انا ست متجوزه بقالي ست سنين بحب جوزي وهو كمان بيحبني اتجوزنا بعد قصة حب حالتنا الماديه كويسه , المشكله هنا ان جوزي مش بيشجعني بقى مش بيفهمني خالص , بقوله موضوع بيعاكسني بالراءي بالرغم ان رائيه غلط ولما باقوله لاء كدا ماينفعش يتهمني اني عناديه برجع اقوله زي مانت عاوز وهنا يكسر من ارادتي ومعنوياتي برجع اتفق معاه بالرغم اني مش عاوزه عشان لو عارضته هايزعل , كثرت المواقف اللي زي كدا وانا ضقت ومش ببين دا كل دا ونا كاتمه ومش عارفه نهايته لفين , لما يجي يقولي موضوع يقولي ايه رائيك ها بقيت بخاف اقوله رائي عشان انا عارفه ان رائي مش هايقدم ولا ياخر يعني مش هاياخذ برائيي حتا لو كان رائي صح هايختار العكس الراءي الغلط , هو لو سمع الرءاي بتاعي من صديقه او من حد تاني هايتقبله وهايعمل بييه بس انا لاء مش هايتقبل مني . انا طفشن بصراحه وكام من مره كنت عاوزه اصرخ وعمل مشكله , جوزي لو حد مرض من صحابه هايروح يجري اوام ليه وهايساعده ويعمل ليه اي حاجه ويبقى معاه يعمل ليه كمادات وليمون بس انا لو مرضت هايقولي بتدلع يلا قومي اعملي الفطور والاكل , انا قبل فتره تعبت جدا جدا رحت للمستشفى قالو لي لازم تبقى ف المستشفى عشان حرارتك بقت 40 قلت لهم لاء عاوزه اروح البيت عشان جوزي وولادي , ولادي لس صغيرين وماحدش هاياخد باله منهم الام مش زي الاب , روحت هو حن عليه شافني بجد تعبانه كان بيجيب لي الشاي بس كانت معاه كلمة اوف انتي بتتعبيني , مش حاجه تبكي والله ببكي دلوقتي , دا هو لما بياخد برد بسهر كل الليل عشان الحراره تروح وببقى اعمله مساج بالفكس باعمله زي اولادي والله زي ابني لاني بحبه اوي ولو غاب يوم حاتجنن , جوزي بيحبني بس المشكله انه هو كمان بيتهمني اني مش بفهمه كمان ومش معاه في ارائه ودايما ببعاكسه في الراءي انا تعبت ونا اطاوعه في ارائه الغلط يعني بتشوفو حاجه غلط ورائي مش سليم وتبقو ساكتين او توافقو ؟ اكيد لاء . بس هو عاوز اقوله برافو عليك , اعمله ايه اعامله ازاي قولو لي اعمله ايه طيب وانا ازاي اخليه يفهم ازاي مايكسرش من معنوياتي وازاي اخليه يشجعني , يعني ابقى كدا واهز براسي بجد دي حاجه تزهق , لما مايكونش ليكي راي عند جوزك , لما بتتكسر معنوياتك , لما ماحدش بيقولك كلمة حنان او شكر , بجد عاوزاكم تبصو على مشكلتي وتقولو لي اعمل ايه ساعدوني , جوزي طيب وبيحبني ونا كمان بحبه بس مش عارفه ايه اللي حصل بينا كل واحد بقى مش بيفهم التاني بقت حياتنا الزوجية ممله كلها عناد في عناد يعني مش كويسه انا خايفه دا يؤدي الى انهيار العلاقه الزوجيه بجد خايفه , قولو لي الزوج عاوز الست ازاي ؟ وازاي الست تخللي الزوج يحس بيها ؟ شكرا ليكم وجزاكم الله خيرررررررررر . اختكم ( أ * م )
مشاكل الازواج
جوزي مش بيفهمني خالص
اضيف بتاريخ: Monday, October 4th, 2010 في 03:07
كلمات مشاكل وحلول: الازواج, الحياة الزوجية, زوج, زوجة, قصة, قصة حب, مشاكل الازواج, معاملة
اتفق مع كلام الاخ -البحر الهادئ- وعلى ماقال للاخت صاحبة المشكلة وعاوز اضيف انو الزوجة التي تسيطر على اعصابها وتمتص غضب زوجها او سخريته من رايها اوكلامها معه هي الست العاقلة الذكية الحريصة على سعادة بيتها وزوجها وعليها بالمبادرة الى الجماع معه لافضاء اجواء حميمة وجميلة بينهما تذهب تلك الاجواء المشحونة بالزعل والغضب ويفضي كلواحد منهما للاخرعما يحس به ويشعر للاخر وتنتهي كل المشاكل والخلافات بينهما والله هذي عن تجارب حقيقة حصلت معي ومع زوجتي وانقلها لكل الاخوة والاخوات المتزوجين لكل يستفيدوامنها في حياتكم الزوجية وعندحدوث المشاكل اوالخلافات الزوجية واتمنى للجميع التوفيق والسعادة
اختي كبري دماغك واشتري راحتك بالسكوت ذاتناقشتي معزوجك وحذري من السخرية منه عندالكلام وخلي بينكم خطوط حمراء لايمكن لحد تعدي عليها وخلي نقاشكم علمي وهادف لمصلحة الاسرةوالبيت وابعدي عن التهكم في الحديث امامه اوالتقليل من قيمته اومايقوله وخصوصاامام الاخرين وتاكدي ذاطبقتي كل هذا تعم السعادة في حياتكم
السلام عليكم أولا أنتم عاوزين الحياة وردية علي طول أمال اسمها حياة ليه علشان مشكلها وعلشان ربنا يشوف مدي صبر الانسان لهذة البلاءات لا ماكامل إلا سيدنا محمد ع ص س و بعدين انت بتقولي أنكم بتحبو بعض قوي يبقي استحملي واستعملي دهاءك اما يقولك رأيك إيه في اي شيئ ردي دائما برأيه هو وكدا تبقي عملتي اللي في راسك
حقيقي قصه احدثت لي تقل في جميع ارجاء جسدي وانا نصيحه مني اليكي يا اختي في الله
ان تريحي زوجك وكلميه في اي حاجه يعني اقعدي معاه وقوليله علي اللي بيتعبك ولازم تعرفيه انتي بتحبي ايه وانتي كمان لازم تعرفي هوا بيحب ايه وانا كرجل بحب تكون زوجتي نظيفه دائما في ملبسها وشكلها وتسريحه شعرها وحتي لو كانت متحجبه وفيه حاجه اهم من ده كله انك بتبقي معاه ازاي وانتي معاشراه جنسياً لان النقطه دي بالاخص تهم الرجل جدا حاولي تسعديه في الوقت ده بالذات واي طلب يطلبه منك متتأخريش حاولي تحسسيه انك مشتاقه ليه جدا وفي الوقت ده بالذات حاولي انتي تداعبيه وقومي بتحريك ذكره من هنا الي هنا وقومي بتدليكه وحاولي ان تمشي يداكي علي صدره وانتو متعاشرين جنسيا ولو طلب منك اي حاجه .. ايحاجه مهما كانت وافقيه عليها وصدقيني هتبقي سعيده جدا
عشان كدة انا دايما اقول ان الحب حاجة والجواز حاجة تانية الاننا ممكن نكون بنحب بعض جدا لكن التفاهم مش موجود…ريحى جوزك على قد ما تقدرى ..لان زى ما انتى شايفة ان مفيش تفاهم هو كمان اكيد شايف كدة بردو..بس الراجل اذا حس ان مفيش تفاهم ممكن يحاول يلاقيه برة وبسهولة ..اوعى تخلى جوزك فريسة سهلة لحد ياخده منك خاصة انك بتقولى ان مادياته كويسة..حاولى تعرفى هو بيفكر ازاى وريحيه
على فكرة دى مش مشكلتك لوحدك انا كدا لحد مراتى مازهقت وبتقول اعمل ةاللى انت عاوزه انتى فى النهاية اللى هتشيل الصح او الغلط مادام انتى بتحبيه وهو بيحبك كل شيئ يهون وياسيدتى حبيبك يمضغلك الزلط وعدوك يتمنالك الغلط ريجى دماغك واستمتعى بحب زوجك لكى وكلمة اوف دى عشان هو متعود انك تعملى كل حاجة واذا عمل شيئ ولو بسيط من وجهة نظرك هو بيعتبره عمل المستحيل تحياتى لكى ولزوجك العندى
والله يا ختى انا زيك وربنا ائول شمال هو يجى يمين بس جوزى حنين خالص بجد من ناحيه لو تعبنا وكده بس راى الا يخصنى ما يوافق عليه اما اى حاجه تخص شغله ابئى كده تمام بئيت ماشيه معاه على هواه عشان اريح نفسى وارتاح خالص والله احنا غلابه بس الرجاله دول
انتى اللى عودتيه عليكى كنى حازمة مع الحنان وادعى ربك أن يوفقه ويهديه
ياسيدتى ان مشكلتك هى مشاكل كثير من المتزوجات الكل يعانى من الملل فى الحياه الزوجيه والزوجه لاتحاول كسر هذا الملل امال فين الحنيه فين الدلع بتاع الواحدهانتم والحدلله بتحبوا بعض زى مابتقولى اذا كان كلامك سليم فوتيلوا ياست فيها ايه لما تقولى له كلامك ورائيك سليم ياحبيبى مره فى مره هيسمع رايك وواضح انك مابتهتميش بزوجك وبيغلس معاك فى كده غيرى شويه فى حياتك الزوجيه يعنى غيرى مكان الانتريه اوالسرير غيرى فى الشقه وربنا يزيد حب زوجك فى قلبك امين ويهدى نساء المسلمين ويوفقك
حاولي بقدر الإمكان توافقيه في الرأي في الحاجات غير المهمة،،، الفرعية يعني،،، لأنك لو تعارضيه في كل آرائه مش هياخد برأيك خالص وهيحاول يثبت إنك غلط دايما….
وطبعا معارضتك له لازم تكون مبنية على أدلة قوية مش مجرد وجهة نظر….
وطبعا متتمسكيش برأيك بشدة….
ولو عمل برأيه وطلع غلط متقليش له أنا قلتلك وقلتلك لأن ده بيضايقه جدا…….
وواحدة واحدة الأمور هترجع عادي….
وحاولي تعرفي السبب في ده أيه…..
السلام عليكم ** والله موش عارف كيف اكتب ضحكت من كلمة اوووف خليه يقول اووف وانتى بادلينه بابتسامة حلو ابتسامة فيها دلع وحنية ووو وكل شئ يقوله قولى حاضر ياسيدى وياتاج راسى ولو فتح معاكى موضوع وقال ايش رأيكى وانتى قلتى رأيكى وهو قال لا غلط قولى له حاضر ياسيدى المهم انتى اعطيتينه رأيكى * وصدقينى هو ممكن يعمل برأيكى ولكن مايحبش يحسسكى ان رايكى احسن من رأيه وحاولى تختارين له كتاب على الحياة الاجتماعية والاسرية وووو * لا تحاولى تلحى عليه انه رايكى هو الصواب لانه سيظن انكى تعاندينه فقط لتثبتى انكى افضل منه * حاولى تكون المرأة التى تعالج كل الأمور بدملوماسية وابتسامة خفيفة كلها مرح ** انتى تقولى زوجك طيب ويحبك وووو وقائم بيكى ماذا تريدين اكثر من ذالك فقط انه دائما يظن ان رايه صح ؟ وياستى مين قال ان رايكى انتى الصح ممكن يكون رأيه هو الصح لاننا مانعرف شئ على المواضيع التى تدير بينكما ممكن يكون رايكى انت غير صح ولكن فى نظركى انتى تظنين انه صح !!! انتى تقولى زوجكى يحب والدته واصدقائه هاذا يعتبر رجل طيب وفيه خير خاصة رعايته لوالدته وايضا اصحابه اذا كانوا صالحين يعنى رجل فيه خير * اما من ناحيتكى انتى يقول لكى انتى عاملة نفسك تعبانة وووو ممكن ظن انكى تتدعين وتحبينه يحس فيكى ويوافقكى على ارائك وربما هية غلط !! اما من ناحية تقولى مرات احب اعمل مشاكل انتى حرة حابة تعملى مشاكل انتى تعرفى ماذا عواقب المشاكل والعناد تبدأ من امور بسيطة والله حتى الرجل يصير يكره البيت وربما يفكر فى البحث على امرأة اخرى حافظى على زوجكى اذا هو يبحبكى وقائم بواجباتكى * وحاولى مرة مرة تجهزى مكان يكون هادئ لكى ولوزجكى تقرئون فيه قرآن حتى يقول الله اعطانى زوجة صالحة وادعى له فى صلاتك ولا تنسى من الدعاء حتى الله يألف بينكى وبين زوجك * نصيحة لا تكونى سبب فى هروب زوجكى من البيت احذرى المشاكل وكونى صبورة وعالجى الأمور بابتسامة وحنة وعطف وود ومحبة وصبر * تقبوا تحيات أخ تونسى مغترب ** والسلام على من اتبع الهدى