انا بنت عمرى عشرين سنه بس طول المدة الفاتت مفيش حد اتقدملى خالص إلا من اهلى.
بس انا مش وحشه بس مليانه شويه هى دى ممكن تكون المشكلة؟ ولا علشان انا عمرى مشفت نفسى حلوة؟
مش عارفه بس فى شباب بعجبو بيا كتير بس مفيش واحد فيهم بيفكر فى الجواز، انا تعبت بجد هو لازم الواحد يمشي غلط علشان يعجب ولا اعمل ايه!
انا عارفه انى معنديش ثقه بنفسى خالص بس مش عارفه اخلى عندى ثقه بنفسى ازاى، انا بتعدى عليا ايام بكون مخنوقه فيها وحاسه ان روحى رايحه بجد نفسى اتكلم مع حد يفهمنى علشان مفيش حد قريب منى خالص ممكن احكيلو الى جوايا علشان خاطرى ردوا عليا بسرعة، انا محتاجه ان حد يساعدنى.
بصي بقا انتي اه عندك 20سنه بس عل$ الأقل اتقدملك.عرسان من أهلك ولما اتقدملك موافقتيش لي ادعي ربنا وممكن كمان يكون بيجيلك بس أهلك مش بيقولولك عشان مش مناسب انا اهو مش بيجيلي عرسان ولا اعرف اي حد نهائي حتي اولاد اعمامي مش بسلم عليهم حتي وكل العيله بيقولو اني طيبه وعاقله بس محدش منهم فكر يخطبني ولا يكلمني حتي أما انا بقي سايباها علي الله لان كل شي بيد الله والله ممكن محدش يصدقني انا عمري مكلمت شباب ولا فون ولا حتي جيراني في الشارع وبنات صحابي بيقولو اني متعوسه ومعرفش أوقع حد وعمري متحبيت وهوا فعلا مفيش حد قالي بحبك بس فالاخر بقول انهم متغاظين مني لانهم نفسهم يبقو نضاف زييي بس طبعا النضيف نضيف سيبيها علي الله
هي الايام دي مفيش عرسان ليه بقاا
هى الايام دى مفيش عرسان شوية وتفرج
كمان اللانسان الذكى او البنت الذكيه اللى مش بتضيع عمرها كله تدور فيه على راجل لكن الذكيه هى اللى بتحسن من نفسها وحياتها علشان الكل يتمناها وموضوع الزواج ده مش اساسى بمعنى ان ممكن الانسان يعيش من غيره لو محصلش نصيب واتجوز مثلا فمش معقوله انك تبوظى كل حياتك بالزعل على حاجه واحده وعليكى كمان بالدعاء (ادعونى استجب لكم )
ياحبيبة قلبى انت مش شايفه نفسك صغيره شويه على الخطوبه والحاجات ديه بصى انا عايزاكى تعيشى وتستمتعى بكل مرحله فى حياتك يعنى انت دلوقتى استمتعى بدراستك وبحياتك اللى مش متحمله فيها مسئوليه وسيبى موضوع الخطوبه ده على جنب هيجى لوحده فى الوقت اللى ربنا سبحانه وتعالى محدده والزعل اللى انت فيه ده مش هيجيب اى فايده خالص بالعكس هتضايقى نفسك وخلاص وانت مش بايدك حاجه تعمليها لان مجتمعنا الشرقى بيحط البنت فى موضع العرض وليس الطلب وده الصح ومتخليش حياتك كلها متوقفه على محور واحد فين تفكيرك فى مستقبلك
مشكلة البنات في هذا الموقع شيئين لا ثالث لهما :
أولا : عدم الصبر على ما هم فيه .
الثاني : البعد عن الله عز وجل .
فكيف تريدون ان تحل مشاكلكم و انتم بعيدين عن الله عز وجل و لا يوجد صبر عندكم ؟؟؟؟
ادعي واشربي زمزم…. كتري صلاة على النبي… خسي شوية عشان تبان ملامحك … حاولي تتشيكي في العزايم عشان تنخطبي واهم حاجة الدعاااااء , طنشي اللي بتقلك صغيره صح لكن لاتستني للثلاثين بعدين تتجوزي خلاص
سبحان الله الحاله اللى انتى فيها دي مش عشان انتى مش بيجيلك عرسان او حد معجب بيكي من رايي ان الحاله دي نتيجة للمحيط اللى عايشه فيه وكل اللى جنبك بيحكي ويقول فلانه جالها عريس وعلانه اتقدملها فلان واللى فى سنك اتجوزوا وخلفوا مع العلم انك لسه 20 سنه يعني اصلا صغيره على الجواز ومش حمل مسئولية صدقيني فى بنات بتعدى الخمسه وعشرين ومش بيفكروا فى الموضوع ده خالص الفكره فى الاول وفى الاخر قناعه بان كل حاجه بتيجي فى وقتها عشان لو جت فى غير وقتها هتتعبى انتى ادعي من قلبك وربك اقرب ليكي من الجميع وربنا يرزقك بالزوج الصالح
الزواج قسمه ونصيب انا بعد مشكلتي زيك وانا نفس عمرك بالضبط ولي اخوات كلهن انخطبين الا انا مع ذلك مبسوطه وما يهمني شي غير دراستي او بالاصح اقضي وقتي في المفيد وخلي في بالك ان الزواج قسمه ونصيب
الثقه ان شاء الله ستكون ف قلبك من الصلاه والعباده والرضا بالقدر خيره وشره تانى حاجه الناس اللى بتعجب مش بتتقدم ممكن يكون لبسك هو اللى بيشدهم او ليهم مطمع اخر او شيفينك بلغه الشباب متفتحه اكتر فالبالتالى انتى ممكن تخلى كله يسعى الى بيتك كيف اللبس الجميل الذي يحفظ المراه ويراعها التحلى بالصبر طريقه الكلام المستحبه يعنى الصوت الحنون الذي يشعر الشخص بالطمانينه ومعامله الناس بالحسن لو فعلا حصل كل دا هتلقيهم كتير جدا ولا موضوع تخن ولا حاجه الموضوع محتاج ثقه واتباع اساليب صحيحه ف الحياه وان شاء الله ف العرس انا معزوم وشكرا
ياحبيبة قلبى خليكى دايما عندك ثقة بنفسك وحكاية انك مليانة شوية انا شايفة ان دا لية حل دا لو انتى شايفة ان دا السبب ودا مش سبب لان فى كتير مليانيين وعادى بيتتخطبوا دا نصيب وبعدين 20 سنة لسة صغنتوتة يعنى وعلى فكرة انا 19 سنة والنصيب دا من عند ربنا ونصحتى ليكى هى التقة خاصتا ف وسط صحباتك
انا مش قصدى امشى غلط بس اقصدى انى امش مع سباب زى كتير من البنات علشان احس انى مرغوب فيه شويه بس هو ده قصدى
ربنا يوفقك ويعطى ليكى الزوج الصالح بس انتى لسه صغيره والعمر لسه ادامك طويل اوعى تستعجلى
انتى فعلا معندكيش ثقه فى نفسك انتى بتبصى لنفسك من زاويه واحده وبس انتى نقسك كل يوم يدق الباب وتشوفى عريس جديد علشان تحسي بذاتك لاكن لازم تعرفى حاجه مهمه اوى ان اهم ما تمتاز بيه البنت عزة النفس والكرامه والثقه بالنفس انتى قلتى فيه معجبين كتير لاكن مبيتقدموش بعدها قلتى هو لازم امشى غلط علشان اعجب وهو انتى متخيله لو مشيتى غلط همكن حد يتقدملك اصلا دول معجبين بحاجه معينه لو سلمتى نفسك هياخدوها وكل واحد يروح لحالو خلى عندك ثقه فى نفسك ومتعمليش الغلط الى ممكن تندمى عليه فى يوم مينفعش فيه الندم لما تتجوزى ويتكشف امرك وقتها لا هتطولى سما ولا ارض وشكرا
الجملة دي روعة يا أسماء
وللعلم عمر ماكان المشى الغلط بيجيب عرسان .. ولوجاب هيجيب عرسان من نفس النوع
اختى العزيزة
انتى لسه صغنونة وادامك العمر كله واعرفي ان نصيبك هيجى لحد عندك ومحدش بيتجوز مرات حد تانى كل واحد مقسوم ليه مراته ومكتوباله وكل بنت مكتوب لها جوزها بس كله في معاد يعلمة الله ومستعجليش انتى لسه سنك صغير وادامك فرص سنين كتيرة واحمدى ربنا في بنات اكبر منك بكتير ولسه مجاش نصيبهم والنصيب دة بتاع ربنا ممكن يجى في يوم وليله ومحدش عارف بكرة فيه ايه ! انتى بس عليكى بالصلاة والدعاء وان شاء الله ربنا هيكرمك بالزوج الصالح وخلي بالك ان النصيب مالوش دعوة بالشكل خالص
لاتستعجلي بعدك صغيره اولا لازم تثقي في نفسك ثانيا حابه تغلطي عشان تعجبي احد كلامك وطريقة تفكير خطأمع احترامي لكي عليكي التحلي بالصبر والالتزام وان شاء الله راح يجي عرسان كتير ربي يسعدك ويرزقك بمن يعفك بالحلال
قللى الأكل وحاولى تخسى واحدة واحدة — اتقى الله — الزواج رزق —- استغفرى ربنا كتير — نسيت أقولك نقطة مهمة انتى عشرين سنة انتى بتهزرى انتى حتى لسة مخلصتيش كلية عرسان ايه اللي هتتقدم
امال الي عندهم فوق التلاتين يروحوا بقي ينتحروا؟قربي م ربنا احسن .وخلي عندك ثقه بنفسك
السلام عليكم ورحمة الله
طب انتى ليه ياتوته معندكيش ثقه بنفسك؟
وللعلم عمر ماكان المشى الغلط بيجيب عرسان .. ولوجاب هيجيب عرسان من نفس النوع
ولا تنسى الطيبون للطيبات فكونى طيبه خلوقه حييه
وكمان مش الشكل .. ولكن القبول والارتياح النفسى
انا والله اعرف بنات مش حلوه ويتقدم لخطبتها الكثير جدا ماشاء الله
انتى لسه صغيره حبيبتى مستعجليش ولا تنسى كل شىء يأتى بالسعى الا النصيب فسيأتيك متى اراد الله وبمن اراده الله لك ..
وكمان مش بكتر العرسان ياما بنات اتقدملها العشرات وكان اسوأهم هو نصيبها والعكس بنات اخرى لم يتقدم لها سوى واحد فقط هو افضل من كانوا سوف يتقدمون لها