السلام عليكم اخواني اخواتي في الله
انا امراة متزوجمة منذ 10 سنوات وعايشة مع زوجي في اوروبا تزوجته زواج تقليدي
بعد الزواج اكتشفت حاجات كتيرة عنه اولها شرب الخمر وتعاطي المخدرات والمتاجرة فيها
بعدها هددته اني راح ابلغ عنه الشرطة لو ما اقلعش عن افعاله دي كنا هنطلق ساعتها
بس وجود بنتنا صعب علينا اتخاذ قرار زي ده وكمان انا كنت مش عارفة اروح ولا اجي منين في البلد ده حتى اللغة ماكنتش باتكلمها
فمكانش قدامي الا اني احاول اقنعه انه يبطل
اديته الحب والحنان والتزمت واتقربت من ربنا لدرجة اني كنت بصلي وانا بعيط بحرقة وباطلب منه الهداية ليه
لما كان بيشوفني كان بسألني انتي ليه بتعيطي؟ كنت برد عليه وبقول بسبب احساس باتمنى انك في يوم تتذوقه احساس الخشوع اكيد مش عارفه عشان انت عمرك ماصليت
كان كل مايخرج من البيت كنت بقوله مش هسامحك لو دخلت علينا انا وبنتي قرش حرام
وتهديدات مرة بشد الحبل ومرة بارخيه يبعد ويرجع يبعد ويرجع
اخر مرة بعد 3 سنوات على كل حاجة واتاكدت من عدم ادمانه بفحص طلبته منه عشان كاان نفسه في الطفل الثاني كانت النتيجة ايجابية بعدها فرحت اوي حبيته اوي وقررت اكونله الزوجة الصالحة الي ديما تحت امر زوجها بس كان بيقابل ابتسامتي وحبي ليه واهتمامي بيه بنضرت حقد كانت عيونه مليانة عتاب اول مابنطق اسمه بيروح مسرخ في وشي كان دايما عابس عبوسه ده استنتجت منه انه كرهني عشان انا سبب نقص المال الي كان بيجنيه من متاجرت المخدرات
المهم كنت انا بس الي بادي الحب والحنان وانا الي ديما ببادر باي حاجة مع العلم اني انسانة محترمة وجميلة مش ناقصني شيء غير راجل صالح وشهم يقدرني ويفهمني الي حاولت اصنعه بس للاسف فشلت “الطابع غالب” زي مابيقولو .. من كام شهر اكتشفت انه رجع تاني لتعاطي المخدرات وكمان لشرب الخمرة وناوي انه يخرجني من البيت سمعته بيقول لصاحبه عايزها تخرج من البيت بسرعة عشان ارجع لنشاطي القديم
عايز ياخذ راحته بعدها فهمت ليه بيمارس عليا الارهاب في البيت مش سايبني على راحتي فصل التلفون والنت والتلفزيون عايز يخنقني حتى لما يشوفني عايزة اكل بييجي يختلقلي اي مشكلة عشان يستفزني
طلبت منه الطلاق واقنعته اننا نروح لمحامي واحد عشان التكاليف وعشان نتفق على كل حاجة
هناك عند المحامي اتفقنا انه يسيبني في البيت لحد ماهلاقي بيت تاني مقابل تنازل لصالحي هيمضي عليه
بس دلوقتي والقضية شغالة بيطالبني بالمعاشرة الجنسية وانا بارفض وبسبب ده بيمارس عليا ارهاب عنيف
ضغط وخنقان في البيت لدرجة مش راح تتخيلوها حاسة اني راح انجلط حاسة اني راح اكون مجني عليها قريب
والله انا حاطة رجل في الدنيا ورجل في الاخرة مش عارفة نهايتي معاه هتكون ازاي
دلوقيت بفكر اخرج من البيت اروح لمراكز حماية المراة بس كنت مش حابة اروح هناك عشان الاختلاط فيه مثل هذه المراكز وخاصة انهم مش مسلمين
انا باشتغل طول الاسبوع في النهار وهو بيشتغل 3 ايام بالليل فقط يعني بيرتاح 4 ايام
طول الاربع ايام بيسكر وبييجي بالليل عايزني اعاشره جنسيا وهو سكران بارفض وبيفضل طول الليل بيكسر وبيشتم
ضربني رحت للبوليس قالولي مش هنعرف نساعدك عشان ماعنديش شهود الا ابنتي وهي طفلة
لما بيكسر وبيعمل ازعاج في نصاص الليالي ناديت البوليس قالولي ده بيته ومش راح نخرجه منه مع العلم ان البيت مسجل باسمي
الي قدرو عليه انهم كلموه واقنعوه انه ينام ويسيبنا فحالنا انا وبنتي طلبو مني اوكل محامي هوالي راح يحل مشكلتي
ارجوكم افيدوني اروح المركز واهج من المدينة بحالها واخسر شغلي ولا اصبر في البيت تحت الارهاب ده
ملحوظة: حتى ولو خسرت وضيفتي الحكومة هتخصص ليا راتب شهري ده حق كل مواطن هنا
انا محتا جة ردودكم اوي اعذروني تقلت عليكم
كيف ترضين العيش والبقاء مع شخص كهذا خمار وبتاع مخدرات ويتاجر بها وكل قرش يصرفه عليكم حرام في حرام تطلقي منه فورا والقانون بصفك وتخلصي منه وعايزك تنزل بلدك وتعيشي بها انت وابنتك الصغيرة احسنلك من العيش في الغربة المهم تطلقي من هذا الحقير السافل الخبيث وتخلصي منه وربنا بيعوضكي ويكرمكي انت وابنتكي بخير منه ان شاءالله
اختي الموضوع خطير جدا ولازم اهلك يعرفوا بكل شئ يحصل معاك من هذا الزوج اللي لايخاف الله عزوجل ويتاجر في المخدرات ويتعاطي الخمر ويفعل المصايب دي كل كسبه حرام في حرام وربنا مايبارك لكم في هذا المال اللي يكسبه من تجارة المخدرات انت امراة على دين وخلق ومن اسرة محترمة وتربية صالحة ولاتستاهل العيشة مع شخص كهذا تطلق منه فورا وارجع لااهلك وبلدك وعيشي معهم معززة ومكرمة حتى يكرمك الله بالزوج الصالح اللي يراعي ربنا فيك وفي نفسه ويقدر الحياة الزوجية ويصونها ويسعدك طوال عمرك تاكدي ان هذا الشخص مصيره السجن في اي وقت وربنا بيفضحه ان عاجل او اجل ولاخير في البقاء معه على الاطلاق
اختي الفاضلة كان الله بعونك وخلصك من هالزوج السكير بتاع المخدرات ممكن تذهبي للسفارة بلدك وتطلبي منهم الحماية لك ولابنتك من هالزوج اللي مايخاف الله ولايتقيه وتاكدي انك في حمايةالله عزوجل وحمايتهم ولن يتخلوا عنك ابدا يامنوالك سكن مناسب انت وابنتك الصغيرة ويتخاطبوا مع شرطة البلدةالتي تقيم فيها ويامنوالك حياة كريمة بعيدا عن تدخلات هالزوج السكران والمتجار بالمخدرات ويوقفوه عندحدوده وان اردت العودة لبلادك سوف يسفروك ويقومون بالواجب تجاهك وتجاه كل المغتربين الذين يقعون في مشكلة مثل حالتك وانصحك بعدم السكوت اوالتساهل معه حتى لاتقعي في مشاكل كبرى انت وابنتك من تصرفات هالسافل الواطي اللي ممكن يورطك في هالسموم التي يتعاطاها ويتجار فيها ويجعلك مدمنة مثله او يستغلك للعمل لحسابه تحت التهديد والابتزاز والمساومة على بنتك وحقوقك الشرعية كزوجة وام لابنته احذري منه ومن التغاضي عن افعاله القذرة ارجعي لبلدك فورا وصوني شرفك وكرامتك واخلاقك وعلى ابنتك الصغيرة وتاكدي ان الله معك ولن يخذلك ابدا وبيكرمك ويعوضك خيرمنه نشاء الله ويخلصك منه على خير
اختي الجي للسفارة في هذالبلد واطلبي منهم حمايتك من هالزوج العربيدالسكير السافل المنحط وهم بيقدروايحموك منه ويرجعوك لبلدك واهلك سالمةومعافية ولاتتساهل معه اوتخافي كوني شجاعةودافع عن نفسك وعن ابنتك الطفلة وحافظي على كرامتك وشرفك من هالكلب الواطي لاحسن يتاجرفيك زي المخدرات وتاكدي ان امواله كلهاحرام في حرام ولايبارك الله له فيهاوعقابه عندالله شديد وربي يسترعليك ويحفظك من شره ويردك لاهلك ووطنك بكل الخيروالسلامة
اختي هذةوالله اغلب مشاكل بناتناوخواتنافي بلاد الغرب انامش بلومك انت الوم الاهل اللي يجبرو اولادهم للهجرةللخارج من اجل التكسب والبحث عن فرص العمل ومايدرو بالمخاطر التي تتعرض لها بناتهم اوولادهم في هذةالبلادالتي تنتشرفيهاالجريمة والدعارة والمخدرات لانومافيش قانون يحمكهم دي حرية كل شي فيهامباح والضحيةانتي وامثالك من اولادناوبناتنا اطلب منك حجز تذكرة وعودي لاهلك وبلدك باسرع وقت وعيشي بين اهلك والرزاق هوالله واطلبي الطلاق من هذالسكير اللي تورطت في زواج منو والله يوفقك ويبارك لك
انزلي بلدك وعيشي وسط أهلك واتركي هذا الرجل السكير الذي لا فيه خير والله يوفقك للعمل الصالح والعبادة وكثرة الاستغفار .
بسم الله الرحمن الرحيم الاخت الكريمه لو كنتي تخافي الله كما تقولي فعليكي الرحوع الي بلدك لاخوف من زوجك بل الخوف علي بنتك من التقليد الاوربيه ولا يبهرك المال ولا الحياه الاوربيه فأتقي الله وارجعي الي وطنك واهلك فأنا اعرف كثير مثالك احب الغرب وخصرو كل شيء حتي الاولاد
اانتى حولتى التغيرو ……وعملتى الى ..عليكى .كزوجه صالحه اتركيه اتركيه وربنه .مبنساش عبده
خدي بنتك وروحي بيت اهلك احسن ده اسمه ارف وقليل الادب ولو مصريه انزلي بلدك وفي داهيه الشغل والفلوس والبيت اهم شي نفسك وبنتك
السلام عليكم ورحمة الله وبركاته
انا انصحك بالطلاق ثم الطلاق ثم الطلاق ثم لا شئ بعد ذلك. وعودى الى بلدك مصر وسط اهلك وناسك وعيشى حياتك مع انسان صالح. لو فضلتى عندك فى اوربا هتكونى ضحية انت وبنتك لهذا الرجل المجنون.
موضوعك مش محتاج انك تفكرى وتاخدى رأى حد, انقذى نفسك انت وبنتك وارجعى بلدك فى اسرع وقت قبل ما نسمع عنك فى اخبار الحوادث. وممكن تدخلى السجن بسبب زوجك لو ضبطت الشرطة مخدرات فى بيتك. صدقينى انت هتكونى ضحية وبنت هضيع منك فى اوربا ان لم ترجعى الى بلدك وسط ناسك. وانا خايفة اكتر على بنتك لان انت عايشة فى اوربا يعنى مجتمع منحرف واخلاقه ساقطة حيث لا ملة ولا دين هناك.
كلمى اهلك يحموكى من هذا الرجل المجنون او اذهبى الى السفير المصرى عندك او القنصل المصرى, اقولها لكى للمرة الاخيرة ارجعى الى بلدك مصر فى اقرب وقت قبل ان تكونى الضحية وتدخلى فى سجلات الحوادث.
اكيد لو سيبتة ربنا مش هينساكي وهيبعت اللي يحفظك ودا احسن شيء تقدري تعملية انك تبتعدي عن ذا الشخص وربنا يهديه
حبيبتي لو هتطلقو خلاص يبقا تسيبي البيت وتروحي اي مكان تاني نضيف بلاش بنتك تشوف القرف بتاع ابوها و استعيني بالله و متقولش لابنتك ابدا ان ابوها وحش وربنا يارب يكرمك ويستر ع الجميع و يهديه
روحي المركز واتركيه وعيشي حياتك
الأخت العزيزة واضح أوي من طريقة كلامك وسردك لمشكلتك أنك أنسانة محترمة وبتعرفي ربنا كويس طيب محاولتيش تكلمي اهلك مثلاً أو ترجعي بلدك مرة تانية وفي بلدك ربنا يكتبلك نصيب جديد مع حد كويس وابن حلال وانسان محترم محاولتيش ابداً تستنجدي بأهلك او لو ليكي اقارب او اصدقاء في البلد الاوربي دي مقابلتيش حد كويس ومحترم بعد ما تنفصلي من جوزك ترتبطي بية ويكون سندك وحبيبك في البلد دي ع العموم بجد مش عارف اقولك اية تاني بس بجد كل اللي بتمناه ان ربنا يكرمك ويوفقك ويساعدك على حل كل المشاكل دي وخليكي صابرة وصامدة وربنا مش هيضيع اجرك ابدا تقبلي تحياتي بدون وربنا يوفقك يا رب لأن واضح أنك فعلاً أنسانة كويسة جداً
بسم الله الرحمن الرحيم
الاخت الفا ضله اولا وا ضح من كلامه انك انسانه على حلق ولا تطلبى غير الستر عليكى بكثرة الاستغفار ثانيا انتى ادرى بظروفك لو انك تقدرى تعودى الى وطنك واهلك او لا واذا تاكدتى انو مفيش فا يده من العيشه مع زوجك انا عن نفسى انصحك بالعوده الى بلدك واهلك ولا تخافى من المستقبل فهو ليس له علاقه لا بمكان ولا بزمان والمستقبل بيد الله والله المستعان