بسم الله الرحمن الرحيم
هناك اختلاف تام بينى وبين زوجتى فانا اجتماعي واحب الناس واحب التزاور والاختلاط بالناس واداوم علي صلاتي ومحافظ علي بيتى وتلبية طلباته اما زوجتى فكما هي طيبة ولكنها انطوائية مش اجتماعية لا تحب التزاور وتكره اهلي وواخدة موقف منهم ولا تصلي ومع العلم ان ربنا رزقنا بولد الله يبارك فيه ولكنها لم تتغير افيدوني ماذا افعل معها لكي تتغير وتتاقلم مع اهلي وهي مش عاوزانى اخد ابنى وازور به اهلي مش عارف اعمل ايه معاها
اول واهم شئ لفت انتباهى فى رسالتك ان زوجتك لا تصلى لماذا انت كزوجها لك دور كبير فى هدايتها فهمها قيمة الصلاة كى تربى ابنك تربية صحيحة بين اب وام يعرفون ربنا ويؤدون فروضه ثانيا لماذا لا تحب اهلك اللى هما المفروض ابوك وامك لا تقبل هذا الامر منها وعرفها اللى مالوش خير فى امه وابوه مالوش خير فى حد واللى هتعملوة دلوقت هتلا قوها فى اولادكم من الواضح ان زوجتك بعيدة عن ربنا حاول معاها وربنا يهديها
زوجتك اكيد فيه سبب وخداه من اهلك بسبب كلمه او اني حد زعلها في شي انا اهل زوجي كويسين والله بتعامل معاهم كانهم اهلي بس في ناس مابتقبل حد في بيتها اجلس معاها وشوف هي ليه اكده وبعدين احبك ربك لاني الاختلاط بيجيب مشاكل وبخصوص ابنك فهمها انه من حقهم يشوفه والدهم ولو عملت مشكله فهم اهاها علي وضع بنتهم ومش عيب لانك حابب الخير وربي يسعدك في بيتك ويبارك في ابنك ويجعله سند ليك يارب
زوجتك مش انطوائيه زوجتك غبيه ايه علاقه الانطوائيه بانها تمنع ابنك من زياره اهلك اللى هما اهله وانت مستسلم بتقولك متوديش الولد لاهلك وانت موافق حتى لو كان بينها وبينهم خلافات الولد ملهوش دخل قول لزوجتك انتى تقبلى اما ابننا يكبر ويخلف زوجته تمنع احفادك انهم يزوروكى ؟ وانت متستاذنشى منها انك تاخذ ابنك ليهم انت رجل وليك كلمه وحكم فى بيتك حت لو زعلت سيبها تتفلق هو انت بتعمل حاجه غلط ولو رفضت انت كمان متخليهاش تاخذ الولد عند اهلها