرفع عنك الابتلاء انشاء اللةولى زللك وهو على كل شيى قدير
اختى الكريمه جزاكى الله خيرا على صبرك
بس ممكن سؤال؟
لو والدك هوة الذى يفعل ذلك ماذا كنتى تفعلين؟
او عندك اخ كبير مريض نفسيا ماذا كنتى فاعله؟
صدقينى بصبرك وبردة ماتحكى لجوزك علشان ماتتعبى نفسيته فى الغربه ولو جه وعمل مشاكل مع والدة ربنا اللى بيجازيكى انتى وزوجك كونى كشجرة البلح يقذفها الناس باالحجارة فتقذف لهم الثمرة وصدقينى بتلف الايام وبتشوفى ربنا بيجازيكى خير قد ايه