انا فتاه عمري 21 سنه بحب واحد موظف عمرو 26 سنه هو كان بيحب واحده قبلي وهي بنت وقبل مره شفتو معاها في موقف مش حلو وفي نفس الوقت كان بقول لي انو بيحبني لما شوفت هاد لموقف رفضت اعمل معو علاقه وهو مازال مستمر في كل مره بقول لي انو بيحبني وبيبعت صحباتي عشان يكلموني مره سنه وبرضو هو مصر فا انا قلت اشوفو يمكن عشان البنت مش كويسه عمل معاها كدا انا مش حيعمل معايا كدا فعلا لحدي اللحظه دي ماطلب مني حاجه مش كويسه لانو انا دايما بقول له انا مش زي اي بنت انت عرفتها الحاجه الوحيده اللي بيطلبها مني بوسه على التلفون وانا برفض لاكن بيصر فابديهالو وصحباتي وكم حد قال لي انو مش كويس لانهم عارفين بي علاقتو مع البت اللي قبلي لاكن انا ماحصليش معاه ولا موقف وحش لحدي دي الوقتي لينا 6 شهور مع بعض انا خايفه اتزوجو ويكون وحش وخايفه اسيبو اكون ظلمتو ادوني حل لو سمحتو وشكرا
الحب قبل الزواج
هل اترك حبيبي ام انتظر الزواج منه
اضيف بتاريخ: Monday, February 6th, 2012 في 08:03
كلمات مشاكل وحلول: الحب, الزواج, فتاة, مشاكل الحب
اختي هل من العقل بعدان شوفتيه مع البنت دي في وضع غيراخلاقي وكل صحابك حذروك منه وقالواانه مش كويس وبرضو مش مقتنعة انه سافل ومنحط وبتاع بنات وعاوز الفرصة المناسبة لكي ينال منك ومش بعيد يسلبك اعزماعندك شرفك وفي الاخر يرميك رمية الكلاب ده هوالسيناريو المتوقع حدوثه فوقي لروحك قبل فوات الاوان واقطعي علاقتك بهذالكلب السافل الواطي نهاية وللابد واهتم بدراستك وحافظي على اخلاقك وتربية اهلك وثقتهم لك ربي يهديك ويسترعليك
ابنتي الفاضلة الحب ياتي بعدالزواج ولااحديضحك عليك ويقول لك غيركدا الشاب لوكان صادق وجادفي مشاعره معك لتقدم لاهلك وخطبك منهم رسمي لكنه بيلعب بك ويتسلى اتركيه نهايا وربي يعوضك بخيرمنه ولسه انتي في عزشبابك والف من يتمنى الزواج منك وربي يسعدك ويرزقك بالرجل الصالح اللي يستاهلك ويقدرك
أختي في الله أنصحك بتركــه وحب الله يكفيك هو كــآذب والحب والمودة تكون بعد الزوآج وهو يتسلـآه بأعرآض المسلمين اتركيه من أجل الله ودينك يعوضك الله خيرآ وسيرزقك خير منه وانصحك ان ا تبني حياتك على تخمينات واحلام منه فقد يموت فأي حظة سوآء انت او هو فمــآ موقفك بإقام علاقة محرمه أرجوآ منكمـ الصبر وتركه وحب الله ورسوله خير لكي
انتي لو شفتيه مع البنت قبل مايحبك ممكن يكون البنت مش كويسه فعمل معاها كدا بس ممكن يكون لما حبك احترمك وفعلا بقي انسان كويس بتحصل كتير لكن لو هو طلب منك حاجه اكتر من القبله فهو فعلا انسان مش كويس وميصلحش زوج ليكي فانتي لازم متكمليش معاه اكيد وانتي اعلم بالمواقف معاكي اكتر ماحنا هنعرف وانتي انسانه عقله وهتقدري تفهمي المواقف اللي قدامك
لو كانت أخلاقه كويسة ودي غلطته الوحدة مفيش مشكلة..
انتى ازاى تقبلى على نفسك انك تكملى بعد كل اللي شوفتيه منه وهو معها ده واحد بيتسلى بيكم انتى يكلمك فى التليفون ويضيع وقته معاكى وهى ينام معاها ده انسان مش بيحبك لان لو بيحبك مش هيشوف حد غيرك والله اعلم بالى فى نيته وضميره انتى كلميه وقوليله ايه اخر القصه دى انتى هتتقدملى ولا لا لو قالك ظروف وجوابات قوليله خلاص انا مش هينفع اكمل معاك واذا لاقيت ظروفك اتحسنت اتقدملى . عشان تحافظى على نفسك وميفتكرش انك رخيصه
صديقتي العزيزة انا علمتني الدنيا ان احب من يستحق الحب فمن يستغل مشاعرك اتجاهه بانكي تحبينه ويخون مع اخرى ثم يعود اليكي صدقيني هو لا يحبك حتى وان كان تعامله معكي يوحي انه يحبك ،فاهم شيء في الحب الوفاء ،حتى وان كانت من كان يعرفها كما تقولين اساءت اليه،فصدقيني عندما يصل الى ما يريده منكي،سيترككي وتقعي انتي في الندم والحزن،هده نصيحتي ابحثي على من يحبك ويكون وفي في حبك،فخديها نصيحة من السهل ان تجد من تحبه،ولكن من الصعب ان تجد من يحبك.شكرا.
لازم تختاري زوج المستقبل على خلق ودين ويراعي بنات الناس حتى لو كانو وحشين لان الله مش رح يضيع حق حدا ولو ما بتجي في اختو تجي ببنتو بشي يوم الله يهديه..اذا فعلا تاب اعطيلو فرصة لكن اذا غير هيك ما بنصحك تكملي معو
بصى انا بس عايزة اعرف هو انتى لازم يحصلك منه حاجة وحشة عشان تعرفى الانسان دة كويس ولا مش كويس ولية متئوليش ان الموقف الى شوفتية فية مع البنت دى كان تنبية من ربنا ليكى بينبهك فية ان الانسان دة مش كويس وبعدين انتى كتير من صحباتك قالولك انة انسان مش كويس وانتى مش بتسدئيهم مستنية اية لما يعمل فيكى حاجة وحشة وتندمى على اليوم الى عرفتية فية وساعتها هتئولى يارتنى سمعت كلام صحابى لازم تفوئى دلوقتى قبل ما يفوت الاوان وبعدين لو انتى عايزة تتأكدى اكتر من انة كويس او مش كويس مع ان كل الى قولتية دة كفاية لوحدة انك تعرفى منة انة مش انسان كويس ممكن تختبرية مثلا جربى خلى وحدة صحبتك هو ميعرفهاش او قربتك تكلمة على الموبيل وشوفية هيعمل اية وبجد بتمنالك كل خير وسعادة وربنا يفوئك من الى انتى فية لو هو انسان مش كويس ولو كويس ربنا يجعلة من نصيبك
ابعدى عنه وربنا يعوضك خير منه لان شخص باين من سلوكه انه مش محترم
نصيحه مني ليكي اختي الي كان وحش مع غيرك هيكون وحش معاكي ومش هيتقي ربنا فيكي
الانسان الي تامنيله الي بيخاف من ربنا
وست شهور مش كفايه تعرفي هو وحش ولا لا
اعرف واحده كان واحد محترم معاها ومبنش على نيته الا بعد سنتين
تتخيلي ؟؟؟؟؟
عشان متكونيش ظلمتيه معاكي قوليله انا قربت من ربنا واني اكلمك في التليفون حرام
ولو لينا نصيب في بعض ربنا هيخلينا نلتقي تاني
ولو انت بتحبني بجد هتيجي تكلم بابا في الوقت المناسب
صدقيني لو بيحبك هيعمل كده
والغالب انه بيتسلى خاصة انه عمل موقف وحش مع غيرك
وعنده 26 سنة سن مناسب للزواج مجاش يخطبك ليه ؟؟
الرحاله بيحبوا البنت الصعبه وهو ده الي جننه عليكي مش شرط يكون حب
فانت بكلامك وموقفه من كلامك هيثبت صدقه ولا لا
وهو لما يكلمك في التليفون ويطلب بوسه يبقى معملش حاجه مش كويسه لحد دلوقتي
طب انا مش هحكم من عندى هقولك روحي لاي شيخ واساليه وشوفي حكم البوسه اللي في التليفون ايه ؟؟
نصيحتي لله انك تسيبيه ومش معنى انه الح عليكي سنه يبقى بيحبك الشباب عندهم صبر لا حدود له وانك تشوفيه بعينك مع واحده تانيه بعدين تقولى صحباتك بيحذروكي وانتى لسه مصره عليه انتى شكلك مستنيه لما يتجوزك ويخونك عشان تتاكدى انه مش كويس او انك بتحبي لدرجه انك عماله تطلعيله مبررات عشان تكملى معاه .. ممكن يحبك بس بشكل محترم والحب مواقف واخلاق وتضحيه مش تليفونات وبوسه وبطيخ ..