مشاكل التعليم

هتجنن من دورة اى سى دى ال

يا جماعه انا شاب 23سنه متخرج من الجامعه ومشكلتى انى قدمت على دورة اى سى دى ال وخلصتها شرح ولكن طوال الشهرين اللى اخدتها فيهم ما فهمتش حاجه خالص من المدرب اللى كان بيدينا وبعد كده جبت المزكرات بتاعتها كلها وبردوا مش عارف ازاكر وحاسس انى مش فاهم حاجه والمشكله الاكبر انى ضعيف خالص فى الانجليزى وطبعآ هى كلها انجليزى وخصوصآ اسئلة الامتحان وانا نفسى ازاكرها عشان امتحنها واخلص منها واخد الشهاده بس مش عارف ازاى؟ مع ان زمايلى اللى كانوا معايا فى الدوره كلهم قدموا على الامتحانات وامتحنوها وانا بقالى حوالى ثلاث شهور بعد ما خلصتها شرح وانا متعقد منها ورامى المزكرات ومش بزاكر وبقيت مش عارف اتعامل معها ازاى؟ وخصوصآ الاكسل والاكسس

فياريت تقولولى على طريقه سهله وبسيطه تنفع معايا عشان اقدر ازاكرها وامتحنها وانجح فيها ولو فيه ملازم سهله ليها فى المزاكره قولولى عليها وجزاكم الله كل خير

مشاكل وحلول ذات صلة

اضيف بتاريخ: Monday, December 13th, 2010 في 09:10

كلمات مشاكل وحلول: , , , ,

10 رد to “هتجنن من دورة اى سى دى ال”

  1. gehan
    20/02/2011 at 00:54

    انا بدرب الحل انك تبدأ في مذاكرة مديول واحد ولازم يكون عندك كمبيوتر تتدرب عليه وتحل الاسئلة سؤال سؤال وتتدرب عليه كويس وتتوكل علي الله وتدخله اول ماهتنجح في واحد هتلاقي نفسك متحمس وهتكمل الباقي علي طول…….لكن طول ماانت حاطط السبع مديولات ومحتاس مش هتقدر تنجذ انا بقترح انك تبدأ باللي تحبه فيهم ومن السهل للاصعب يعني خللي المقدمه والاكسس والاكسل في الاخر وتوكل علي الله

  2. صوت الحق
    31/12/2010 at 18:19

    فى فيديوهات سؤال واجابه انا بذاكر منها وهى سهله جدااا واكيد ة هتنفعك

  3. لولو
    23/12/2010 at 03:19

    على فكرة التعليم مش انك تخش الجامعة انا فى معهد كمبيوتر خاص بس بيشرحو بضمير بس Axcel صعب جدا والانجليزى اسهل من العربى لانه هو لغة الكمبيوتر الصلية

  4. el pop
    22/12/2010 at 02:25

    هو فى حد لسه بيزاكر اى سى دى ال من ورق اصلا دى بتتزاكر عن طريق ملفات بور بوينت ومجرد ماتراجعهم مرتين ولا حاجه بتحفظهم وبتدخل تحل الاسئله بكل سهوله جداااااا المساله اسهل مما تتخيل

  5. مروان محمد
    20/12/2010 at 15:29

    ابص يا ابنى انا بدربها للناس وبقولك افضل حاجه علم كل سؤال بكلمه والله هتجيب نتيجة كويسة جدا

  6. ايمن خطاب
    15/12/2010 at 00:58

    نسيت اقولك
    والله العظيم والله العظيم والله العظيم
    امتحانات الانجليزى اسهل من امتحانات العربى
    اسمع كلامى يا ابن الناس ومش هتندم ادخل انجليزى ومش هقول تانى

  7. ايمن خطاب
    15/12/2010 at 00:57

    انتى يابنى خريج جامعه يعنى المفروض انك عقلك واسع
    انا فى نفس نك
    اقولك امتحنت ازاى
    جبت ورق الاسئله وذاكرته فى البيت ودخلت الامتحان وخلصتها لا رحت لحد يشرح لى ولا اى حاجه مع العلم ان فكرنتى عن الكمبيوتر ضعيفه
    وعلى فكره مش محتاجه انجليز بالدرجه اللى انت متخيلها المسأله تافهه وبسيطه بس انت اتخلص من الشيطان دا وربنا يسهل الحال

  8. محمد ناصح الامين
    14/12/2010 at 21:46

    اخي الفاضل دوره اي سي دي ال مش صعبه ولا حاجه لان الاسئله مكرره و ممكن تعرفها بالشبه ..و بالنسبه للمدرس ممكن يكون اسلوبه وحش ممكن تغيره اكيد هوا مش عارف يوصلك المعلومه ***

  9. عزوز
    13/12/2010 at 17:18

    هنالك امتحان عربى ومذكرات عربى لها ليس بالضرورة تاخدها انجليزى حسب اختيارك انت

  10. عبد المجيد
    13/12/2010 at 11:53

    السلام عليكم
    الصديق العزيز …. امتحان دورة الآي سي دي إل لا يشترط اللغة الإنجليزية بل يمكنك الامتحان باللغة العربية **** لأرسل لك ما تحب والأمر بسيط وهناك شروح فيديو وهناك اسطوانات باللغة العربية في المكتبات وحتى على الأرصفة في المدن الكبرى ويسعدني شرحها لك إن كنت من المنصورة أو أجوارها مع أطيب المنى وأرق تحياتي … عبد المجيد

اترك رداً أو حلاً لهذه المشكلة