مشاكل حب المراهقة

مغرمة بحبيب صديقتى

انا بنت عمرى 16 سنة حياتى تمام معنديش اخوات بس ربنا رزقنى بصاحبتى و جارتى و اختى و حبيبتى كمان متربين مع بعض و كنا دايما بندخل المدارس ذاتها و بنثق ى بعض و بنقول اسرارنا لبعض دايما المهم هى مرت بظروف عائلية و حشة لما والدها ووالدتها انفصلوا و حالتها النفسية ى كانت و حشة جدا لحد ما اتعرفنا على و احد معانا فى الدرس و من سننا و محترم و عمر ما شفناه مع بنات او بيتسلى هو و صاحبتى حبوا بعض جدا جدا جدا و مش تسلية و انا بقا كنت بتابع معاملته الرقيقة الجميلة المحترمة معاها و يوم بعد يوم بدات اعجب باسلوبه بعدها حركاته بعدها تصرفاته بعدها طريقة كلامه وكل حاجة فيه و بعدها اكتشفت انى بحبه بشدة لانه بيوحشنى و كتير بشتاق اتكلم معاه و اشفوه و اسمع صوته و الاسبوع اللى فات اخدت نمرة تليفونه من موبايل صاحبتى من غير علمها و بمجرد لما قال الو افلت السكة و انهرت فى العياط لانى افتكر ت صاحبتى اللى ممكن تدمر لما تعرف ان اعز الناس ليها طعنة زى دى انا مش عارفة اعمل ايه هتجن دى صديقة عمرى و برده مش عارفة اتخلى عنه

مشاكل وحلول ذات صلة

اضيف بتاريخ: Sunday, March 17th, 2019 في 07:23

كلمات مشاكل وحلول: , , , ,

ردود to “مغرمة بحبيب صديقتى”

  1. ModY
    25/03/2019 at 14:10

    1000 غلط إنك طاوعتي قلبك وخليتي عقلك يفكر في الفكره نفسها وآديكي في الأخر علقتي قلبك بواحد يخص صاحبتك إاللي هي متربيه معاكي وإللي هي أنتيمتكـ الوحيده وبقا حب من طرف واحد وإنتي إللي إتعذبتي لوحدكـ وللأسف صاحبتك إللي انتي بتحكيلها كل مشاكلك وبتفضفضِلها ..مستحيل هتحكيلها ع حاجه زي دي..صدقيني الإنسان ده لو حس منك بحاجه أو إنك بتلمحي بحاجه حتى ولو غصب عنك هيحصلك حاجتين.. يا إما هيقول لصاحبتك خلي بالك من صاحبتك لأنها مش تمام وإبعدي عنها لأنها مش صاحبة صاحبتها أو هيستغلك وهيستغل حُبك ليه إستغلال مش كويس ومش محترم بس جايز الحاجه رقم واحد هي دي اللي هتحصل لأن ده تفكير الجيل إللي في سنكم..إللي انتي فيه ده مجرد فراغ عالي جدا فحاول تستغلي فراغك مع ربنا وتصلي وتصومي وتقوليله يارب ما تعلقش قلبي بحد غيرك..وربنا يسعد حياة الجميع

اترك رداً أو حلاً لهذه المشكلة