مشاكل الشباب مع البنات

معجب ببنت اعمل ايه؟

انا شاب عندي 18 سنة الي حد كبير محبوب من معظم الناس لاني مش بأذي حد و لو في مساعدة اقدر اقدمها مش بتأخر ليا صحاب كتير جدا و من كل نوع بمعنى اكتر انا مش شخصية انطوائية بالعكس اجتماعية لابعد الحدود لدرجة اني ممكن اتصاحب على حد من مرة واحدة بس لكن مشكلتي مع البنات لما كنت في ابتدائي وكده كانت فترة كويسة و كنا صغيرين و طلعت منها بصحاب ولاد و بنات و ما كانش في مشاكل لكن في بعد كده كان دايما عندي مشكلة في التعامل مع البنات يعني بكون خجول شوية و بحاول ابعد على قد ما اقدر جات فترة اعجبت ببنت جدا لكن مشكلتي ديه خلتني ما اقربش منها لغاية ما ضاعت مني وما اعرفش هي فين دلوقتي و عدى الوقت و نسيتها خلاص لكن من سنه كده او حاجة اتعرفت على بنت مجرد كلام عادي يعني و حسيت اني استريحتلها و هي كمان و اتفكت عقدتي شوية و بدأت اتكلم مع ان كان بيجي عليا فترات كتير كنت ببقى ساكت و انا بكلمها بس دلوقتي بتكلم و بفتح اي موضوع و السلام المهم اني اكلمها هي شخصية محترمة جدا و انا بخاف عليها حسيت انها معجبة بيا و انا كتير حاولت المحلها اني معجب بيها بس بشكل مش مباشر و حسيت انها فهمت بس دايما كل لما اقرب ليها حاجة من جوايا تبعدني و تقولى هي عمرها ما حتفكر فيك و ان اللي في دماغك ده اوهام انا شكلي مش وحش لكن انا رفيع مش عارف يعني لما عقدتي اتفكت و اتكلمت لقيت الموضوع اصعب مش عارف اعمل ايه , و عايز اقول حاجة بس للي حيجاوبني انا شخصية تعرف ربنا كويس و اللي ما ارضهوش على اهلى عمري ما حرضاه عليها ابدا و انا لو كنت عايز اتسلي وخلاص ما كنتش حبقى كده
فارجوكم قولولي اعمل ايه و هل ممكن الرفع او اي حاجة زي ده يبوظ الموضوع