انا فى تانية ثانوى عام ادبى ادبى وغلطت غلطة عمرى غلطة غلطة عمرى بجد انى نويت انى اقسم السنة واسيب مادة الرياضيات والانجليزى واصحابى اللى بيحبونى بجد وبيخافو عليا نصحونى كتير ربنا يجزيهم كل خير بس انا اللى مسمعتش كلامهم وكنت ديما بسمع كلام نفسى وكمان مدرس الانجلش نصحنى فكنت متكل انى انا هسيب مادتين فكنت بذاكر فلسفة وعربى وفرنساوى بس وكنت كل يوم اقول دول 3 مواد مش محتاجين مذاكرة وكل يوم اقضيها نت وكمبيوتر وذاكر بتاع ساعتين فى اليوم وبصراحة كنت مقصر فى حق ربنا فى الصلاة وارتكاب المعاصى لحد مجيت قبل الامتحانات بشهر وربنا تاب عليا وبقيت اصلى ورجعت افكر فى مستقبلى وفى زملائى اللى هيكونو احسن منى فتعقدت وبقيت اذاكر بعقدة نفسية ومش بروح دروس فقلت انا هذاكر على اد مقدر فى الانجليزى وهسيب الرياضة لسنة تالتة بصراحة اتعقدت ومش عارف اذاكر انجليزى قلت انا ادخل الامتحان وربنا يسهل ومذكرتش انجليزى من اول السنة ودخلت الامتحان اول يوم فى العربى وحليت وتانى يوم كان تفاضل فى الرياضة الامتحان جى سهل وزملائى بقى مصدقو يشمتو فيا ويقولولى بنفس العبارة ( الامتحان جى سهل حد يسيب الرياضة جتك نيلة يابنى انت اتعفرت فى مخك ) وجيت البيت وانا متعقد متعقد من نفسى ومن حياتى اشد عقدة شفتها فى حياتى وجيت وكنت رايح بكرة امتحن فرنساوى وتاعقدت ومذكرتش صبحت فى يوم امتحان الفرنساوى ورايح بس مش قلقان لا نى مذاكر فيه من اول السنة وماشى افكر فى الرياضة وزملائى برده يقبلونى وانا داخل الامتحان الفرنساوى وينكتو عليا ودخلت الفرنساوى وحليت وبرده تركيزى مش فى الامتحان تركيزى فى زملائى اللى فرحانين وانا اللى زعلان ومتعقد واللى زاد عليا انى كنت ناوى اخد الرياضة فى تالتة معاياواذاكر بجد بجد مذاكرة ااعدام بس زميلى جى وقلى مينفعش لا زم تخدها فى سنة لوحدها دى خلتنى كأنى فى غيبوبة المهم دخلت اللجنة وحليت الفرنساوى وانا متعقد وتركيزى مش فى الورقة والا متحان سهل جدا وحليت فيه بس لما تركيزى مكنش فى الورقة نسيت سؤال عليه 3 درجات اللى هو السؤال اللى قبل الخطاب وطلعت من اللجنة فرحان ومعتقد انى حليت الورقة كلها صح وفجأة براجع الورقة وانا بره اللجنة بعد ماسلمت الورقة لقيت نفسى نسيت سؤال ياه كنت بتمنى بتمنى انى ملك الموت يقبض روحى فى اللحظة دى ومن سعتها وانا بتندم ندم عمرى وجت نتائج الثانوية العامة ظهرت جبت 60فى المية فى الاربع مواد وزعلت مش على نتيجة الثانوية العامة انى نا قصرت فى المذاكرة ومسمعتش الا كلام نفسى وبقول يرتنى كنت ذكرت الاتجلش والرياضة واللى زاد عليا كمان انى زميلى معايا انا فى تالتة اعداى طلعت الاول على المدرسة وهو كان منافس لية جى فى ثانوى وبصراحة انا اتبعت النت ومذكرتش طلع الاول وجاب 99 فى المية يااااااااااااااالله حزنت اشد حزنى حتى الان ومش قادر اطلع من البيت من كلام الناس اللى بتقولى بنفس العبارة (جتك نيلة الواد طلع الاول عليك حد يسقط زيك كده انا بصراحة مش عارف اعمل ايه ولا قادر اطلع من البيت وجتلى عقدة نفسية من المدرسة ومن اصحابى والدنيا بقت سودة قدامى وبفكر فى الانتحار ديما مش عارف اعمل ايه
مشاكل الثانوية العامة
حياتى اتحطمت بسبب نتائج الثانوية العامة انتحر يعني
اضيف بتاريخ: Friday, July 22nd, 2011 في 16:26
كلمات مشاكل وحلول: الثانوية العامة, مشاكل الثانوية العامة, نتائج
هديك نصيحة اوعى تمشى ورا كلام اصحابك لان لو هما بجد بيحبوك كانوا وقفوا جمبك فى وهدوك مش يفرحوا فيك وانت اهم حاجة تصلى وتسيبك من اى حاجة تشغلك عن مذكراتك طبعا زى النت الكارثة الكبرى والكلام فى الموبيل والحاجات اللى مامنهاش فايدة ركز فى مستقبلك وزاكر بما يرضى الله وان الله لا يضيع اجر من احسن عملا وان شاء الله نسمع عنك كل خير وتجيب المجموع اللى بتتمناه وعلى فكرة انا فى تانية زيك بس جبت 73 طبعا مجموع يصدم بس انا اللى عملت فى نفسى كدة
كويس أنك أعترفت بخطأك ومتهربتش من المسؤولية
دي أول وأهم خطوة في إنك تصحح مسارك
سيبك من كلام الناس وحدد هدفك وأرسم له طريق – مش في خيالك – ولكن بالورقة والقلم
ومادام عرفت إن طريق الخلاص – بتقربك من ربنا – خد الطريق ده كمنهج ليك في الحياة وهتلاقي ربنا دائما جنبك ” أنا عند حسن ظن عبدي بي, فليظن بي ما شاء ”
خلي عندك الإرادة انك تتخطى المحنة دي وإن شاء الله ربنا يوفقك السنة اللي جاية
ولا تعمل اى حاجه خالص انا عندى واحده صحبتى كانت فى امتحان العربى قاعده مش شافت غير الوجه الاول بس وجاله فى اللجنه ذهول لدرجة رهيبه انها مخدتش بالها يعنى حلت نص العربى . مشكلتك بقى عاديه جدا انت استغفر ربنا وتوب اليه ومفيش حاجه اسمها صلاه وعباده قبل الامتحانات لازم تكون نابعه من جواك وبعدين ادخل السنه الجايه بروح معنويه وخد الرياضه معاك عادى وذاكرها ومالكش دعوه بكلام الناس لانه ولا بيودى ولا بيجيب وخليك فى نفسك وابدأ مذاكره من الاول بما يرضى الله وان شاء الله ربنا يساعدك واحلى مذاكره بجد بعد الفجر